Tɔn Pɔɔl Aa Chwerɛ Rom Tena 12:12 - mzwDBL

¹² Haa dɔ hwɛɡa nomanta, hé ɡel he sie lɛ. Wobɛlbwa pu heya aa, hé lawɛ bambile. Hé swɛɛ siwi dɛɛ soŋe Korowii saŋ bɛlbwa.

Tɔn Pɔɔl Aa Chwerɛ Rom Tena 12:12 ပူးပေါင်းရင်းမြစ်များ

Yela 109:4

Ba kpɔ haeh chiɡ darame naa ta, kɛ n te, hen Korowiirii n soŋe dɛɛ tɛɛ ba.

Yela 37:7

Hé lawɛ bambile, dɛɛ kpa Korowii, dɛ nyubinikpeɡ tena waa wer dɛɛ tɛɛ ba aa, he bɛ ɡel a we he nɛ kɛŋɔ aa chiɡ ba kɛrɛdɛɛ.

Yela 40:1

N wio no Korowii, dɛ lawɛ bambile dɛɛ kpao, asɛ o na n sum, dɛ no n wii.

Yela 62:8

Yabala, hé kpɔ he hwɛɡa do Korowii nɛɛ saŋ bɛlbwa, dɛ́ kpɔ he wehiah bwa bil o sie, dɛkalkɛ onee ya chwa kaa marɛ wɛɛ lɛ yaa.

Sɛɡla 10:28

Kon nɛn o wa aa toɡra aa dɛ hwɛɡɛ o ta la, ɛ silɛɛ kon, kɛ nɛnchɔɡe te hwɛɡa dɛ́ ɛ pɛɛpɛɛ.

Sɛɡla 14:32

Wechɔɡ-ɛɛ we-ɛɛlaa dɛɛ ba o chɔɡa ne, nɛn o wa aa toɡra dɔ hwɛɡa, hale seo ta.

Matiu 5:12

Hé ɡel he sie lɛ kohona, dɛkalkɛ he kembɔr kan taeh Korowii be. Gɛɛ ba kpɔ ɛ Korowii keamere baa tɔ sie la.

Amanesoma Luk Aa Chwera Tɔn 10:20

He bɛ ɡel a do he som kɛŋɔ kwaa aa dɛ ir nɛra nɛɛ aa no he wobol nɔ. Waa aa chɛ kɛ hé koh a waa dɛ́ ɡel he sie lɛ laanee kɛŋɔ bá chwerɛ he sɔna nyundua ja Korowii bii nɛ.”

Amanesoma Luk Aa Chwera Tɔn 21:19

He lawɛ bambile aa, hɛɛ dɔ he nyuu.”

Amanesoma Luk Aa Chwera Tɔn 8:15

Anɔ la ɡe aa lee harɛdɛɛɡe ta dɛ le dɛ do wer dɛ ma kohona la ɡee nɛra baa no Korowii Waa la dɛ kpoŋe a bini kɛrɛdɛ, dɛ dɔ bambile dɛ teŋɛ a ta, dɛ́ ɡel a dɔ tɔnɔ la.”

We-ɛɛla 1:14

Dɛ ba ne haahna la ne Yeesu nya Mɛɛre ne Yeesu nimanar la pɛo cheme dɛ yon dɛɛ soŋe Korowii warawara.

We-ɛɛla 12:5

Gɛɛ a do ba do Pita dea. Kɛ dɛ o bala asɔre tena la pɛpɛo dɛ soŋe Korowii dɛɛ tɛo tenten.

We-ɛɛla 2:42

A ɡɛ nɛra la balɔ dɛ baa hweli Korowii waa Yeesu toroma la be warawara. Dɛ ba ne Yeesu toroma laanee pɛa dɛɛ ɛ wobɛlbwa, dɛɛ di kwaa dɛɛ tomɛ Korowii.

