Tɔn Pɔɔl Aa Chwerɛ Rom Tena 12:13 - mzwDBL

¹³ Hɛ́ɛ tɛ he dɔŋa asɔre tena ba soɡa bini aa kpeɡa tɛɛ ba he kwaa haa dɔa la ane. He bɛ hɔɔhra dɛɛ doŋi he deremi.

Tɔn Pɔɔl Aa Chwerɛ Rom Tena 12:13 ပူးပေါင်းရင်းမြစ်များ

2 Samoɛl 17:29

ne tohno ne peera dɛ waɡasi ba tɛ kooro ne o nɛra ba di. Ba liiro ŋɔ lɔr ne nyɔɡre ɛɛ kpo Kooro Devid ne o nɛra laanee, ásɛ ba koh pua hɛŋle ɡbo harɛ ta bela.

2 Koranar 4:10

Gel ya ma dejeɡa bɛl ya dem nɔ saldoa, dɛ́ ɛ mpa ne teebur ne kara dɛ kandea cheɡ o bini tɛo, ásɛ o balaa wɛɛ do o bini.” Asɛ o sɛh.

Yela 41:1

Nɛra baa dɛ dawɛ nyaara waa la, ba na som, wenaale puu ba aa, Korowii lɛɛ ba dɛɛ le a nyoa.

Sɛɡla 31:20

Waa o ɡbo kon nyin, o dɛ ta tea dɛɛ tɛ nyaara ne nɛŋɡwɛɡra kwa.

Matiu 25:35

dɛkalkɛŋɔ lɔr aa dɛ kpo mɛ la, he tɛ mɛ kondikwaa n di, nyɔɡre aa dɛ kpo mɛ la, he tɛ mɛ nee n nyɔ. Maa ɛ hɔɔh la, he kpɔ mɛ kaa he deremi,

We-ɛɛla 10:4

Asɛ o ha sie nyiŋu ɔmee ne dɛ ŋɔ, “Ɛrɛɛ yɔ? A som aa, n Dɔɔ?” Asɛ nyundua torome la ŋɔ, “He soŋa haa dɛ soŋe Korowii, ne he chae haa dɛ cha nɛra la lɛ o sie, o dɛ ba he chae.

We-ɛɛla 4:35

dɛ kpɔ a suuɡa dɛɛ ba Yeesu toroma la be, asɛ baa bɔna ɡɛ aa chɛ kɛ bɛlbwa dɔ.

Tɔn Pɔɔl Aa Chwerɛ Rom Tena 12:8

Dɛ nɛra ɡbemba doe kpeɡrii Korowii tɛɛ naa, a chɛ kɛ hɛɛ ɛ ɡɛ. Dɛ dɔŋa kwaa kɛɛ kpeɡrii o tɛɛ naa, a chɛ kɛ hɛɛ ɛa bambile bwa ne. Dɛ waa sie tɔe kpeɡrii o tɛɛ naa, a chɛ kɛ hɛɛ ɛa tea bwa ne. Dɛ wedɛɛɡa ɛɛ kpeɡrii o tɛɛ naa, a chɛ kɛ hɛɛ ɛa tepoŋ ne.

1 Kɔrent 16:15

Yabala, he jemɔ kɛŋɔ Stɛfanas ne o dem tenaa tɔ sie yarada Yeesu waa la Akaya harɛ nɛra la bwa bini, dɛ kpɔ ba te tɛo dɛ swɛɛ siwi dɛ ɛ toma dɛɛ tɛ Korowii nɛra ba wa aa toɡra.

2 Kɔrent 9:1

A ta hiaih kwaraa kɛŋɔ n chwerɛ heyaa chae asɔre tena aa dɛ cha Korowii nɛra ba wa aa toɡra dɛ do Juda harɛ la wa.

2 Kɔrent 9:12

Dɛ ya kpɔ he koŋkɛɛla nɔ dɛɛ tɛ Korowii nɛra aa hiah ba aa, dɛ chae ɡbo laa hɛɛ cha ba. Dɛ a cheɡɛ a ta nɛra kpɔ silɛɛ ɡee jam Korowii kohona.

