Tɔn Pɔɔl Aa Chwerɛ Rom Tena 15:13 - mzwDBL

¹³ Korowii waa ɡela ya dɔ hwɛɡa Yeesu nɛɛ la, ó tɛ heyaa silɛɛ ne bansɔɔhna he yarada haa dɛ yarada Korowii la ta, ásɛ Korowii Domadɛɛɡe ɡe cha heyaa, ásɛ he won dɛɛ hwɛɡɛ Yeesu nɛɛ kohona.

Tɔn Pɔɔl Aa Chwerɛ Rom Tena 15:13 ပူးပေါင်းရင်းမြစ်များ

Aesaya 55:12

Silɛɛ nee hɛɛ ba Babelɔn lee, bosɔɔhna nee baa ba he sie tɔe le he ne bwɛjen la ta. Bwejena ne deŋɡarere bwa ɛɛ nao dɛɛ ɡo yela, daa bwa ɡe lɔ kpaŋa.

Jeremia 14:8

He ɡbo nɛɛ ya Israel tena sie dawɛ, he ɡboo lɛ yaa dɛɛ le wenaale ta. Ɛrɛɛ he do kɛŋɔ hɔɔh harɛ nɔ ta kɛɛ nɛŋkaa waa baa so ya bini tɔpebeŋkpoŋ ɡbo nɔɔ?

Joel 3:16

Korowii ɛɛ kɔroo le Saayɔn Bwejen ta, o taa do kɛŋɔ bwaala aa dɛ kɔɡre ken, o le Jerusalam dɛɛ ba, nyundua ne harɛ ɛɛ jiɡri. Korowii ɛɛ doo kɛŋɔ danjwɛkpeɡ ken, ásɛ o nɛra chwa kaa marɔ.

Amanesoma Jɔn Aa Chwera Tɔn 14:1

Yeesu berɔ ŋɔ, “He bɛ ɡel he bambile chɔɡ! Hɛ́ɛ yarada Korowii ásɛ dɛɛ yarada n ɡe.

Amanesoma Jɔn Aa Chwera Tɔn 14:27

Deŋnesɔɔhnaa n kpɔ dɛɛ tɛ heya, n ɡbabir deŋnesɔɔhnaa. Harɛ nɔ ta deŋnesɔɔhna laa, anomanta, he bɛ ɡel he bambile teŋe ásɛ hɛɛ ɔmɛ.

Tɔn Pɔɔl Aa Chwerɛ Rom Tena 12:12

Haa dɔ hwɛɡa nomanta, hé ɡel he sie lɛ. Wobɛlbwa pu heya aa, hé lawɛ bambile. Hé swɛɛ siwi dɛɛ soŋe Korowii saŋ bɛlbwa.

Tɔn Pɔɔl Aa Chwerɛ Rom Tena 14:17

Kondikwaa yaa dɛ di ne anɔ la yaa dɛ ki la ta wejena bɛlbwa ɛɛ Korowii Kora waa bini. Waa aa ɛ wehiah laanee kɛŋɔ ɡɛ yaa ɛ ya waa su Korowii siwi, ne waa aa dɛ ba deŋnesɔɔhna ne ya ne ya dɔŋa baah ta, ne silɛɛ aa le Korowii Domadɛɛɡe be.

Tɔn Pɔɔl Aa Chwerɛ Rom Tena 15:19

ne wekpeɡa ne nyokpowaa Korowii Domadɛɛɡe la kpeɡri aa ɡela mɛɛ ɛ la bwa ɡelɔ he yarada Korowii waa nɔ. Taraken nɔ, le Jerusalam ka le Ilirikum le bwa, n bol Yeesu Kristo Amanesoma nɔ bela.

Tɔn Pɔɔl Aa Chwerɛ Rom Tena 15:5

Korowii waa dɛ tɛ nɛn bambile dɛɛ do ɡbemba la, on dɛ tɛ heyaa nyopɛo teŋa haa dɛ teŋɛ Yeesu Kristo nɛɛ la ta,

1 Kɔrent 2:4

N webaɡla bini la, n ta wejema kpɔe bol waa baɡle heyaa ásɛ he sie lɛ. Kɛ Korowii Domadɛɛɡe laanee di n wobol la danseɛ dɛ ɡel a do kpeɡri.

2 Kɔrent 9:8

Korowiirii dɛ won tɛ heyaa kwaa a ɡwaa ɡɛ haa dɛ nyin, ásɛ he dɔ kohona saŋ bɛlbwa, dɛ́ won kpɔ dɛɛ ɛ wedɛɛɡa kohona.

Galaasia 5:22

Korowii Domadɛɛɡe la te, kwaa waa dɛ tɛ laanee dɔŋa nyina, ne silɛɛ, ne nyopɛo, ne bambile dɔe, ne tesom, ne wedɛɛɡa ɛɛ, dɛ kasinteŋ dɔe,

Ɛfesos 1:2

Ń Naa Korowii ne ya Dɔɔ Yeesu Kristo cha heya, dɛ́ tɛ heyaa bosɔɔhna.

1 Tesalonika 1:5

dɛkalkɛŋɔ Amanesoma la yaa baɡle heyaa la, wobol ɡbo ta laa a che dɛ ba he be. Awola haa no waa la, Korowii kpeɡri la ne o Domadɛɛɡe la ɡelɔ he jemɛ kɛŋɔ a ɛ kpela. He jemɛ ɡɛ yaa koh he waa dɛ kpoŋe ya te ɡɛ saŋ ya ne haa soɡa la.

1 Timoti 1:1

Men Pɔɔl maa ɛ Yeesu Kristo torome laanee chwerɛ tɔn nɔ. Korowii waa ɛ ya Lɛɛ ne Yeesu Kristo yaa dɛ hwɛɡɛ o nɛɛ laanee do mɛ ŋɔ mɛ́ɛ bol o waa nɔ.

Hibru 6:11

Ya dɛ nyin kɛŋɔ he bɛlbwa swɛɛ siwi ɡɛ dɛ́ ka tonɛ, ásɛ dɛ won dɔ kon haa dɛ hwɛɡɛ o ta la.

1 Pita 1:8

He ta on nae ka, kɛ he dɛ nyinu. Taraken ɡba, haa on na, kɛ he dɛ yaradao. Anomanta, he sie dɛ lɛ kohona nɛn aa wola won baɡle a wa.

1 Samoɛl 1:18

Hana chaŋe ŋɔ, “N dɔɔ, ɡel he sie lɛ he bitolo nɛ.” Asɛ o le bela kaa, dɛ ka nyin kondikwaa di, asɛ bambichɔɡ la bwa kaa.