We-ɛɛla 6:4

ásɛ ya te won dɔ bɔr dɛ́ kpɔ Korowii soŋa ne o Waa bola ɡbo ɛ ya toma.”

Tɔn Pɔɔl Aa Chwerɛ Rom Tena 15:13

Korowii waa ɡela ya dɔ hwɛɡa Yeesu nɛɛ la, ó tɛ heyaa silɛɛ ne bansɔɔhna he yarada haa dɛ yarada Korowii la ta, ásɛ Korowii Domadɛɛɡe ɡe cha heyaa, ásɛ he won dɛɛ hwɛɡɛ Yeesu nɛɛ kohona.

Tɔn Pɔɔl Aa Chwerɛ Rom Tena 15:4

Wobɛlbwa ba fa aa chwera la, dɛ yanee ba chwera tɛ kɛŋɔ yá hweli waa le a ta. A ɡɛ waa nɔɔ dɛɛ ja yaa bambile dɔe ta, dɛɛ do yaa ɡbemba, ásɛ a che a ta ya dɔ hwɛɡa.

Tɔn Pɔɔl Aa Chwerɛ Rom Tena 2:7

Nɛra baa dɛ nyin jirima Korowii be, dɛɛ nyin kɛ Korowii kpɛɛ ba, dɛɛ nyin mkpa aa wola jaɡa dɔe, dɛ koh a waa dɛ lawɛ bambile dɛɛ ɛ wedɛɛɡa saŋ bɛlbwa la, Korowii ɛɛ tɛɛ baa mkpa aa wola jaɡa dɔe bwa.

Tɔn Pɔɔl Aa Chwerɛ Rom Tena 8:25

Ya te la, kon waa wola ya nɔn ta joɛ mɔɔ la, o waa yaa hwɛɡɛ. Yaa too.

1 Kɔrent 13:13

Anomanta, webele atoroo lole, yarada, hwɛɡa ne nɛnnyin. Kɛ nɛnnyinii ɡwaa a bwa.

2 Kɔrent 12:8

Kera atoro bwaa n soŋe Korowii kɛŋɔ o laa a ɡɛ waa nɔ kpɔ n nɛ,

Felepae 3:1

Yabala, waa aa kaa laanee kɛŋɔ, hé ɡel he sie lɛ he ne ya Dɔɔ pɛɛ la ta. Wesiwi beŋkpoŋii n berɛ chwerɛ dɛɛ tɛ heyaa la, kɛ aa men ha. A dɛ ba ɡela he won che kiŋkiŋ.

Felepae 4:4

Hé che pɛɛ he ne ya Dɔɔ aa pɛa la ta dɛ́ ɡel he sie lɛ. Kasinteŋ, hé ɡel he sie lɛ.

Kolosi 1:11

dɛ́ won dɔ kpeɡri kɛrɛdɛ dɛ́ le o ɡbaɡba kpeɡri waa do kan dɛ dɔ jirima kɛrɛdɛ la ta. N dɛ soŋe Korowii ó cha heyaa ɡɛ hé won lawɛ bambile wobɛlbwa ta,

Kolosi 1:27

bá na dɛ́ jemɛ ɡɛ waa dɛ nyin kɛ ó ɛ nɛra baa wola Juu tena ɛɛ la baah. O waa waa pili a bini la ɛ wedɛɛɡa aa ɛ wejena dɛɛ kpo nyoa. Anee kɛ Yeesu Kristo Doma soɡe he nɛ, he dɔ hwɛɡa o be kɛ tɔpebɛl hɛɛ dɔ jirima o bee.

Kolosi 4:12

Epafras waa ɛ he bwɛɛ te la dɛ na heya. O dɛ ɛ Yeesu Kristo toma, dɛ soŋe Korowii kɛrɛdɛ ɡa dɛɛ tɛ heyaa saŋ bɛlbwa, ásɛ o ɡel he won che kiŋkiŋ dɛ́ jemɛ o waa kɛrɛdɛ ka tonɛ, ásɛ Yeesu Kristo waa bɛ heyaa aahna-aahna ɛ, he won ɛ Korowii tetoowaa bwa.

