Tɔn Pɔɔl Aa Chwerɛ Rom Tena 14:6 - mzwDBL

⁶ Nomɛlbwa waa dɛ lii kɛŋɔ tɔpere bɛl ɛ onjen dɛ ɡwaa bɛl la, o dɛ tɛ Korowii duure, a waa wɛɛ ɛ ɡɛ. Nomɛlbwa waa dɛ di komɛlbwa la, o dɛ tɛ Korowii duure, a waa wɛɛ ɛ ɡɛ, dɛkalkɛŋɔ o dɛ jam Korowii kondikwaa la wa. Nomɛlbwa waa dɛ ki kondikwaa ane soo dii la, o ɡe dɛ tɛ Korowii duure, a waa wɛɛ ɛ ɡɛ. O ɡba dɛ jam Korowii.

Tɔn Pɔɔl Aa Chwerɛ Rom Tena 14:6 ပူးပေါင်းရင်းမြစ်များ

Kaala 12:14

Hé di a ɡɛ tɔpere nɔ saŋ bɛlbwa dɛɛ la, dɛ́ kpɔ lii men Korowii waa maa ɛa tɛ heya. Hé ɡel tɔpere nɔ chɔ le tɛ he ne he naanar baa ka ba saŋ bɛlbwa dɛɛ la.

Kaala 12:42

Awola baa le harɛ la ta la ɛ jwaana, asɛ Korowii kpɔ nɔn tɔ ba nɛ dɛ daah ba. Anomanta, benanyoa bɛlbwa chɛ kɛ Israel tena bwa nyiŋi daahna Korowii aa daah ba dɛ kpɔ ba le Ijipt harɛ awola jwaana la kɛrɛdɛ, dɛ́ ɡe so dɛɛ daah dɛ́ kpɔ jirima tɛ Korowii, á chɔ le tɛ ba naanar baa ka ba.

Kaala 16:25

Ate, Mosis ŋɔ ba be ŋɔ, “Hé dia fini, dɛkalkɛ fini ɛ Ona Tɔpere dɛ tɛ Korowii. Kondikwaa bɛlbwa toole he na harɛ la ta bobɛlbwa dɛ tɔɔra fini.

Aesaya 58:5

Kenii hɛɛ yerɛ nyoa vɔwa nɔ naa? He kpɔ tɔpebeŋkpoŋ dɛ pwɛr he te, kɛɛ he ɡure nyu su kɛŋɔ kpɔɡ, dɛ kpɔ lweyale tɔ dɛ so tɔɔ ta naa, dɛ anee nyoa vɔwa aa? He dɛ lii kɛŋɔ men Korowii sie dɛ lɛ ɡɛ ta kɛɛ?

Sekaria 14:21

Vii bɛlbwa waa lɔ Jerusalam ne Juda ɛɛ do ɡoroŋee tɛ Koranar Bwa Kooro, ásɛ nɛra baa ba ɛ saraha la kpɔ viine la daa ba saraha kwa. Keenan tena bonadiire bɛlbwa aa Koranar Bwa Kooro Dea belaa do awola tɔpere.

Matiu 14:19

O ɡel nɛra la bwa so harɛ kpɔɡlor la ta, asɛ dɛ kpɔ paanoo anue la ne pɛŋa anɛ la, dɛ ha sie nyiŋi nyundua dɛ jam Korowii, dɛ mɔne paanoo la do o habɔteŋra la nɔɔra ta dɛ ŋɔ bá bɔne tɛɛ ba,

Matiu 15:36

Asɛ o kpɔ paanoo anuanɛ la ne pɛŋa la dɛ jam Korowii, dɛ mɔne do o habɔteŋra la nɔɔra ta, dɛ ŋɔ bá bɔne tɛ nɛnlaa la, ba ɡe bɔne tɛɛ ba.

Amanesoma Jɔn Aa Chwera Tɔn 6:28

Anee ba pɛɛro ŋɔ, “Ɛrɛɛ yaa ba ɛɛ ásɛ dɛ won ɛ waa Korowii aa dɛ nyin ɔ?”

Galaasia 4:10

Kɛ he ta dɛ teŋɛ Mosis Mmara ta dɛɛ maŋkura tɔpejena ne korobie ane ne bene ane kenɛ?