Tɔn Pɔɔl Aa Chwerɛ Rom Tena 15:8 - mzwDBL

⁸ dɛkalkɛŋɔ Yeesu Kristo wono ɛ toma Juu tena bini, asɛ dɛ chaɡle kɛ Korowii waa dɔ kasinteŋ. Anee Korowii ɛ dɛ chuɡri o nyobaɡa waa baɡɛ Israel tena naawa la,

Tɔn Pɔɔl Aa Chwerɛ Rom Tena 15:8 ပူးပေါင်းရင်းမြစ်များ

Sɛɡla 8:7

Kpelaa mɛɛ bol, maa nyosone teŋe bwa.

Maeka 7:20

Hɛɛ teŋɛ kasinteŋ ne he nyina aa wola jaɡa dɔe taa, dɛ́ sune Jekɔb ne Abraham naanar nɛ, ɡɛ haa baɡɛ ya naawa nyoa saŋ la.

Matiu 15:24

Anee Yeesu chaŋe ŋɔ, “Nɛra baa do kɛŋɔ peera aa nyoɡra dɛ le Israel tena bini la ɡbo waa ba tom mɛ ŋɔ ń ba ɡaaɡe ba bɔr.”

Matiu 20:28

Dɛ ŋɔ, “Men Nɛn Bie ta balɛ kɛ nɛ́ra tom mɛ. N te balɔ dɛ́ ba tomɛ nɛra, dɛ́ ɡarɛ kpɔ n nyu charɛ nɛndamanta mkpa.”

Amanesoma Jɔn Aa Chwera Tɔn 1:11

O ba o ɡbaɡba harɛ ta, asɛ o ɡbaɡba nɛra vɛoh.

Amanesoma Jɔn Aa Chwera Tɔn 10:16

N peera ane ta lɔ leɡa ane bini. Mɛɛ nyin a ɡe bɔree dɛ́ tɔ a sie dɛ́ kpɔa ba ja anɔ ta, ásɛ aa no n taa dɛ́ bwa ɛ beŋkpoŋ, dɛ́ pɛ dɛɛ teŋɛ n nɛ.

We-ɛɛla 13:46

Baa dɛ ɛ Pɔɔl ne Banabas nɛnhɛla la, ate ta kwaraa baa bol waa bansua ne dɛɛ ŋɔ, “Aŋwɛnɛ taa ya tɔ sie bol Korowii Amanesoma waa la he be la. Kɛ he ɡbaɡba aa vɛah dɛ baɡle kɛŋɔ he te ta Korowii mkpa la chɛɛ nɔ te naa, yaa ɡel heyaa dɛ́ la nɛra baa wola Juu tena ɛɛ la be,

Tɔn Pɔɔl Aa Chwerɛ Rom Tena 11:22

He nyiŋo na naa, dɛ he jemɔ kɛŋɔ Korowii tea som, kɛ o waa ɡe kpeɡri taeh. Nɛra ba deŋne aa kpeɡa baa wola o ŋwɛnɛ ta teŋɛ la, o dɛ nyiŋ ba sinyɛɡa ne. Kɛ dɛ hɛɛ dɛɛ teŋɛ o ŋwɛnɛ taa te naa, wɛɛ ta tea tɛ he te. Kɛ dɛ he ta o ŋwɛnɛ ta teŋaa, wɛɛ kɛ he ɡee ta.

Tɔn Pɔɔl Aa Chwerɛ Rom Tena 11:30

Gɛ he nɛra haa wola Juu tena ɛɛ fa aa wola Korowii waa ta teŋɛ, asɛ o koh kɛ Israel tena vɛh o waa ta teŋa, asɛ dɛ sune he nɛɛ la,

Tɔn Pɔɔl Aa Chwerɛ Rom Tena 15:16

dɛ kpɔ o toma nɔ do n nɔn ta ŋɔ mɛ́ɛ baɡle nɛra baa wola Juu tena ɛɛ la, a waa n won di heyaa kasinteŋ ɡɛ la. Maa dɛ bol Yeesu Kristo Amanesoma la dɛɛ baɡle he nɛra haa wola Israel tena ɛɛ la, n kpɔ n te ɛ kɛŋɔ Sɔfo waa lɛ nɛra kwaa ɛ saraha dɛɛ tɛɛ ba Korowii Dea bini la. N dɛ nyin he no a waa dɛ yaradaa, ásɛ Korowii Domadɛɛɡe won laa he doŋa kpɔ he nɛ, ásɛ he ɛ Korowii nɛra. Belaa ń won kpɔ heyaa tɛ Korowii kɛŋɔ baa ɛ saraha dɛɛ tɛo la, ásɛ he waa su o siwi o lɛ heya.

