Tɔn Pɔɔl Aa Chwerɛ Rom Tena 2:14 - mzwDBL

¹⁴ Nɛra baa wola Juu tena ɛɛ la, baa Mosis Mmara la jemɛ. Kɛ saŋ bɛlbwa ba ɡbaɡba aa kpɔ ba nyu bini nfɛrɛ dɛ ɛ ɡɛ Mmara la aa dɛ baɡle la, dɛ ba nyu bini nfɛrɛ la ɛ Mmara tɛɛ ba. Kɛ a fe lole kɛŋɔ baa Mosis Mmara la jemɛ te.

Tɔn Pɔɔl Aa Chwerɛ Rom Tena 2:14 ပူးပေါင်းရင်းမြစ်များ

We-ɛɛla 10:35

Kɛ harɛ bɛlbwa ta la, nomɛlbwa waa dɛ ɔmɛ Korowii dɛ jemɔ la, Korowii sie dɛ lɛ o nɛ.

We-ɛɛla 14:16

A saŋ la, dɛ Korowii ɡelɔ he nɛra haa wola Juu tena ɛɛ la ɛɛ ɛ he tetoowa.

We-ɛɛla 17:30

Saŋ la nɛwɛnyini fa aa wola Korowii ŋwɛnɛ jemɛ kɛrɛdɛ la, o laa sie kpɔ ba wechɔɡa ta. Kɛ taraken te, o ŋɔ hárɛ ta bobɛlbwa nɛra charɛ ba liire, dɛ́ le ba wechɔɡa ta,

Tɔn Pɔɔl Aa Chwerɛ Rom Tena 1:32

Ba jemɔ kɛŋɔ Korowii ŋɔ nɛra baa dɛ ɛ ken la, ba chɛ kpoe, kɛ dɛ ɡe ta na dɛɛ ɛa, dɛ ɡarɛ dɛɛ kpɛɛ nɛra baa dɛ ɛa la.

Tɔn Pɔɔl Aa Chwerɛ Rom Tena 2:12

Nɛra baa wola Mmara Korowii aa kpɔa tɛ Mosis la jemɛ dɛɛ ɛ wechɔɡa la, baa sewɔɔ. Kɛ Mosis Mmara la ta laa Korowii ɛɛ ba nyiŋa, dɛ́ bol ba waa dɛ́ pa bole. Banɔ la baa jemɛ Mmara la, Mmara la taa Korowii ɛɛ ba nyiŋa dɛ́ bol ba waa dɛ́ pa bole.

Tɔn Pɔɔl Aa Chwerɛ Rom Tena 2:15

Ba we-ɛɛla chaɡlɔ kɛŋɔ waa Mosis Mmara la aa dɛ baɡle la lɔ ba bambile bini. Ba liire ɡba dɛ di danseɛ ɡɛ waa nɔ ta, dɛkalkɛŋɔ a tel ane ta naa, ba ɡbaɡba liire yon ɛɛ ba kɛŋɔ ba ɛ wechɔɡa, ane ɡe ta ba ɡbaɡba liire yon ɛɛ ba kɛŋɔ ba ɛ wedɛɛɡa.

Tɔn Pɔɔl Aa Chwerɛ Rom Tena 2:27

He Juu tena te jemɛ Mmara nɔ dɛɛ teŋe he pena, kɛ he bane aa Mmara la ta teŋɛ. Asɛ nɛra baa wola Juu tena ɛɛ la ɡe, baa ba pena teŋe, kɛ ba bini bane dɛ teŋɛ Mmara la ta. Ba we-ɛɛla ɛɛ ɡeloo Korowii pa heyaa bolchɔɡe.

1 Kɔrent 11:14

Gɛ Korowii aa ta baa la, o nyu moɡɔ kohona naa, aa were. A ɛ sihiih.

1 Kɔrent 9:21

Gɛ tentenee dɛ n koo nɛŋhɔɔhra baa wola Mosis Mmara la ta teŋɛ nɛ aa, n yon ɛ n te kɛ ban, ásɛ dɛ dɔɔ ba tɛ Korowii. Kɛ aa baɡle kɛ n dɛ vɛh Korowii nyoa wobol. N dɛ teŋɛ ɡɛ Yeesu Kristo aa ŋɔa yá teŋɛ la ta.

Ɛfesos 2:12

He fa aa Kristo Korowii aa baɡɛ nyoa ŋɔ wɛɛ tomɔɔ ó ba lɛ yaa la waa jemɛ. He fa ta Juu tena Korowii aa lee ba dɛ ɡel ba ɛ o nɛra la nɛɛ jae. He fa aa nyoo Korowii aa baɡa dɛ kwaa o ne o nɛra fɔo dɔe la waa jemɛ. He fa ta hwɛɡa bɛlbwa dɔe. He fa aa Korowii jemɛ ó won cha heya.

Ɛfesos 2:3

Gɛɛ ya bwa faa ɛ, dɛɛ ɛ waa ya nɛwɛnyini mar wechɔɡa aa suu nɔ aa dɛ nyin, asɛ dɛɛ teŋɛ ya bwadabii pɛla ne ya liichɔɡa ta. Ya ne nɛra baa dɔ harɛ nɔ ta liire bwa nɛɛ Korowii baah faa di.

Mmarare 4:7

Harɛ besoo nɛraa lole dɛ dɔ sɔn kohona, dɛ dɔ voɡ o bɛn ba dɛɛ no ba be ɡɛ Korowii yaa dɛ tomɔ aa bɛne yaa dɛɛ no ya wesoŋa nɔɔ?

Felepae 4:8

Too, yabala, anɔ la aa kaa laanee nɔ. Hé ɡel he liire do wedɛɛɡa ta. Wobɛlbwa aa ɛ kasinteŋ, ne anɔ la aa dɔ jirima, ne anɔ la aa toɡra, ne anɔ la aa do kaih, ne waa aa wera, dɛ anɔ la aa dɔ pɛla, wobɛlbwa aa ɛ wedɛɛɡa dɛ chɛ kpɛɛra la, hé ɡel he liire do a ta.