Tɔn Pɔɔl Aa Chwerɛ Rom Tena 12:17 - mzwDBL

¹⁷ He bɛ wechɔɡa kpɔ dɛɛ bɔ wechɔɡa kem. Hɛ́ɛ ɛ waa aa wera nomɛlbwa be.

Tɔn Pɔɔl Aa Chwerɛ Rom Tena 12:17 ပူးပေါင်းရင်းမြစ်များ

Mumpar 42:25

Asɛ Josef ɡel ba do boyu o dɔɔranar la bɔɡtɔre bini a suuɡi, dɛ berɛ kpɔ ba suuɡare do a bini tɛɛ ba. Dɛ berɛ tɛɛ ba kondikwaa baa ka dia ŋwɛnɛ ta. Asɛ ba ɛ ɡɛ tɛɛ ba,

Sɛɡla 20:22

Bɛ wechɔɡa kpɔ bɔ wechɔɡa kem, dɛɛ hwɛɡɛ Korowii nɛɛ o ɛ wobɛlbwa tɛɛ.

Sɛɡla 24:29

Bɛ ba lii ŋɔ, “Gɛ waa ɛɛ mɛ la, n ɡee ɛo anee, kɛɛ mɛɛ tɔɔ a welee.”

Matiu 5:24

ɡel he kwaa la bela, dɛ́ la ka nyin he dɔŋ la hé ne o nyoa ka pɛ mɔɔ he ba kpɔ he kwaa la tɛ Korowii.

Matiu 5:39

Kɛ taraken te n ŋɔ, dɛ nomɛl ɛɛ wechɔɡa aa, bɛ wechɔɡa kpɔ bɔɔ kem. Dɛ nomɛlbwa kpaa he diɡ lwɛɛma aa, berɛ ɡal lwɛɛma la ɡe tɛo ó kpaa ja.

Tɔn Pɔɔl Aa Chwerɛ Rom Tena 12:19

Yabala, nɛra ɛ heyaa wechɔɡa aa, he bɛ ane ɛ dɛɛ bɔ kem. Hé kpɔ tɛ Korowii. O baah dɛ di ba nɛɛ taeh. On dɛ bɔ ba kem, dɛkalkɛŋɔ ba chwerɛ Korowii Tɔn bini ŋɔ, “Korowii bolɔ ŋɔ, ‘Mɛɛ tɔ a peɡee, mɛɛ bɔ ba a kemee.’ ”

Tɔn Pɔɔl Aa Chwerɛ Rom Tena 14:16

Bɛ ɡel nɛra dɔ ŋwɛnɛ dɛ yerɛ waa haa dɛ liira wedɛɛɡa la wedoŋa.

Kolosi 4:5

Hɛ́ɛ nyiŋi kɛrɛdɛ, dɛ́ jemɛ ɡɛ aa chɛ kɛŋɔ hɛ́ɛ ɛ nɛra baa wola asɔre tena ɛɛ la, ásɛ dɛ he dɔ ŋwɛnɛ bɛlbwa naa, hé che o ta dɛ́ won dɔɔ ba tɛ Korowii.

1 Tesalonika 4:12

He dɛ ɛ ken aa, hɛɛ dɔ jirima nɛra baa wola asɔre tena ɛɛ la bee, haa he tenee kpɔ dawɛ nɛra nɛ.

1 Tesalonika 5:15

Hé nyiŋi kɛrɛdɛ dɛ bɛ ɡel bɛlbwa kpɔ wechɔɡa dɛɛ bɔ wechɔɡa kem, kɛ hé ɛ wedɛɛɡa dɛɛ tɛ he dɔŋa ne nomɛlbwa.

1 Tesalonika 5:22

Hé laa he te kpɔ wechɔɡa bɛlbwa ta.

1 Timoti 5:14

Anomanta, dɛ luhaahna ba taa ɛ toli la yalɔ dɛ loɡle bii, dɛ won ba deremi ta nyiŋa, ɡɛ aa ɛ ásɛ ya dɔma bɛ wedoŋa bɛlbwa dɔ bol yaɡɛ yaa aa, ɡɛɛ n fe ɛɛ nyin.

1 Pita 2:12

Haa lɔ nɛra baa wola Korowii tomɛ baah nɔ, hé ɡel he wobɛlbwa toɡre, ásɛ dɛ ba dɛ bol he waa ŋɔ he ɛ wechɔɡ-ɛɛra aa, a habɔɔ la, bá na he we-ɛɛla kɛŋɔ a wer, dɛ kpɔ jam tɛ Korowii awola waa ba ya ne o na dɔŋa la.

1 Pita 3:16

He dɛ baɡla aa, hé kpɔ sisɔna ne taa dɛɛ baɡla. A chɛ kɛ he tea to he jemɛ kɛŋɔ nomɛlbwa aa he wobɛlbwaa dɔ dɛ bol. He dɛ ɛ ɡɛ naa, nɛra baa koh he teŋa haa dɛ teŋɛ Yeesu Kristo nɛ, ne he wedɛɛɡa haa dɛ ɛ waa dɛ bol wobochɔɡa dɛɛ yaɡɛ heyaa la, sihiih ɛɛ kpo baa.

1 Pita 3:9

He bɛ wechɔɡa kpɔ dɛɛ bɔ wechɔɡa kem. He bɛ wobochɔɡa kpɔ dɛɛ bɔ wobochɔɡa kem. Nɛn ɛɛ wechɔɡa aa, soŋe andɛɛɡa tɛo. Korowii aa le heyaa la, dɛ hɛ́ɛ ɛ ɡɛ ásɛ o tɛ heyaa hɛɛra.

Rut Tɔn 3:14

Anomanta, o chɔ o naa bɔr bela asɛ dɛ fel ir chɔmbibii bɛlbwa ta on nae, dɛkalkɛ Boas ŋɔ o be ŋɔ waa nyin kɛ nɛra jemɛ kɛŋɔ haah ba pɛla la ta.

1 Samoɛl 26:11

Korowii ɛɛ la ane bojaŋ kɛ n kpo nɛn Korowii aa fuɡe noo do o nyu ta dɛ cheɡo kora ta. Gel ya kpɔ o lampea ne loŋ waa dɛ do nee o bini a che o nyu bɔr nɔ kaa.”