Tɔn Pɔɔl Aa Chwerɛ Rom Tena 14:2 - mzwDBL

² Bɛl yarada ɡelɔ o won komɛlbwa dii, asɛ naate o yarada aa wola kanɛ la, o ɡee di papooni ne taŋna ɡbo, waa ol di.

Tɔn Pɔɔl Aa Chwerɛ Rom Tena 14:2 ပူးပေါင်းရင်းမြစ်များ

Mumpar 1:29

Dɛ ŋɔ, <

Mumpar 9:3

Hɛ́ɛ won di a ɡɛ ola a siwi aa lole la, hɛ́ɛ wonoo kpoora di. Gɛ maa tɛ heyaa papooni, asɛ a ɛ kondikwaa tɛ heyaa la, ɡɛɛ n kpɔ a ɡe dɛɛ tɛ heya.

Sɛɡla 15:17

He di dɔkpɔɡa dɔr komɛlbwa aa wola toole a ta bela baa dɛ nyini, bɔ kɛŋɔ haa di nao waa do noo dɔr bela baa haeh.

Daneɛl 1:12

“N poori, tɛ yaa dɔkpɔɡa komɛlbwa aa wola toole a ta, ne nee ɡbo tɔpera fi, dɛ́ kpɔ daah yaa na.

Daneɛl 1:16

Le a ta dɛɛ kaa la, nɛn waa dɛ nyiŋi ba nɛɛ la ta ɡelɛ ba di kooro dem kondikwaa la kpa, dɛ ɡel baa di dɔkpɔɡa komɛlbwa aa wola toole a ta.

Tɔn Pɔɔl Aa Chwerɛ Rom Tena 14:1

Dɛ Kristo te bɛl lole, o yarada aa wola kanɛ wɛɛ nyin o jo he bini naa, hé lɛo do he bini. He bɛ o we-ɛɛla aa korɛ he kwaa ta la dɛɛ tɔŋle.

Tɔn Pɔɔl Aa Chwerɛ Rom Tena 14:14

Pɛɛ n ne n Dɔɔ Yeesu aa pɛa nɔ ɡelɔ n jemɛ kaih kɛŋɔ, kondikwaa bɛlbwa toole dɛ ɛ kondikondoŋa. Kɛ dɛ nomɛl lii o nyu bini kɛŋɔ kondikwaa ane ɛ kondikondoŋa aa, dɛ a ɛ doŋa dɛ tɛo.

Tɔn Pɔɔl Aa Chwerɛ Rom Tena 14:20

Bɛ kondikwaa waa koh dɛ́ chɔɡ waa Korowii aa ɛa. Ya won kondikwaa bɛlbwa dii, kɛ aa were kɛŋɔ ya di kondikwaa aa dɛ ba nɛn ne wechɔɡa ta laŋa.

Tɔn Pɔɔl Aa Chwerɛ Rom Tena 15:1

Ya nɛra ya yarada aa kana la, a chɛ kɛ yaa lawɛ bambile banɔ la ba yarada aa wola kanɛ la nɛɛ dɛɛ cha ba. A ta chɛɛ kɛ yaa ɛ ya ɡbo tetoowa.

1 Kɔrent 10:25

Dɛ ba dɛ yoɡ ola ol yoɡribɔr aa, yawɛ dɛ́ di. Bɛ dɛɛ lii kɛŋɔ ane ken aa were. Hé yawɛ di,

1 Kɔrent 8:9

Kɛ ane abwa, hɛ́ɛ nyiŋi kɛrɛdɛ, kɛ dɛ he ta an kie, he dɛ dia aa, he bɛ ɡel he we-ɛɛla neɡre nɛra ba yarada aa wola kanɛ Yeesu waa ta ba kia la.

1 Kɔrent 9:22

Dɛ n kaa koo nɛra bini, dɛ ba yarada aa kanɛ Yeesu Kristo waa ta naa, n ɡe dɛ ɛ n te kɛŋɔ ba bini bɛl, ásɛ dɛ won dɔɔ ba. Gɛ nomɛlbwa aa doa la, ɡɛɛ mɛɛ ɛ n te, ásɛ dɛ che ŋwɛnɛ bɛl ta, dɛ́ won dɔ bane, ásɛ Korowii lɛɛ ba.

Galaasia 2:12

Jems fa tomɛ nɛra bane Anteɔk. Gɛ nɛra nɔ aa wola Anteɔk balɛ mɔɔ la, dɛ Pita ne asɔre tena la bini bane baa wola Juu tena ɛɛ la pɛo dɛɛ di kwa. Kɛ Jems toroma la aa baa jo Anteɔk la, Pita chwa a ɡɛ nɛra la be kwaa dii, dɛkalkɛŋɔ dɛ o dɛ ɔmɛ kɛŋɔ, hɔɔhra la bɛ ba ŋɔ waa Juu tena nawee wa aa dɛ baɡle kɛŋɔ ba ne nɛra baa wola pena teŋni aa kwaa di la ta teŋɛ.

1 Timoti 4:4

Korowii kontaala te bwa wer. Dɛ ya kpɔ jam tɛo mɔɔ dɛ lɛa te naa, ate dɛ komɛlbwa ta vɛɛh doe,

Taetos 1:15

He tea too waa, komɛlbwa wer tɛɛ, haa an kondoŋa lii. Kɛ nɛra wechɔɡa aa lɔ ba nɛɛ baa wola yarada la, komɛlbwa ɛ kondoŋ tɛɛ ba. Ba liire ne ba bambile bwa doŋo.

Hibru 13:9

He bɛ ɡel wefala chɔɡ he liire ásɛ he le Korowii ŋwɛnɛdɛɛɡe la ta. He dɛ nyin he do kpeɡri Korowii nɛɛ teŋa ta naa, hé kpɔ sie dawɛ chae Korowii aa sune nɛra nɛɛ dɛɛ cha ba la ta. He bɛ sie kpɔ dawɛ kondikwaare ane kii ne ane dii ta, dɛkalkɛŋɔ a ta wone cha nɛra baa kpɔ sie dawɛ a ta la.

Hibru 9:10

A ɡɛ waa nɔ bwa ɛ kondiile ne konnyɔɔla ne bwara sarama waa aa ɛ nawee wa. Bwadabii waa a bwa, aa wone ɡel nɛn tea ɛɛ to. Korowiirii kpɔa tɛ o nɛra ásɛ baa teŋɛ a ta dɛ́ ka tel kɛŋɔ o ŋwɛnɛfale la aa bala.