Tɔn Pɔɔl Aa Chwerɛ Rom Tena 15:26 - mzwDBL

²⁶ Ba bala baa lɔ Makidoonia ne Akaya harɛre ta koŋkwaare ane ŋɔ ń kpɔ ka tɛ Jerusalam Korowii nɛra ba wa aa toɡra, ba soɡa bini do kpeɡri tɛɛ ba la.

Tɔn Pɔɔl Aa Chwerɛ Rom Tena 15:26 ပူးပေါင်းရင်းမြစ်များ

Sɛɡla 14:21

Nɛn waa dɛ na nyaara sum la, o na som, kɛ a ɛ wechɔɡa kɛŋɔ he hah he dɔŋ, dɛɛ nyiŋi o nyubaah.

Sɛɡla 14:31

He dɛ do nyaara weweele aa, he dɛ chɛɡɛ Korowii waa ta ba, kɛ he dɛ ɛɛ ba kɛrɛdɛ naa, he dɛ tɛ Korowii jirima.

Sɛɡla 17:5

He dɛ mamɛ nyaaraa, Korowii waa ta baa hɛɛ chɛɡɛ, ɡɛɛ a do dɛ he sie dɛ lɛ he dɔŋ wahala ta naa, hɛɛ ba deŋnetɛra kohona dɔe.

Sekaria 11:11

Fɔo la chɔɡɔ awola tɔpere, asɛ peera baa dɛ fiiɡa la ɛɛ nyiŋ mɛ, dɛ na kɛŋɔ Korowiirii bol ɡɛ waa maa ɛa la.

Sekaria 11:7

Anomanta, men Sekaria nyiŋi peera baa lea cheɡ dɛ́ ka kpoora la nɛ, dɛ teɡa kaa dibɔr, anɔ la baa dɛ fiiɡa la fanfa. Asɛ dɛ kpɔ daŋɡbale anɛ, dɛ pa bɛl sɔn ‘Sum Nae’, asɛ bɛl ɡe ‘Nyopɛo’, dɛ nyiŋi peera la nɛ.

Matiu 25:40

Ásɛ n ŋɔ ba be ŋɔ, ‘Kasinteŋ, ɡɛ haa cha n nimanar baa ɛ nɛŋɡwɛɡra waa nɔ dɔŋa puu ba la, menee he cha la.’

Matiu 26:11

Nyaara te, he ne banee lole tɔperee bwa, kɛ n te aa he bee do ka tonɛ.

Amanesoma Luk Aa Chwera Tɔn 14:13

Dɛ he ɛ ɡɛ kondikwaa nɔ soo siwi aa, yerɛ nyaara ne boobie ne nɛra ba nakpale aa teŋna, ne nyoŋa bá ba di,

Amanesoma Luk Aa Chwera Tɔn 6:20

Yeesu nyiŋi o habɔteŋra la, dɛ ŋɔ, “He banɔ la haa ɛ nyaara la, he na som, dɛkalkɛ heyaa dɛɛ ba Korowii Kora koobii ɛɛ.

We-ɛɛla 16:12

dɛ ka che bela kpɔ harɛ kaa Felepae. Dɛ Felepae nɔɔ ɛ Makidoonia be pera bwɛɛre la bwa bwɛjen. Dɛ koojen waa dɛ nyiŋi Rom harɛ laanee dɔ bela. Ya biɡri bela tama.

We-ɛɛla 16:9

Awola jwaana ne la, Pɔɔl na wepila ane. O nao kɛ Makidoonia harɛ te bɛl aa cheɡa dɛɛ soŋo dɛɛ ŋɔ, “Ba Makidoonia dɛ ba lɛ yaa.”

We-ɛɛla 18:12

Gɛ saŋ baa tɛ baa bɛl baa dɛ yerɔ Galio nomonome, asɛ o nyiŋi Akaya harɛ dɛɛ tɛ Rom Koojen laanee Juu tena pɛ nyoa, dɛ lawɛ Pɔɔl la o be.

We-ɛɛla 19:21

Gɛ waa nɔ habɔɔ la, Pɔɔl ɛ o liire kɛŋɔ wɛɛ la Makidoonia harɛ ne Akaya harɛ taa, dɛ ka kaa Jerusalam, dɛ ŋɔ dɛ o la a bwa ta naa, a chɛ kɛ o la Rom ɡba.

We-ɛɛla 9:13

Belaa Ananias ŋɔ, “N Dɔɔ, nɛra baa bol baa nɔ waa n be warɔ. O wechɔɡdamanta waa ɛ he nɛra ba wa aa toɡra Jerusalam la bwa waa ba bol n be.

1 Kɔrent 16:15

Yabala, he jemɔ kɛŋɔ Stɛfanas ne o dem tenaa tɔ sie yarada Yeesu waa la Akaya harɛ nɛra la bwa bini, dɛ kpɔ ba te tɛo dɛ swɛɛ siwi dɛ ɛ toma dɛɛ tɛ Korowii nɛra ba wa aa toɡra.

