Tɔn Pɔɔl Aa Chwerɛ Rom Tena 12:19 - mzwDBL

¹⁹ Yabala, nɛra ɛ heyaa wechɔɡa aa, he bɛ ane ɛ dɛɛ bɔ kem. Hé kpɔ tɛ Korowii. O baah dɛ di ba nɛɛ taeh. On dɛ bɔ ba kem, dɛkalkɛŋɔ ba chwerɛ Korowii Tɔn bini ŋɔ, “Korowii bolɔ ŋɔ, ‘Mɛɛ tɔ a peɡee, mɛɛ bɔ ba a kemee.’ ”

Tɔn Pɔɔl Aa Chwerɛ Rom Tena 12:19 ပူးပေါင်းရင်းမြစ်များ

Sɛɡla 20:22

Bɛ wechɔɡa kpɔ bɔ wechɔɡa kem, dɛɛ hwɛɡɛ Korowii nɛɛ o ɛ wobɛlbwa tɛɛ.

Sɛɡla 24:29

Bɛ ba lii ŋɔ, “Gɛ waa ɛɛ mɛ la, n ɡee ɛo anee, kɛɛ mɛɛ tɔɔ a welee.”

Jeremia 51:36

Anomanta, Korowii bol Jerusalam tena be ŋɔ, “Hé no, mɛɛ che he habɔɔ dɛ́ yo, dɛ́ bɔ he dɔma Babelɔn tena kem waa baa ɛ heyaa la wa. Mɛɛ tɔ Babelɔn neerare nyuunee, a ɡel ba buli bwa ɡe hweeh.

Ɛsekeɛl 25:12

Nemenɛ Korowii berɔ ŋɔ, “Edom tena yoi baa kaa yo Juda tena bandia ne, dɛ tɔ ba wel la nomanta, a ɡelɔ ba di bolchɔɡe kohona,

Lewi Dea Tena 19:18

Bɛ he dɔŋ wechɔɡa waa ɛa la kpɔ do he bambile bini dɛ́ ɡe bɔɔ a kem. Hɛ́ɛ nyin dɔŋa kɛ he ɡbaɡba. Men Korowiirii bola.

Matiu 5:39

Kɛ taraken te n ŋɔ, dɛ nomɛl ɛɛ wechɔɡa aa, bɛ wechɔɡa kpɔ bɔɔ kem. Dɛ nomɛlbwa kpaa he diɡ lwɛɛma aa, berɛ ɡal lwɛɛma la ɡe tɛo ó kpaa ja.

Tɔn Pɔɔl Aa Chwerɛ Rom Tena 12:14

Hé soŋe andɛɛɡa Korowii be dɛɛ tɛ nɛra baa cheɡɛ he nɛ. Hé soŋe andɛɛɡa dɛɛ tɛɛ ba, he bɛ wechɔɡa soŋe dɛɛ tɛɛ ba.

Tɔn Pɔɔl Aa Chwerɛ Rom Tena 12:17

He bɛ wechɔɡa kpɔ dɛɛ bɔ wechɔɡa kem. Hɛ́ɛ ɛ waa aa wera nomɛlbwa be.

Tɔn Pɔɔl Aa Chwerɛ Rom Tena 13:4

dɛkalkɛŋɔ Korowii bonɔɔnaa ban. He kɛrɛdɛ waa baa ɛ ba toma la. Dɛ he dɛ ɛ wechɔɡa te naa, dɛɛ ɔmɛ nomonome, dɛkalkɛŋɔ pɛɛpɛɛ laa ba dɔ kpeɡri baa kpoŋa la. Korowiirii tɛɛ ba kpeɡri ásɛ ba tɛr wechɔɡ-ɛɛra deŋne dɛɛ tɛo.

Ɛfesos 4:27

He bɛ ɡel Bɔnsam dɔ bɔr dɛ́ neɡre heya.

Mmarare 32:35

Korowii ɛɛ tɔ a peɡee, wɛɛ bɔ ba a kemee. Saŋ bɛl dɛ ba ba chole, ba chɔɡa tɔpere dɛ tel.

Mmarare 32:43

Harɛre nɛra, hé pu Korowii nɛra hɛɡre. Korowii dɛ tɛr nɛra baa dɛ kpoo o nɛra deŋne. O dɛ bɔ ba dɔma kem dɛɛ tɛɛ ba, dɛ kpɔ o nɛra wechɔɡa dɛɛ kɛ ba.”

1 Tesalonika 4:6

Nomɛlbwa bɛ o dɔŋ nɛɛ jo a ɡɛ waa nɔ ta, dɛkalkɛ Korowii ɛɛ tɛr nɛra baa dɛ ɛ ɡɛ la deŋnee, ɡɛ yaa ja heyaa loɡla la ŋɔ hé nyiŋi a ta kɛrɛdɛ la.

2 Timoti 4:14

Loɡre bɛl baa dɛ yerɔ Alɛksanda la ɛɛ mɛ wechɔɡa taeh. Korowii ɛɛ bɔɔ o waa waa ɛa la kemee.

Hibru 10:30

Naate waa ŋɔa ŋɔ, “Menee dɔ wechɔɡa kem bɔe, menee dɛ́ bɔ nɛra ba wechɔɡa kem” la, ya jemɛ o nɛnsoo. Dɛ berɛ ŋɔ, “N Naa Korowii ɛɛ bol o nɛra waa dɛ́ pa bole.”

1 Samoɛl 25:26

Taraken, Korowii aa lɛɛ le nɛra kpoora dɛ tɔ wel ta nɔ, n ŋwɛɛ Korowii waa lole saŋ bɛlbwa asɛ he ɡe so le nɔ, ó ɡel he dɔma baa dɛ nyini dɛ́ kpo la do kɛŋɔ Nabal ken.

1 Samoɛl 25:33

Korowii jam, he liidɛɛɡa ne waa haa ɛa tɛ mɛ fini dɛ lɛɛ mɛ le nɛŋkpoa ta, n fee ka kpoo nɛra baa wola waane ɛɛ nɔ.

1 Samoɛl 26:10

Dɛ berɛ ŋwɛɛ ŋɔ, “Korowii aa lole nɔ, dɛ o seo tɔpere ta tele o sewɛ, kɛɛ o sewɛ laa ta naa, Korowii ɡbabirii dɛ́ kpoo.

1 Samoɛl 26:11

Korowii ɛɛ la ane bojaŋ kɛ n kpo nɛn Korowii aa fuɡe noo do o nyu ta dɛ cheɡo kora ta. Gel ya kpɔ o lampea ne loŋ waa dɛ do nee o bini a che o nyu bɔr nɔ kaa.”