Tɔn Pɔɔl Aa Chwerɛ Rom Tena 3:26

Taraken waa ɡela Yeesu Kristo koh ya wechɔɡa waa dɛ sewɛ nɔ, o baɡlɔ kɛŋɔ o waa toɡrɔ. Nomɛlbwa waa dɛ yarada Yeesu dɛ kpɔ o te tɛo la, Korowii ɡelɔ o ɛ nɛndɛɛɡe o wa ɛɛ su o siwi.

Tɔn Pɔɔl Aa Chwerɛ Rom Tena 3:3

Amɔ dɛ ya bini bane ta Korowii yaradae yaa, wɛɛ koh a waa ásɛ o waa aa yaradaa dɔ aa?

Tɔn Pɔɔl Aa Chwerɛ Rom Tena 4:16

Nyoa Korowii aa baɡa la, yarada taa a che. A chɛ kɛ á ɛ ɡɛ ásɛ kon Korowii aa baɡɛ nyoa la, o ɛ kon waa kpɔa tɛ pɛɛpɛɛ. O ɛ kon Korowii aa kpɔa tɛ Abraham naanar bwa pɛɛpɛɛ waa wola nsana lee ba. Nɛra baa dɛ teŋɛ Mosis Mmara la ta la, ba ɡbo laa Korowii baɡɛ ɡɛ nyoa la. Nomɛlbwa waa dɛ yarada Yeesu waa la kɛŋɔ Abraham aa yarada Korowii la, wɛɛ di nyobaɡa la tɔnɔɔ, dɛkalkɛŋɔ ya bwa mɛɛɛ Abraham.

1 Kɔrent 1:12

N noɔ kɛ bane ŋɔ ba teŋɛ men Pɔɔl nɛ, bane ɡe ŋɔ ba teŋɛ Apolos nɛ, asɛ bane ɡe ŋɔ Pita nɛɛ ba te teŋɛ, bane ɡe ŋɔ ba teŋɛ Yeesu Kristo nɛ.

1 Kɔrent 10:19

N dɛ baɡle kɛ kwaa baa kpoora dɛɛ tɛ voɡa la, a ne voɡa ɡbaɡba ɛ kwaane kɛɛ? Akai!

1 Kɔrent 10:29

A ta wechɔɡa ɛɛ tɛɛ. Naate la waa n ŋɔ he bɛ di la, ásɛ o liire bɛ on aahna-aahna ɛ. Ɛrɛɛ mɛɛ ba nomɛl nyu bini liire waa koeh dɛ́ ɡel waa maa dɛ ɛɔ?

1 Kɔrent 15:50

Yabala, hé ɡel n ŋɔ he be, harɛ nɔ ta bwadabii aa won la Korowii be. Kon waa dɛ pɔh la ne onɔ la waa wola pɔh aa won pɛ.

2 Kɔrent 1:20

Nyoo bwa Korowii aa baɡa la, Yeesu nɛɛ ya che dɛ jemɛ kɛ a ɛ kasinteŋ. O waa ya won Aamen la sii, ásɛ Korowii won dɔ sɔn.

Ɛfesos 2:12

He fa aa Kristo Korowii aa baɡɛ nyoa ŋɔ wɛɛ tomɔɔ ó ba lɛ yaa la waa jemɛ. He fa ta Juu tena Korowii aa lee ba dɛ ɡel ba ɛ o nɛra la nɛɛ jae. He fa aa nyoo Korowii aa baɡa dɛ kwaa o ne o nɛra fɔo dɔe la waa jemɛ. He fa ta hwɛɡa bɛlbwa dɔe. He fa aa Korowii jemɛ ó won cha heya.