1 Kɔrent 16:5

N dɛ nyin kɛŋɔ n la Makidoonia harɛ ta. Dɛ n baa le bela aa, mɛɛ ba he bee,

2 Kɔrent 1:16

N fa ɛo kɛ n Makidoonia harɛ kaala ta la, ń kpɔ he be, ásɛ n le bela dɛɛ ba ɡe aa, ń ba so he be tama, ásɛ he ta mɛ ŋwɛnɛ n kaa Juda harɛ.

2 Kɔrent 11:9

Gɛ saŋ maa lɔ he be la, suuɡa waa hiah mɛ naa, maa n te kpɔe dɛɛ dawɛ he nɛ. Yabala baa le Makidoonia harɛ ba laanee baa tɛ mɛ kwaa maa dɛ nyin bwa. Gɛ n fa aa wola n te kpɔe dawɛ he nɛɛ wubwa la, ɡɛɛ maa wola n tenee kpɔ dawɛ he nɛɛ saŋ bɛlbwa bwa.

2 Kɔrent 2:13

Kɛ maa wola ya dɔŋ Taetos ka pue bela la, n baah ta men sɔɔhnɛ. Anomanta, n kal bela tena dɛ kaa Makidoonia harɛ.

2 Kɔrent 7:5

Yaa ba Makidoonia harɛ ta habɔɔ kwaraa la, ya bwara ta yaa sɔɔhnɛ. Bobɛlbwa yaa kpɔ la, ya ne wahalaa. Dɛ yoi laa nɛra ɛɛ yo yaa kwara naa, dɛ ya ne bambiwɔrɔbaa.

2 Kɔrent 9:12

Dɛ ya kpɔ he koŋkɛɛla nɔ dɛɛ tɛ Korowii nɛra aa hiah ba aa, dɛ chae ɡbo laa hɛɛ cha ba. Dɛ a cheɡɛ a ta nɛra kpɔ silɛɛ ɡee jam Korowii kohona.

2 Kɔrent 9:2

N jemɔ kɛŋɔ he te dɛ nyin ba chae. Anomanta, n kpɔ heyaa maŋkura n te Makidoonia tena be taeh. N ŋɔ ba be ŋɔ, “Bena ken bwaa yabala baa lɔ Akaya harɛ la swɛɛ siwi dɛɛ nyin nɛra chae.” He siwi aa swɛɛra hɛɛ nyin nɛra chae la, a ɡelɔ ba kɛrɛdɛ ɡee nyin nɛra chae.

2 Kɔrent 9:4

Makidoonia harɛ tena teŋɛ n nɛɛ ba dɛ ba na kɛŋɔ he ta he te kpɔe mɔɔ naa, dɛ sihiih ta he te kpoe yaa, sihiih ɛɛ kpo ya tenee, dɛ le ɡɛ yaa dɛ maŋkura heyaa la nomanta.

Felepae 4:15

He ɡba jemɔ kɛŋɔ ɡɛ saŋ maa ba he be Makidoonia harɛ loɡle la dɛ bol Amanesoma la dɛɛ tɛ heyaa asɛ dɛ kpɔ bela dɛɛ kaa la, asɔre tena baa lɔ bwɛɛre la ta la bɛlbwa ta men chae. He Felepae tena ɡboo koh toma maa ɛa he bini la waa dɛ cha mɛ suuɡa ne.

1 Tesalonika 1:7

Gɛ haa ɛa laanee chɔa dɛ tɛ nɛra baa yaradaa Makidoonia harɛ ne Akaya harɛ bwa, baa nyiŋi dɛɛ tomɛ Korowii.

1 Tesalonika 1:8

He bee ya Dɔɔ la waa che dɛ perɛ baah bela bwa. Bela tena ɡbo laa noa, kɛ yarada haa dɛ yarada Korowii la tel bobɛlbwa. Anomanta, a ta chɛ kɛŋɔ yá bol he waa nɛra be kpa.

1 Tesalonika 4:10

Kasinteŋ, he dɛ nyin he bala baa lɔ Makidoonia harɛ la bwa. Yabala, ya dɛ soŋe heyaa kɛ he bɛ waa nɔ ɡel, kɛ hé ɛ ɡwaa ɡɛ.

1 Timoti 1:3

Waa maa ba dɛ kaa Makidoonia harɛ ta dɛ ŋɔ he be la, a taa n ta do. N ŋɔ hé so Ɛfesos dɛ kah nɛra baa teŋe nyosone dɛɛ tɛ nɛra ŋɔ Korowii Waa baa chaɡle la ŋɔ bá ɡel ɡɛ waa la, dɛ bɛ Korowii waa la sie berɛ.

Faelemɔn 1:5

dɛkalkɛŋɔ n no he nyina haa dɛ nyin Korowii nɛra ba wa aa toɡra bwa, ne ɡɛ haa dɛ yarada ya Dɔɔ Yeesu la wa.