Tɔn Pɔɔl Aa Chwerɛ Rom Tena 12:16 - mzwDBL

¹⁶ Hé ne he dɔŋa so sodɛɛɡa. He bɛ jenu dɛɛ ɛ, he bɛ he te pere dɛɛ le nyaara ne nɛŋɡwɛɡra bini. He bɛ he te wejerema kohona dɛɛ lii.

Tɔn Pɔɔl Aa Chwerɛ Rom Tena 12:16 ပူးပေါင်းရင်းမြစ်များ

2 Webena 30:12

Gɛɛ Korowii ɛ, dɛ ja Juda tena nɛ, dɛ ɡel ba dɔ nyopɛo, dɛ teŋɛ waa kooro ne o nomonome aa do ba la ta, ɡɛ waa bola la.

Job Tɔn 36:5

Na ɡɛ Korowii aa kana kohona, waa nomɛlbwa vɛh, o kan dɛ jemɛ wobɛlbwa bini.

Sɛɡla 17:5

He dɛ mamɛ nyaaraa, Korowii waa ta baa hɛɛ chɛɡɛ, ɡɛɛ a do dɛ he sie dɛ lɛ he dɔŋ wahala ta naa, hɛɛ ba deŋnetɛra kohona dɔe.

Sɛɡla 19:17

Nɛn waa dɛ ɛ nyaa kɛrɛdɛ la, Korowiirii o kpɔ dɛɛ kemɛ, waa waa ɛa la, o dɛ tɛo a nachiɡe.

Sɛɡla 19:22

Kɛrɛdɛ nɛn aa dɛ ɛ waa ba teŋɛ dɛɛ nyin o wa, nɛn nyao bɔ kɛŋɔ waa dɛ teŋe nyosone.

Sɛɡla 19:7

He nyao waa, he lolanar dɛ́ vɛɛh, n baa bol he daamanar wa. He dɔ waa dɛɛ nyin ba bɔr aa, haa ban na.

Sɛɡla 26:12

Nɛn waa ɡɛna kohona la, hwɛɡa lɔ o nɛɛ ɡwaa nɛn waa dɛ lii kɛ o jemɛ wa, kɛ o ɡe aa jemɛ.

Sɛɡla 26:5

Chaŋe ɡɛne o ɡɛnewaa ta, ásɛ o jemɛ kɛŋɔ o ta wejereme ɛɛ.

Sɛɡla 3:7

Bɛ he te wejereme kohona dɛɛ lii, ɔmɛ Korowii, dɛ ke he te wechɔɡa ta.

Aesaya 5:21

Hé bwɛɛlɛ, he banɔ la haa dɛ lii he te wejerema, dɛɛ lii kɛŋɔ he jemɛ wobɛlbwa ɡa la.

Jeremia 32:39

Webeŋkpoŋ ɡboo mɛɛ ba kpɔe tɛɛ ba ba soɡa bini, a chɛ kɛ baa tɛ mɛ duure saŋ bɛlbwa, ba naanar ne ba ɡbaɡba wer doe wa.

Jeremia 45:5

Ɛrɛɛ hɛɛ nyin kɛŋɔ nɛra nyiŋi he nɛɛ kɛrɛdɛ nɔɔ? Bɛ an dɛɛ nyin, dɛkalkɛ n dɛ ba wenaale kpɔe ba ta harɛ nɔ nɛra bwa nɛ. Bobɛlbwa haa chwa kaa la, mɛɛ ɡeloo he dɔ he nyu. Men Korowiirii bola.”

Matiu 11:5

Hé ŋɔ o be ŋɔ nyoŋa dɛ na bɔr, boobie ɛɛ valɛ, asɛ nɛra weechɔɡa aa chɔɡ ba bwadabii la ɡe bwara kwaa. Hé ŋɔ o be ŋɔ amumure dɛ no wa, lala ir seo ta, asɛ nyaara ɡe dɔ Amanesoma la dɛɛ no.

Matiu 26:11

Nyaara te, he ne banee lole tɔperee bwa, kɛ n te aa he bee do ka tonɛ.

Amanesoma Luk Aa Chwera Tɔn 14:13

Dɛ he ɛ ɡɛ kondikwaa nɔ soo siwi aa, yerɛ nyaara ne boobie ne nɛra ba nakpale aa teŋna, ne nyoŋa bá ba di,

Amanesoma Luk Aa Chwera Tɔn 6:20

Yeesu nyiŋi o habɔteŋra la, dɛ ŋɔ, “He banɔ la haa ɛ nyaara la, he na som, dɛkalkɛ heyaa dɛɛ ba Korowii Kora koobii ɛɛ.

We-ɛɛla 4:32

Dɛ nɛra baa yarada Yeesu waa la dɛ ɛ asɔre tena la bwa dɔ nyopɛo ba liire bwa ɡe ɛ beŋkpoŋ. Bɛlbwa ta o ɡbaɡba kondɔɔla kpɔe ɛ o ɡbo kwa. Dɛ bɛlbwa dɔ kon aa, o dɔŋ konee.

Tɔn Pɔɔl Aa Chwerɛ Rom Tena 11:20

He ŋɔ ɡɛ naa, kpelaa he ŋɔ. Baa wola Yeesu waa la yaradae waa ba teŋ ba ta. He ɡe aa yarada Yeesu waa la, a waa he ta che la. Anomanta, bɛ mbarafo dɛɛ ɛ. Pwɛr he te dɛɛ nyiŋi kɛrɛdɛ.