Galaasia 6:10

Anomanta, saŋ bɛlbwa, dɛ ŋwɛnɛ lole naa, yáa cha nomɛlbwa, a laa kɛŋɔ nɛra ya ne baa dɛ di lola Yeesu Kristo nɛɛ teŋa nɔ ta nɔ.

1 Timoti 3:2

A ɡɛ nɛn la, a ta chɛ kɛŋɔ nɛra dɔ o wechɔɡe bol. A chɛ kɛ o haah ɛ beŋkpoŋ. A chɛ kɛ o won o te lawa, dɛ dɔ nfɛrɛ, o we-ɛɛla ɛɛ lɛ nɛra sie. A chɛ kɛ o ɛ nɛn waa won hɔɔhra kpoŋa, dɛ won Korowii Waa baɡla.

1 Timoti 5:10

nɛra bwa jemɛ o wedɛɛɡa waa ɛa wa, kɛŋɔ waa wona dɛɛ o bii ŋwɛnɛdɛɛɡe ta ba ɛ bechadɛɛɡa, dɛ won dɛɛ kpoŋe hɔɔhra kɛrɛdɛ, dɛ pwɛr o te ɛ toma tɛ asɔre tena, dɛ won cha nɛra wa aa puu ba, asɛ dɛ won kpɔ o te bwa tɛ wedɛɛɡa ɛɛ ɡbo la waa mɛɛ bol he be ŋɔ hɛ́ɛ nyiŋi ba nɛɛ la.

Taetos 1:8

A chɛ kɛ o ɛ nɛn waa dɛ nyin hɔɔhra lɛɛ, dɛɛ nyin wedɛɛɡa, dɛ dɔ nfɛrɛ kɛrɛdɛ, o waa do kaih, wedoŋa bɛlbwa aa wola toole o nɛ, wɛɛ lawɛ o te kɛrɛdɛ.

Taetos 3:14

Gel yabala bwa hweli wedɛɛɡa ɛɛ, dɛɛ cha nɛra aa hiah ba, dɛ bɛ nɛra baa wola tɔnɔ dɔe ɛ.

Faelemɔn 1:7

N dam, he nyina haa dɛ nyin Korowii nɛra ba wa aa toɡra la dɛ do mɛ ɡbemba dɛ ɡel n sie ɛɛ lɛ taeh, dɛkalkɛ he dɛ nyiŋ ba dɛɛ do ba ɡbemba.

Hibru 13:16

He bɛ dɔŋa wedɛɛɡa ɛɛ ne dɔŋa chae waa soh, dɛkalkɛŋɔ a ɡɛ waa nɔ ɛ saraha a waa aa dɛ lɛ Korowii sie.

Hibru 13:2

He bɛ soh kɛŋɔ a chɛ kɛ hɛɛ lɛ hɔɔhra dɛɛ nyiŋ ba kɛrɛdɛ. Bane ɛ ɡɛ dɛ nyiŋi nyundua toroma, dɛ baa jemɛ.

Hibru 6:10

Korowii ta nɛn waa wola waa ɛ aŋwɛnɛ ta ɛɛ, á ba ɛ kɛŋɔ wɛɛ soh he tondɛɛɡa haa dɛ ɛ, ne ɡɛ haa dɛ nyinu dɛ koh a waa cha o nɛra dɛ ta ɛɛ cha ba la waa.

1 Pita 4:9

He dɔŋ baa choɡe naa, lɛo, bɛ waa dɛɛ naɡre.

1 Jɔn 3:17

Dɛ nomɛl dɔ harɛ nɔ ta kwaa bwa, dɛ na o dɔŋ waa nyaa, dɛ laa sie kpɔ o nɛ aa, amɔ dɛ o dɛ nyin Korowii aa?

3 Jɔn 1:5

N dandɛɛɡe, ɡɛ he yon lɛ asɔre tena haa wola ban jemɛ kwara, kɛ dɛ won kpɔ ba ka dawɛ he nɛɛ dɛɛ nyiŋ ba la, he dɛ teŋɛ ŋwɛnɛ la ta kɛrɛdɛ.