Tɔn Pɔɔl Aa Chwerɛ Rom Tena 14:19 - mzwDBL

¹⁹ Anomanta, a chɛ kɛ ya ɡel ya siwi swɛɛ waa aa dɛ ba deŋnesɔɔhna ne, ne waa aa dɛ ba ɡela ya dɔŋa che kiŋkiŋ ta.

Tɔn Pɔɔl Aa Chwerɛ Rom Tena 14:19 ပူးပေါင်းရင်းမြစ်များ

Yela 133:1

Na wer ne silɛɛ aa dɔa kohona, kɛ nɛn ne o dɔŋa aa soɡe sodɛɛɡa nyopɛo ne!

Yela 34:14

Wɛ́ɛ ke o te wechɔɡa ta, dɛ́ɛ ɛ wedɛɛɡa. Ó swɛɛ siwi dɛ́ɛ ɛ waa aa dɛ ba nyopɛo ne.

Matiu 5:9

Nɛra baa dɛ larawe waa dɛɛ sɔɔh waa nyoa la, ba na som, dɛkalkɛ Korowii ɛɛ yer ba o biirii.

Amanesoma Mak Aa Chwera Tɔn 9:50

Yar wer. Kɛ dɛ aa somɛ kpa aa, ɛrɛɛ baa ba a ɛɛ á do som jaɔ? Anomanta, hé ne he dɔŋa so kɛrɛdɛ dɛ́ do som ɡɛ yar aa soma la. Hé ɡel he nyoa pɛ.”

Tɔn Pɔɔl Aa Chwerɛ Rom Tena 12:18

Dɛ aa maɡroo waa, hɛɛ wonoo waa, hé takapɔ ásɛ wechɔɡa bɛlbwa bɛ he ne nomɛlbwa baah do.

Tɔn Pɔɔl Aa Chwerɛ Rom Tena 15:2

A chɛ kɛ ya bɛlbwa ɛɛ ɛ waa aa wera dɛɛ tɛ ya dɔŋa, ásɛ a cha ba, ásɛ ba won che kiŋkiŋ.

1 Kɔrent 10:23

Nomɛl te kompɛɛ, “N dɔ ŋwɛnɛ kɛ ń ɛ wobɛlbwa,” kɛ a bwa laa wera tɛ mɛ, a bwa ɡe laa dɛɛ cha mɛ.

1 Kɔrent 10:33

Gɛɛ mɛɛ ɛ, ásɛ n waa lɛ nomɛlbwa sie. N ɡbo waa laa hiah mɛ. Nomɛlbwa ɡe waa hiah mɛ, ɡɛ maa ɛ dɛ́ won dɔɔ ba tɛ Korowii ó lɛɛ ba.

1 Kɔrent 14:26

Yabala, amee jaɔ? Saŋ bɛlbwa haa cheme la, bɛl dɛ tɛ yel, bɛl dɔ sipila waa haa dɛ hwela, bɛl ɡe dɔ waane Korowii aa baɡlo, bɛl ɡee bol wobofala, bɛl ɡee baɡle a mune. Hé ɡel waa haa dɛ ɛ la dɔ tɔnɔ tɛ nomɛlbwa.

1 Kɔrent 14:3

Naate waa cheɡɛ Korowii Domadɛɛɡe la ta, dɛɛ bol waa la te bolɔ dɛɛ baɡle nɛra dɛɛ cha ba bá jemɛ Korowii Wa. O dɛ do ba ɡbemba dɛɛ larawe ba bwara.

1 Kɔrent 14:4

Nɛn waa dɛ bol wobofala la, o bolɔ dɛɛ tɛ o ɡbaɡba. Naate waa cheɡɛ Korowii Domadɛɛɡe kpeɡri ta dɛɛ bol Korowii Waa la ɡe, asɔre tena la bwaa wɛɛ cha.

