Tɔn Pɔɔl Aa Chwerɛ Rom Tena 12:18 - mzwDBL

¹⁸ Dɛ aa maɡroo waa, hɛɛ wonoo waa, hé takapɔ ásɛ wechɔɡa bɛlbwa bɛ he ne nomɛlbwa baah do.

Tɔn Pɔɔl Aa Chwerɛ Rom Tena 12:18 ပူးပေါင်းရင်းမြစ်များ

Mumpar 21:24

Asɛ o ŋɔ, “N ŋwɛɛrɔ kɛŋɔ mɛɛ ɛ ɡɛɛ.”

2 Samoɛl 20:19

Nɛra yaa soɡe bwɛjen nɔ ta waa dɔ deŋnesɔɔhna kohona ne kasinteŋ Israel harɛ, asɛ hɛɛ nyin he chɔɡ bwɛjen Ebel. Ɛrɛɛ hɛɛ nyin he chɔɡ Korowii kapɛrɛ kwaa nɔɔ?”

Yela 34:14

Wɛ́ɛ ke o te wechɔɡa ta, dɛ́ɛ ɛ wedɛɛɡa. Ó swɛɛ siwi dɛ́ɛ ɛ waa aa dɛ ba nyopɛo ne.

Sɛɡla 12:20

Nyosone ɡboo nɛn waa dɛ lii wechɔɡa nyu bini. Nɛra baa dɛ ba deŋnesɔɔhna ne la dɔ silɛɛ.

Sɛɡla 3:30

Bɛ waa kpɔ dawɛ he dɔŋ nɛɛ pɛɛpɛɛ, dɛ o ta hen waane ɛɛ.

Matiu 5:24

ɡel he kwaa la bela, dɛ́ la ka nyin he dɔŋ la hé ne o nyoa ka pɛ mɔɔ he ba kpɔ he kwaa la tɛ Korowii.

Matiu 5:5

Nɛra baa dɛ pwɛr ba te la, ba na som, dɛkalkɛ Korowii nyobaɡa la, banee o baɡɛ tɛ.

Matiu 5:9

Nɛra baa dɛ larawe waa dɛɛ sɔɔh waa nyoa la, ba na som, dɛkalkɛ Korowii ɛɛ yer ba o biirii.

Amanesoma Mak Aa Chwera Tɔn 9:50

Yar wer. Kɛ dɛ aa somɛ kpa aa, ɛrɛɛ baa ba a ɛɛ á do som jaɔ? Anomanta, hé ne he dɔŋa so kɛrɛdɛ dɛ́ do som ɡɛ yar aa soma la. Hé ɡel he nyoa pɛ.”

Tɔn Pɔɔl Aa Chwerɛ Rom Tena 1:15

Anomanta, n siwi swɛɛrɔ mɛɛ nyin kɛ ń bol Yeesu Amanesoma la he Rom tena ɡe be.

Tɔn Pɔɔl Aa Chwerɛ Rom Tena 14:17

Kondikwaa yaa dɛ di ne anɔ la yaa dɛ ki la ta wejena bɛlbwa ɛɛ Korowii Kora waa bini. Waa aa ɛ wehiah laanee kɛŋɔ ɡɛ yaa ɛ ya waa su Korowii siwi, ne waa aa dɛ ba deŋnesɔɔhna ne ya ne ya dɔŋa baah ta, ne silɛɛ aa le Korowii Domadɛɛɡe be.

Tɔn Pɔɔl Aa Chwerɛ Rom Tena 14:19

Anomanta, a chɛ kɛ ya ɡel ya siwi swɛɛ waa aa dɛ ba deŋnesɔɔhna ne, ne waa aa dɛ ba ɡela ya dɔŋa che kiŋkiŋ ta.

1 Kɔrent 7:15

Dɛ onɔ la waa wola asɔre te ɛɛ ŋɔ wɛɛ vɛh o dɔŋ waa ɛ asɔre tee yaa, tɛo ŋwɛnɛ wɛɛ la. A ba ɡɛ naa, a ta wechɔɡa ɛɛ. Korowii dɛ nyin kɛŋɔ ya so deŋnesɔɔhna ta.

2 Kɔrent 13:11

Too, yabala, n nyoa jaɡɛ bonɔ. Hé so kɛrɛdɛ. Hé swɛɛ siwi kɛ hɛɛ ɡeloo he wobɛlbwa toɡre ka tonɛ. Hé no n waa maa bola dɛ kpɔ ja heyaa la. Hé ɡel he nyoa pɛ, he bɛ dɛɛ yo. Korowii waa dɛ nyin nɛwɛnyini kohona dɛɛ tɛ bosɔɔhna la, ó cha heya.

Galaasia 5:22

Korowii Domadɛɛɡe la te, kwaa waa dɛ tɛ laanee dɔŋa nyina, ne silɛɛ, ne nyopɛo, ne bambile dɔe, ne tesom, ne wedɛɛɡa ɛɛ, dɛ kasinteŋ dɔe,

Ɛfesos 4:3

dɛ́ swɛɛ siwi hé ne he bala baah do wer saŋ bɛlbwa, dɛ bɛ nyopɛo la Korowii Domadɛɛɡe aa tɛ heyaa la chɔɡ.

1 Tesalonika 5:13

Ba toma la nomanta, hɛ́ɛ duu ba kɛrɛdɛ, dɛɛ nyin ba wa. Hé ɡel he bwa nyoa pɛ.

2 Timoti 2:22

Laa he te kpɔ wedoŋa bonɔɔna aa dɛ pɛlɛ a ta la ta, ásɛ he ne nɛra baa dɛ soŋe Korowii tepoŋ ne la siwi swɛɛ wedɛɛɡa ɛɛ aa dɛ su Korowii siwi, ne Korowii yaradae, ne nɛnnyin, dɛ waa aa dɛ ba deŋnesɔɔhna ne la ta.

Hibru 12:14

Hé swɛɛ siwi kɛŋɔ he ne nɛra bwa baah ɛɛ do werii, dɛ́ swɛɛ siwi kɛŋɔ hɛɛ do ɡoroŋee, dɛkalkɛŋɔ dɛ nomɛlbwa ta ɡoroŋ doe yaa, waa Korowii nae ba.

1 Pita 3:11

Wɛ́ɛ ke o te wechɔɡa ta, dɛɛ ɛ wedɛɛɡa. Ó swɛɛ siwi dɛɛ ɛ waa aa dɛ ba nyopɛo ne.

Sitɔɔla 11:14

Ate, Jɛfta ɡe berɛ tomɛ toroma Amɔn kooro be ŋɔ,