Kolosi 4:2

Hé swɛɛ siwi dɛ́ɛ soŋe Korowii saŋ bɛlbwa, dɛ́ ɡel he sie ɡe do a ta. Hé ɡel he siwi su waa waa ɛa tɛ heyaa hɛ́ɛ jaamo.

1 Tesalonika 1:3

Gɛɛ tɔpere bɛlbwa ɡe yaa bol N Naa Korowii waa bera ɛ ya Mɛɛ la be he yarada haa yaradao dɛ won kpɔ dɛɛ ɛ o toma, ne he nyina haa dɛ nyinu dɛ ɡel he sie beɡre o toma ta, ne hwɛɡa haa dɔa ya Dɔɔ Yeesu Kristo be dɛ won dɛɛ lawɛ bambile wobɛlbwa ta la.

1 Tesalonika 5:8

Ya te yaa ɛ bochaah ta nɛra nɔ, hé ɡel ya sie chɔ harɛ, ásɛ dɛ kpɔ yarada ne nɛnnyin ɛ ya laa batakaare kɛŋɔ baa do laa batakaare dɛɛ yo laa la, dɛ́ berɛ kpɔ hwɛɡa yaa dɔa ya Dɔɔ Yeesu be kɛŋɔ wɛɛ lɛ yaa la ɛ buni ɡbɛrɛ dɛ́ kpɔ pi.

2 Tesalonika 1:4

Ya ɡbaɡba dɛ bol he waa dɛɛ baɡle asɔre tena baa cheme bobɛlbwa dɛɛ tomɛ Korowii la, dɛɛ kpɛɛ heya. Ya dɛ ŋɔ ba be ɡɛ nɛra aa dɛ ɛ heyaa hɔhɔrɔwa, aa no heyaa saŋ bɛlbwa, asɛ he dɔ bambile haa wola habɔɔ le dɛ ta teŋɛ dɛɛ yarada Yeesu la.

2 Tesalonika 3:5

Yá Dɔɔ Yeesu Kristo cha heya, ásɛ he won jemɛ nyina Korowii aa nyin heya, ne bambile Yeesu Kristo aa lawa o hɔhɔrɔwa la bini la.

1 Timoti 6:11

Hei, Timoti! Haa dɛ teŋɛ Korowii nɛɛ nɔ, a chɛ kɛŋɔ hɛ́ɛ ke he te ɡɛ waa la te bwa ta, dɛ́ swɛɛ siwi dɛɛ ɛ waa aa dɛ su Korowii siwi, dɛɛ tomɔ, dɛɛ yaradao, dɛɛ nyin nɛn, dɛ́ won bambile lawa wobɛlbwa ta, dɛ́ do pwɛre.

2 Timoti 3:10

He Timoti te, he jemɛ waa maa dɛ baɡle la bwa, dɛ jemɛ n da, ne kon la waa maa dɛ koh, ne ɡɛ maa dɛ yarada Yeesu Kristo, ne ɡɛ maa won bambile lawa, ne ɡɛ maa dɛ nyin nɛn, ne ɡbemba maa dɔa.

Taetos 2:13

dɛɛ kpa ɡɛ saŋ Yeesu Kristo aa ba o jirima ne ya nao la. Onee Korowijen ne ya Lɛɛ la. O bala taa ya dɔ hwɛɡa ne silɛɛ kɛrɛdɛ.

Taetos 3:7

asɛ Korowii suna la ɡel ya ɛ nɛndɛɛɡa ya waa su o siwi, ásɛ ya won dɔ hwɛɡa kɛ o mkpa aa wola jaɡa dɔe bwa la ɛɛ ɛ ya konee.

Hibru 10:32

Hé lii ɡɛ he fa aa doa ɡɛ saŋ Korowii waa la aa chaah he sie la. He na wahala ɡa, kɛ he ta habɔɔ leɛ.

