Tɔn Pɔɔl Aa Chwerɛ Rom Tena 15:19 - mzwDBL

¹⁹ ne wekpeɡa ne nyokpowaa Korowii Domadɛɛɡe la kpeɡri aa ɡela mɛɛ ɛ la bwa ɡelɔ he yarada Korowii waa nɔ. Taraken nɔ, le Jerusalam ka le Ilirikum le bwa, n bol Yeesu Kristo Amanesoma nɔ bela.

Tɔn Pɔɔl Aa Chwerɛ Rom Tena 15:19 ပူးပေါင်းရင်းမြစ်များ

Matiu 12:28

Korowii Domadɛɛɡe kpeɡri nee mɛɛ doŋi kwaa aa dɛ ir nɛra nɛɛ la. Anomanta, hé jemɛ kɛŋɔ Korowii Kora dii la telo tonɛ.

Amanesoma Jɔn Aa Chwera Tɔn 4:48

Belaa Yeesu ŋɔ o be ŋɔ, “He bɛlbwa ta nyokpowaa ne wekpeɡa ane nae yaa, haa men yarada bwa.”

We-ɛɛla 1:8

Kɛ dɛ Korowii Domadɛɛɡe la baa so he nɛ aa, wɛɛ tɛ heyaa kpeɡrii ásɛ he di danseɛ tɛ mɛ Jerusalam fɔɡbaah, ne Juda harɛ kabora bwa ta, ne Samaria harɛ ta, ne harɛ jaɡa bwa.”

We-ɛɛla 13:14

Pɔɔl ne o nɛra la le Pɛɛɡa dɛ la bwɛjen Anteɔk waa lɔ Pisidia harɛ la ta. Ona Tɔpere la aa baa tel la, ba kaa jo bela Juu tena cheremi dea bini dɛ so.

We-ɛɛla 13:51

Pɔɔl ne Banabas pee ba napaala teera ta bela, dɛ baɡle kɛŋɔ ba kpɔ Korowii Waa ba ba be, asɛ ba vɛah, dɛ kaa Ikooniam.

We-ɛɛla 14:10

dɛ kpɔ takpeɡ ŋɔ, “Ir che!” Asɛ boobi la fuɡri ir che chiŋ, dɛɛ valɛ.

We-ɛɛla 14:20

Nɛra baa yarada Yeesu waa la ba Pɔɔl be dɛ ba baro cheme, asɛ o ir dɛ berɛ jo bwɛjen la bini. Tɔ aa pera la, o ne Banabas la Dɛɛbe.

We-ɛɛla 14:25

Ba bol Korowii waa Pɛɛɡa, dɛ che bela la Ataalia.

We-ɛɛla 14:6

Kɛ Yeesu toroma la no a ɡɛ waa nɔ, dɛ chwa kaa bwɛjena ane baa dɛ yera Lestra ne Dɛɛbe ne baah bela bwɛɛre la ta. Dɛ Laikoonia harɛ taa ɡɛ bwɛɛre la do.

We-ɛɛla 15:12

Nɛra baa cheme bela la bɛlbwa ta berɛ tɔŋle kpa, dɛ tɔ nyoa dɛɛ no Pɔɔl ne Banabas be. Pɔɔl ne Banabas baɡle nyokpowaa ne wekpeɡa Korowii aa kpɔ ba ɛ nɛra baa wola Juu tena ɛɛ la bini.

We-ɛɛla 16:18

Tɔpera aŋwɛnɛ bwa dɛ ɡɛɛ wɛɛ ɛ, anomanta, a baa pe Pɔɔl, asɛ o berɛ habɔɔ dɛ kpɔ bandia ŋɔ kwaa la aa dɛ ir yomhaah la nɛɛ la be ŋɔ, “Yeesu Kristo sɔn ta, hé le o nɛ!” Buɡ la ta, dɛ kwaa la le o nɛ.

We-ɛɛla 17:10

Bɔr aa baa jo la, asɔre tena la kpɔ Pɔɔl ne Silas kaa Bɛrea. Baa la bela la, ba kaa jo bela cheremi dea bini.

We-ɛɛla 17:15

Nɛra la baa tɔ Pɔɔl sie dɛɛ kaa o ne la, ba la o ne ka tel Atens, dɛ berɛ kaa Bɛrea. Baa dɛ kaa la, Pɔɔl ŋɔ ba be ŋɔ bá ka ŋɔ Silas ne Timoti be ásɛ ba ba o be warane.

We-ɛɛla 18:1

A habɔɔ la, Pɔɔl le Atens dɛ kaa Kɔrent.

We-ɛɛla 18:19

Ba kaa tel Ɛfesos, asɛ Pɔɔl ɡel ba dɛ te kaa bela cheremi dea, asɛ o ne bela Juu tena kaa bol Korowii wa.

We-ɛɛla 19:1

Apolos aa lɔ Kɔrent la, Pɔɔl kpɔ harɛ la bwe doa bɔr dɛ ka le Ɛfesos. Waa la bela la, o kaa pu nɛra baa dɛ teŋɛ Yeesu nɛɛ la bane bela,

We-ɛɛla 20:20

N ta wobɛlbwa kpɔe sɔh heya. Wobɛlbwa aa le tɔnɔ tɛ heyaa la, n ta a ta tɔe. N baɡle nɛra Korowii Waa cheremibɔra, dɛ baɡle o waa he deremi.