1 Kɔrent 14:5

Dɛ he bwa won wobofala bola aa, n dɛ nyin ɡɛ. Kɛ dɛ he won Korowii Domadɛɛɡe kpeɡri ta cheɡa dɛ́ bol wa aa, ɡɛɛ dɛ́ do n som kohona. Naate waa dɛ bol Korowii Waa la ɡwaa nɛn waa dɛ bol wobofala, atane kɛ nomɛl won a mun baɡla dɛɛ tɛ asɔre tena á cha ba.

1 Kɔrent 7:15

Dɛ onɔ la waa wola asɔre te ɛɛ ŋɔ wɛɛ vɛh o dɔŋ waa ɛ asɔre tee yaa, tɛo ŋwɛnɛ wɛɛ la. A ba ɡɛ naa, a ta wechɔɡa ɛɛ. Korowii dɛ nyin kɛŋɔ ya so deŋnesɔɔhna ta.

1 Kɔrent 8:1

A ka kwaa baa kpoora dɛɛ tɛ voɡa wa. A waa jema te, ya bwa jemɛ a wa. Kɛ nɛwɛnyini wejema ɡelɔ wɛɛ nyin sɔn. Asɛ nɛnnyin ɡe ɛ chae.

2 Kɔrent 12:19

Yaa dɛ ŋɔ ken nɔ, he dɛ lii kɛŋɔ ya sɔnee yaa kwaa he be kɛɛ? Akai! Korowii siee yaa bola, pɛɛ ya ne Yeesu Kristo aa pɛa la nomanta. Yabala, wobɛlbwa yaa bol la, he wer waa yaa bola, ásɛ he won che kiŋkiŋ.

2 Kɔrent 13:11

Too, yabala, n nyoa jaɡɛ bonɔ. Hé so kɛrɛdɛ. Hé swɛɛ siwi kɛ hɛɛ ɡeloo he wobɛlbwa toɡre ka tonɛ. Hé no n waa maa bola dɛ kpɔ ja heyaa la. Hé ɡel he nyoa pɛ, he bɛ dɛɛ yo. Korowii waa dɛ nyin nɛwɛnyini kohona dɛɛ tɛ bosɔɔhna la, ó cha heya.

Ɛfesos 4:12

Gɛɛ o ɛ dɛ cha nɛra bá ɡe won ɛ o toma dɛ́ cha dɔŋa Yéesu Kristo bwadabii la won do kpeɡri,

Ɛfesos 4:29

He bɛ ɡel wedoŋa bɛlbwa ɛɛ le he nyoo, kɛ hé ɡel he wobol ɛ waa aa wera dɛɛ do nɛra ɡbemba waa aa kpoŋ ba ta, dɛ won cha banɔ la baa dɛ noa la.

1 Timoti 1:4

Ŋɔ ba bɛ ɡel nyosone la ne ɡɛ baa dɛ baɡle ba naanar leebɔra baa wola a nyoa na bwa la lɛ ba liire. Wetɔŋla ɡbo nee ɡɛ waa nɔ ɛɛ ba. Korowii toma ŋwɛnɛre laa baa baɡle la, dɛkalkɛ yarada ɡbo taa a che baa jemɛ Korowii toma ŋwɛnɛre.

2 Timoti 2:22

Laa he te kpɔ wedoŋa bonɔɔna aa dɛ pɛlɛ a ta la ta, ásɛ he ne nɛra baa dɛ soŋe Korowii tepoŋ ne la siwi swɛɛ wedɛɛɡa ɛɛ aa dɛ su Korowii siwi, ne Korowii yaradae, ne nɛnnyin, dɛ waa aa dɛ ba deŋnesɔɔhna ne la ta.

Hibru 12:14

Hé swɛɛ siwi kɛŋɔ he ne nɛra bwa baah ɛɛ do werii, dɛ́ swɛɛ siwi kɛŋɔ hɛɛ do ɡoroŋee, dɛkalkɛŋɔ dɛ nomɛlbwa ta ɡoroŋ doe yaa, waa Korowii nae ba.

1 Pita 3:11

Wɛ́ɛ ke o te wechɔɡa ta, dɛɛ ɛ wedɛɛɡa. Ó swɛɛ siwi dɛɛ ɛ waa aa dɛ ba nyopɛo ne.