Hibru 10:36

A hiaoh kɛŋɔ he lawɛ bambile dɛ́ won ɛ ɡɛ Korowii aa dɛ nyin, ásɛ dɛ won dɔ kwaa waa baɡɛ heyaa nyoa la.

Hibru 12:1

Ya te aa dɔ a ɡɛ nɛra nɔ bwa waa baa yarada Korowii dɛ ɛ aa baɡle yaa waa nɔ, a chɛ kɛ ya ɡe lawɛ bambile dɛ chwa ya chwae waa chɔ ya sie nɔ siswɛm ne. A chɛ kɛ ya laa komɛlbwa waa ɡel ya lɔ naa ya chwae ta la kpɔ, dɛ ɡel wechɔɡa aa dɛ tɔ yaa ŋwɛnɛ bwa.

Hibru 3:6

Kɛ Yeesu Kristo te kasinteŋ waa dɔa la, Korowii Bie on, asɛ o ɛ Korowii nɛra bwa nomoa. Ya yarada yaa dɔa Yeesu Kristo nɛɛ, ne hwɛɡa yaa dɔa ya sie lɛ a ta la, ya lawɛ a bini kpoŋe kiŋkiŋ naa, Yeesu Kristo nɛraa yan.

Hibru 5:7

Yeesu aa lɔ harɛ ta la, dɛ wii ne siniire nee wɛɛ soŋe komɛlbwa dɛɛ le Korowii be. Dɛ Korowii dɔ kpeɡri dɛ leo seo ta. Waa pwɛra dɛɛ no Korowii deŋna waa la nomanta, dɛ Korowii dɛ no o wesoŋa.

Hibru 6:12

Yaa nyin kɛ he bwara hwah heya. Ya dɛ nyin he kpɔ nɛra baa lawɛ bambile dɛɛ yarada Korowii, ásɛ o tɛɛ ba kwaa waa baɡ ba nyoa la.

Hibru 6:15

Abraham ɡe wono lawɛ bambile aaa, dɛ ba dɔ kon Korowii aa baɡɔ nyoa la.

Jems 5:7

Kɛ yabala, hé lawɛ bambile, dɛ́ ka tel ɡɛ saŋ ya Dɔɔ la aa ba. Hé na ɡɛ paa yon so kpa bwaala loɡla á nɛ ó du o kwa, dɛ́ lawɛ bambile, ásɛ yoo ɡe yo mɔɔ o koo kwaa la yon ɛ la.

1 Pita 4:13

Hé ɡel he sie lɛ kɛŋɔ haa dɛ na Yeesu Kristo wenaale dɔŋa nɔ, ásɛ awola haa ba na o jirima waa dɔa la, he sie lɛ, he bwara sɔɔh heyaa kohona.

1 Pita 4:7

Wobɛlbwa jaɡa tɔpere la telo. Anomanta, hé nyiŋi kɛrɛdɛ, dɛ́ ɡel he sie chɔ harɛ, ásɛ dɛ won dɛɛ soŋe Korowii kɛrɛdɛ.

2 Pita 1:6

dɛ́ won dɛɛ lawɛ he te dɛɛ ja he wejema ta. Hɛ́ɛ lawɛ bambile dɛɛ ja he te lawa ta, dɛ kpɔ Korowii ɔma dɛɛ ja he bambile lawa ta.

Wepila 13:10

Dɛ Korowii ŋɔ bá lawɛ nomɛlbwa laa ta naa, baa lawɔɔ. Dɛ nomɛlbwa kweh kere dɛ kpɔ kpo nɛn aa, kere nee baa ba o ɡe kpoe. Anɔ dɛ baɡle kɛŋɔ a chɛ kɛ Korowii nɛra ba wa aa toɡra dɔ bambile, dɛ́ lawɛ waa baa dɛ yaradaa la bini kiŋkiŋ.