Tɔn Pɔɔl Aa Chwerɛ Rom Tena 14:15 - mzwDBL

¹⁵ Dɛ he koh he kondikwaa waa dɛ ɡel he dɔŋ ɛ wechɔɡa o tea bini chɔɡ aa, dɛ he dɛ nyinu wa aa? O waa Yeesu Kristo koh dɛ sewɛ, anomanta, bɛ ɡel he kondikwaa haa dɛ di la chɔɡo.

Tɔn Pɔɔl Aa Chwerɛ Rom Tena 14:15 ပူးပေါင်းရင်းမြစ်များ

Galaasia 5:13

Yabala, Korowiirii le heyaa tɛ o te, dɛ lɛ heyaa asɛ Mmara la bɛ heyaa vɔrɔwe kpa. Kɛ haa dɔ he te nɔ, he bɛ ɡel a do he som kohona, asɛ hɛɛ ɛ wechɔɡa la bwa he bwadabii aa dɛ nyin kɛŋɔ hɛɛ ɛ. Hé kpɔ dɔŋa nyina dɛɛ tomɛ dɔŋa.

Ɛfesos 5:2

A wer kɛŋɔ he so dɔŋa nyina ne kɛŋɔ Yeesu Kristo aa nyin yaa dɛ sewɛ lɛ yaa a ɛ sarahadɛɛɡe dɛ tɛ Korowii la.

1 Kɔrent 8:1

A ka kwaa baa kpoora dɛɛ tɛ voɡa wa. A waa jema te, ya bwa jemɛ a wa. Kɛ nɛwɛnyini wejema ɡelɔ wɛɛ nyin sɔn. Asɛ nɛnnyin ɡe ɛ chae.

Tɔn Pɔɔl Aa Chwerɛ Rom Tena 15:2

A chɛ kɛ ya bɛlbwa ɛɛ ɛ waa aa wera dɛɛ tɛ ya dɔŋa, ásɛ a cha ba, ásɛ ba won che kiŋkiŋ.

Tɔn Pɔɔl Aa Chwerɛ Rom Tena 14:20

Bɛ kondikwaa waa koh dɛ́ chɔɡ waa Korowii aa ɛa. Ya won kondikwaa bɛlbwa dii, kɛ aa were kɛŋɔ ya di kondikwaa aa dɛ ba nɛn ne wechɔɡa ta laŋa.

1 Jɔn 2:2

Onee koh ya wechɔɡa waa dɛ sewɛ tɛ yaa dɛ kwaa ya ne Korowii baah. Ya ɡbo wechɔɡa waa laa o sewɛ. Nomɛlbwa waa lɔ harɛ nɔ ta bwa jao.

1 Kɔrent 13:1

Dɛ n wono dɛɛ bol nɛra bwa ne nyundua toroma wobol, kɛ dɛ maa nɛn nyin aa, dɛ ɡbɔɡaa mɛɛ do kɛŋɔ baa dɛ lɔ dawuro waa pera wɛɛ do ɡbɔɡa la.

Tɔn Pɔɔl Aa Chwerɛ Rom Tena 13:10

Nɛn haa dɛ nyinu la, haa on wechɔɡaa ɛ bwa. Naate waa dɛ nyin o dɔŋ la, dɛ o dɛ teŋɛ Korowii Mmara la bwa ta.

Ɛsekeɛl 13:22

He nyosone la chɔɡ nɛndɛɛɡa liire, ɡɛ n fe aa wola nyin kɛ ba do. He dɛ do nɛnchɔɡa ɡbemba ba bɛ ba liire charɛ le ba wechɔɡa ta dɛ́ dɔ ba nyu.

2 Pita 2:1

A saŋ la, nɛra bane teŋe nyosone ŋɔ Korowii keameree ban Israel tena bini. Gɛɛ nɛra ɛɛ ba bala dɛ ba teŋe nyosone ŋɔ ban dɛɛ chaɡle nɛra waa he bini. Baa dɛɛ chaɡle waa aa wola kasinteŋ ɛɛ, dɛ́ ɡel nɛra nyoɡre. Gɛ ba wechaɡla aa doa la, haa won jemɛ kɛŋɔ a ta kasinteŋ ɛɛ. Baa vɛh ba Dɔɔ waa bɔ ba wechɔɡa kem la waa, dɛ́ ɡel Korowii chɔɡ ba, ba sewɛ seopiɡri.