We-ɛɛla 20:6

Ya tɔpejena yaa dɛ di Paanoo Iisi Aa Wola Toole a ta la ɡarɔ mɔɔ ya che Felepae jo stiimae bini. Yaa le Felepae la, a tɔpera anuee ya ba puu ba Troas. Ya di yawanyoa Troas bela.

Tɔn Pɔɔl Aa Chwerɛ Rom Tena 15:13

Korowii waa ɡela ya dɔ hwɛɡa Yeesu nɛɛ la, ó tɛ heyaa silɛɛ ne bansɔɔhna he yarada haa dɛ yarada Korowii la ta, ásɛ Korowii Domadɛɛɡe ɡe cha heyaa, ásɛ he won dɛɛ hwɛɡɛ Yeesu nɛɛ kohona.

Tɔn Pɔɔl Aa Chwerɛ Rom Tena 15:16

dɛ kpɔ o toma nɔ do n nɔn ta ŋɔ mɛ́ɛ baɡle nɛra baa wola Juu tena ɛɛ la, a waa n won di heyaa kasinteŋ ɡɛ la. Maa dɛ bol Yeesu Kristo Amanesoma la dɛɛ baɡle he nɛra haa wola Israel tena ɛɛ la, n kpɔ n te ɛ kɛŋɔ Sɔfo waa lɛ nɛra kwaa ɛ saraha dɛɛ tɛɛ ba Korowii Dea bini la. N dɛ nyin he no a waa dɛ yaradaa, ásɛ Korowii Domadɛɛɡe won laa he doŋa kpɔ he nɛ, ásɛ he ɛ Korowii nɛra. Belaa ń won kpɔ heyaa tɛ Korowii kɛŋɔ baa ɛ saraha dɛɛ tɛo la, ásɛ he waa su o siwi o lɛ heya.

Tɔn Pɔɔl Aa Chwerɛ Rom Tena 15:24

n dɛ nyin kɛŋɔ n ba dɛ kaa Speen harɛ ta naa, ń na heya. N jemɔ kɛŋɔ n baa so he be tɔpera anɛ, dɛ le bela dɛɛ kaa Speen harɛ ta naa, hɛɛ cha mɛɛ.

1 Kɔrent 2:4

N webaɡla bini la, n ta wejema kpɔe bol waa baɡle heyaa ásɛ he sie lɛ. Kɛ Korowii Domadɛɛɡe laanee di n wobol la danseɛ dɛ ɡel a do kpeɡri.

2 Kɔrent 12:12

N fa aa lɔ he be la, n lawɛ bambile kɛrɛdɛ dɛɛ ɛ waa aa chaɡla kɛŋɔ Yeesu toroma la bɛlee men. Wekpeɡa ne nyokpowaa bwaa n ɛ.

Galaasia 3:5

Korowii Domadɛɛɡe nɔ waa tɛ heya, dɛɛ ɛ nyokpowaa he bini nɔ, dɛ Mosis Mmara ta teŋa waa o ɛ a bwa kɛɛ haa dɛ no o waa dɛ yaradaa la waa yɔ?

Kolosi 1:25

N ɛ toma dɛɛ tɛ o asɔre tena. Korowiirii koh he chae waa dɛ tɛ mɛ a ɡɛ toma nɔ, dɛ ŋɔ mɛɛ baɡle o waa la bwa ásɛ nɛra bwa no.

1 Tesalonika 1:5

dɛkalkɛŋɔ Amanesoma la yaa baɡle heyaa la, wobol ɡbo ta laa a che dɛ ba he be. Awola haa no waa la, Korowii kpeɡri la ne o Domadɛɛɡe la ɡelɔ he jemɛ kɛŋɔ a ɛ kpela. He jemɛ ɡɛ yaa koh he waa dɛ kpoŋe ya te ɡɛ saŋ ya ne haa soɡa la.

2 Timoti 4:17

Kɛ ya Dɔɔ la cheɡɛ n habɔɔ dɛ tɛ mɛ kpeɡri n won bol Amanesoma la bwa, asɛ nɛra baa wola Juu tena ɛɛ la bwa no. Korowii lɛɛ mɛ le siswɛm ta kɛŋɔ nɛn baa lɛo le nyujente nyoa ta ken.

Hibru 2:4

Korowii ɡbaɡba cheɡɛ nyokpowaa ne wekpeɡa ɛɛ ta, ne o Domadɛɛɡe waa kpɔa bɔne nɛra ɡɛ waa dɛ nyin la ta dɛ di a danseɛ.

1 Pita 1:12

Korowii ɡelɔ a ɡɛ keamere la jemɛ kɛŋɔ ba koeh baa dɛ koh la, ba laa dɛ́ di a tɔnɔ, heyaa ba koh dɛɛ tɛ. Waa haa noa taraken dɛ le Amanesoma baa bola he be la ta la, ban fa bola. Korowii Domadɛɛɡe waa tomɔ ya be laanee cha ba ba bola he be la. Korowii nyundua toroma kwaraa dɛ nyin a ɡɛ waa nɔ dɛ́ jemɛ.