Tɔn Pɔɔl Aa Chwerɛ Rom Tena 14:10 - mzwDBL

¹⁰ Aah dɛ bɔkwaa ɡela he nɛra haa wola ol di ɛɛ pwah he bala baa dɛ di komɛlbwa nɔɔ? He banɔ la haa dɛ di komɛlbwa ɡe la, bɔkwaa ɡela hɛɛ lii he bala baa wola ol di nɛndoŋa nɔɔ? Ya bwa ɛɛ che Korowii siee, ásɛ o bol ya waa dɛ́ pa bole.

Tɔn Pɔɔl Aa Chwerɛ Rom Tena 14:10 ပူးပေါင်းရင်းမြစ်များ

Wejereme 11:9

He ta ɛ bonɔɔ naa, ɡel he sie lɛ, dɛɛ di he bwara he bonɔɔne saŋ. Dɛɛ teŋɛ waa he bambile aa dɛ nyin, ne komɛlbwa haa na ta. Kɛ jemɛ kɛŋɔ Korowii ɛɛ ba bol a bwa waa, dɛ́ pa bole.

Wejereme 12:14

Wobɛlbwa yaa dɛ ɛ la, Korowii ɛɛ bol a waa, dɛ́ pa bole, andɛɛɡa ne anchɔɡa bwa, hale anɔ la aa sɔah bwa.

Matiu 7:1

Yeesu berɔ ŋɔ, “He bɛ he dɔŋa dɛɛ pwah, ásɛ Korowii ɡe bɛ heyaa pwah,

Amanesoma Luk Aa Chwera Tɔn 18:9

Yeesu sɛɡle nɛra baa dɛ lii ba te kɛŋɔ ba ɛ nɛndɛɛɡa ɡwaa nɛra bwa la ŋɔ,

Amanesoma Luk Aa Chwera Tɔn 23:11

Asɛ Kooro Hɛrɔd ne o soojare ɛɛ muɡli o baah dɛɛ mamɔ, dɛ ka kpɔ koowur ba doo dɛ berɛ kpɔɔ ka tɛ Paelet.

Amanesoma Jɔn Aa Chwera Tɔn 5:22

Korowii ɡbaɡba aa nomɛlbwa waa bol dɛ́ pa bole. O tɛ o Bie la ŋwɛnɛ ŋɔ ó bol nomɛlbwa waa dɛ́ pa bole.

We-ɛɛla 10:42

Onee le yaa dɛ ja yaa ŋɔ yá bol o waa baɡle nɛra bwa, dɛ́ di danseɛ kɛŋɔ onee Korowii le ŋɔ ó ba di weera ne lala bwa wa.

We-ɛɛla 17:31

dɛkalkɛŋɔ o do tɔpere waa dɛ ba nɛwɛnyini bwa waa bola kasinteŋ ne la. O le nɛn wɛɛ ba waa la bola. O ir naate seo ta ásɛ nɛra jemɛ kɛŋɔ kpelaa o waa la.”

We-ɛɛla 4:11

Yeesu nɔ bwara waa ba baɡle Korowii Tɔn bini ŋɔ, ‘Bwe la he mamaala aa vɛoh dɛ liiru konsala laanee bera ba lawɛ dea la kpoŋe la.’

Tɔn Pɔɔl Aa Chwerɛ Rom Tena 2:16

Waa nɔ bwaa dɛɛ ba ɛɛ awola Korowii aa dɛ ba nɛra wechɔɡa baa ɛa dɛɛ sɔh la ne bochaah lee, ásɛ Yeesu Kristo pa ba bole. Gɛɛ me Amanesoma la ɛɛ baɡle.

1 Kɔrent 4:5

Anomanta, he bɛ nomɛlbwa kpɛɛ kɛɛ dɛ chɔɡo ka tel kɛŋɔ Yeesu Kristo aa ba. Dɛ o balaa, wobɛlbwa aa sɔah la ɛɛ le bochaahnee, wedɛɛɡa oo, wechɔɡa oo, a bwa ɛɛ leo, ásɛ wobɛlbwa aa sɔah dɛ do nɛwɛnyini bambile bini la chɔ baŋ, ásɛ Korowii kpɛɛ nomɛlbwa ɡɛ aa chɛo.

2 Kɔrent 5:10

dɛkalkɛŋɔ ya bwa ɛɛ ba che Yeesu Kristo sie o bol ya waa dɛ́ pa bole, ásɛ bɛlbwa dɔ waa o fa aa soɡe le dɛɛ ɛ la kembɔr. Dɛ bɛlbwa we-ɛɛla wer oo, aa were oo, wɛɛ dɔ a kembɔree.