Tɔn Pɔɔl Aa Chwerɛ Rom Tena 14:22 - mzwDBL

²² Gɛ he liire aa dɛ ɛɛ kondikwaa dii be pera la, kpoŋe a bini ɡɛ, ásɛ a do he ne Korowii ɡbo baah ta. Nomɛlbwa waa dɛ ɛ wobɛlbwa dɛ jemɛ kɛŋɔ aŋwɛnɛ taa wɛɛ ɛa, aa wola o liire bini aahna aahna ɛ la, o na som!

Tɔn Pɔɔl Aa Chwerɛ Rom Tena 14:22 ပူးပေါင်းရင်းမြစ်များ

We-ɛɛla 24:16

N jemɔ kɛŋɔ Korowii ɛɛ ba bol nɛwɛnyina bwa waa dɛ́ pa bole. Anomanta, n dɛ ɛ n wobɛlbwa naa, n dɛ ɛa kɛrɛdɛ dɛ bɛ bolchɔɡe di Korowii ne nɛwɛnyina bwa be.

Tɔn Pɔɔl Aa Chwerɛ Rom Tena 14:14

Pɛɛ n ne n Dɔɔ Yeesu aa pɛa nɔ ɡelɔ n jemɛ kaih kɛŋɔ, kondikwaa bɛlbwa toole dɛ ɛ kondikondoŋa. Kɛ dɛ nomɛl lii o nyu bini kɛŋɔ kondikwaa ane ɛ kondikondoŋa aa, dɛ a ɛ doŋa dɛ tɛo.

Tɔn Pɔɔl Aa Chwerɛ Rom Tena 14:2

Bɛl yarada ɡelɔ o won komɛlbwa dii, asɛ naate o yarada aa wola kanɛ la, o ɡee di papooni ne taŋna ɡbo, waa ol di.

Tɔn Pɔɔl Aa Chwerɛ Rom Tena 14:23

Kɛ dɛ o dɛ di komɛl dɛɛ ɛ aahna-aahna kɛŋɔ o ɛ kondoŋ kɛɛ o ta kondoŋ ɛɛ yaa, Korowii ɛɛ pao bolchɔɡee kɛŋɔ waa dɛ diu, dɛkalkɛŋɔ o waa waa dɛ ɛ la, waa an ɛ yarada ne. Wobɛlbwa ɡe nɛn aa dɛ ɛ waa wola an ɛ yarada ne, o liire aa wola on kɛrɛdɛ do a ta la, a ɛ wechɔɡa.

Tɔn Pɔɔl Aa Chwerɛ Rom Tena 14:5

Nomɛl ɛɛ dɛɛ liiruu kɛŋɔ tɔpere bɛl ɛ onjen ɡwaa bɛl, ásɛ bɛl ɡee lii kɛŋɔ tɔpera bwa kɛrɛdɛ. A chɛ kɛ bɛlbwa jemɛ anɔ la aa wera kɛŋɔ o ɛ ne anɔ la aa wola were o nyu bini.

Tɔn Pɔɔl Aa Chwerɛ Rom Tena 2:1

He naate haa dɛ pwah he dɔŋ la, he ta wobɛlbwa dɔe dɛ́ bol dɛ́ lɛ he te kpa. Henee ume noo, haa dɛ pwah he dɔŋ dɛ berɛ dɛɛ ɛ o wechɔɡa waa dɛ ɛ la dɔŋa la, dɛ he ɡbaɡbaa hɛɛ pa bolchɔɡe la.

Tɔn Pɔɔl Aa Chwerɛ Rom Tena 7:15

Waa maa dɛ ɛ kwaraa la nɔ, n ta wone jemɛ waa aa ɡela mɛɛ ɛa, dɛkalkɛŋɔ maa waa n fe aa dɛ nyin ɛɛ la ɛ. Waa maa wola nyin laanee mɛɛ ɛ.

Tɔn Pɔɔl Aa Chwerɛ Rom Tena 7:24

Akwe! Bɔkwa waa na mɛ ken ɔ? Umee dɛ́ lɛɛ mɛ bwadabii nɔ waa dɛ kaa n ne seo ta nɔ nɔn ta nɔ?

1 Kɔrent 8:7

Nomɛlbwa laa jemɛ ɡɛ. Bane duu ɡɛ voɡa nɔ biɡri a man ba. Hale ba le fini, dɛ ba di kwaa baa kpoora tɛ voɡa nɔ naa, dɛ ba liire dɛ ɛɛ ba kɛŋɔ voɡa laanee dɔ kwaa la. Ba yarada aa wola kanɛ Yeesu waa la ta nomanta, dɛ ba dɛ lii kɛŋɔ ba ɛ wechɔɡa.

2 Kɔrent 1:12

Webeŋkpoŋii ɡela ya baŋa pa. Anee kɛŋɔ yaa wonoo ŋɔ bambile bwa ne kɛŋɔ wobɛlbwa yaa ɛa harɛ bonɔ la, tepoŋ ne bambile bwa nee ya ɛa Korowii ŋwɛnɛ ta, a laa kɛ waa yaa ɛa he be la. Korowiirii sune ya nɛɛ dɛ cha yaa ya ɛa. Harɛ bonɔ wejema ne laa ya ɛa.

Galaasia 6:1

Yabala, dɛ he lawɛ he bini bɛl wechɔɡa bɛlbwa ta naa, he banɔ la haa dɔ Korowii Domadɛɛɡe la kɛrɛdɛ la, hé toɡro. Kɛ he bɛ o nɛɛ nyɛɡ te, hé toɡro sipwɛra ne. He ɡbaɡba ɡe la, a chɛ kɛ hɛɛ nyiŋi kɛrɛdɛ, ásɛ Bɔnsam bɛ heyaa ba neɡre do wechɔɡa ta.

Jems 3:13

He bini umee ɛ wejereme dɛɛ no waa mun ɔ? Gel o pwɛr o te dɛɛ ɛ wedɛɛɡa, ásɛ o da baɡle kɛ o ɛ wejereme.

1 Jɔn 3:21

Anomanta, yabala, dɛ ya liire aa yaa bolchɔɡe pa te naa, amɔ ya dɔ bambile dɛ che Korowii sie, yaa wola ɔmɛ.