Tɔn Pɔɔl Aa Chwerɛ Rom Tena 11:25

Yabala, wesɔɔhla anee mɛɛ nyin kɛ he jemɛ, ásɛ dɛ jemɛ kɛŋɔ wobɛlbwa laa he den jemɛ. Anee kɛŋɔ Israel tena nɔ bane deŋnekpeɡ baa dɛ ɛ nɔ, ken laa aa ba kae. Nɛra baa wola Israel tena ɛɛ Korowii ɛɛ nyin kɛ o lɛɛ ba la, ba tel ɡɛ del waa dɛ nyin la aa, Israel tena ɛɛ ɡel ba deŋnekpeɡ nɔɔ.

Tɔn Pɔɔl Aa Chwerɛ Rom Tena 12:3

N cheɡɛ suna Korowii aa sune n nɛɛ dɛ kpɔ o toma do n nɔn ta nɔ ta, dɛɛ ja heyaa kɛ ɡɛ bɛlbwa haa doa la, ɡel ba nae ɡɛ. Bɛ́lbwa pwɛr o te, dɛ́ won jemɛ waa Korowii aa tɛo yarada ŋɔ ó kpɔ ɛ.

Tɔn Pɔɔl Aa Chwerɛ Rom Tena 15:5

Korowii waa dɛ tɛ nɛn bambile dɛɛ do ɡbemba la, on dɛ tɛ heyaa nyopɛo teŋa haa dɛ teŋɛ Yeesu Kristo nɛɛ la ta,

Tɔn Pɔɔl Aa Chwerɛ Rom Tena 6:2

Akai! Gɛ nɛn sewaa, waa wola toole wobɛlbwa bini kpa la, ɡɛɛ ya ne wechɔɡa baah do. Aah dɛ ya ne wechɔɡa aa wola toole wobɛlbwa bini nɔ, ŋwɛnɛ besoo taa yaa ba wona dɛɛ ɛ wechɔɡa jaɔ?

1 Kɔrent 1:10

Yabala, n kpɔ ya Dɔɔ Yeesu Kristo dɛɛ soŋe heyaa kɛ hé bwa ɛ beŋkpoŋ. He bɛ dɔŋa baahna peɡri, hé ɡel he nyoa pɛ he we-ɛɛla ne he liire ta.

1 Kɔrent 3:18

He bɛ he te dɛɛ neɡre. Dɛ he bini bɛl lole dɛɛ lii kɛŋɔ o dɔ harɛ nɔ ta wejema aa, ó ɛ o te ɡɛne ásɛ dɛ dɔ Korowii wejema tenten.

1 Kɔrent 4:10

Yeesu Kristo nomanta, ya ɛ ɡɛna nɛra be, kɛ he dɛ yerɛ he te wejerema o waa ta. Ya ɛ nɛŋɡwɛɡra nɛra be, kɛ he ɛ he te o kpeɡnɛra. Ba dɛ duu heya, dɛ lawɛ ya te sie dɛɛ teɡɛ harɛ.

1 Kɔrent 6:5

A dɔ sihiih tɛ heya. Amɔ wejereme beŋkpoŋ kwaraa toole he bini dɛ́ won bol he baah wa,

1 Kɔrent 8:2

Nomɛlbwa waa dɛ lii kɛŋɔ o ɛ wejereme la, o ta wejema aa chɛ kɛ o jemɛ la dɔe mɔɔ.

2 Kɔrent 13:11

Too, yabala, n nyoa jaɡɛ bonɔ. Hé so kɛrɛdɛ. Hé swɛɛ siwi kɛ hɛɛ ɡeloo he wobɛlbwa toɡre ka tonɛ. Hé no n waa maa bola dɛ kpɔ ja heyaa la. Hé ɡel he nyoa pɛ, he bɛ dɛɛ yo. Korowii waa dɛ nyin nɛwɛnyini kohona dɛɛ tɛ bosɔɔhna la, ó cha heya.

Felepae 1:27

Waa aa hiaah laanee kɛŋɔ hé ɡel he we-ɛɛla bwa do wer ɡɛ aa chɛ kɛ nɛra baa no Yeesu Kristo Amanesoma la waa aa doa, ásɛ dɛ n baa ba he be noo, n ta ba wone ba noo, ń no he waa kɛŋɔ he bwa liire ɛ beŋkpoŋ, hé che kiŋkiŋ, he nyoa pɛ, hé che tɛ Amanesoma la haa yaradaa la, á won la sie,

Felepae 3:16

Kɛ ɡɛ bwa yaa wona dɛ jemɛ la, yá kpoŋe a bini dɛɛ la.

Felepae 4:2

N dɛ soŋe Yoodia ne Sentiki kɛŋɔ bá kwaa ba baah dɛ́ ɛ beŋkpoŋ pɛɛ ya ne ya Dɔɔ aa pɛa la ta.

Hibru 13:5

He bɛ ɡel suuɡa waa swɛɛ he siwi kohona. Hé ɡel anɔ la haa dɔa la maɡre he ne, dɛkalkɛŋɔ Korowii bolɔ ŋɔ, “Maa heyaa ta bwa, maa sie laa kpɔ he nɛɛ bwa.”

1 Pita 3:8

Waa maa dɛ nyin n bol laanee kɛŋɔ hé ɡel he nyoa pɛ, hé dɔ dɔŋa chal, hɛ́ɛ nyin dɔŋa kɛŋɔ nyabii. Hé dɔ tedoma dɛɛ tɛ dɔŋa, dɛ pwɛr he te dɛɛ tɛ dɔŋa.

1 Pita 5:3

He bɛ kpeɡri dɛɛ di nɛra baa kpɔ ba do he nɔn ta la nɛ. Hé ɡel he we-ɛɛla do wer ásɛ ba nyiŋa dɛɛ chaara.

3 Jɔn 1:9

N fa chwerɛ waane dɛ tɛ asɔre tena bela, kɛ Dayɔtrafes aa dɛ nyin nomonome nomanta, o vɛh ya waa la.