Tɔn Pɔɔl Aa Chwerɛ Rom Tena 12:11 - mzwDBL

¹¹ Hé laa bɔhwaah kpɔ he waa bini, dɛ́ do ɡbemba dɛɛ tomɛ ya Dɔɔ Yeesu Kristo.

Tɔn Pɔɔl Aa Chwerɛ Rom Tena 12:11 ပူးပေါင်းရင်းမြစ်များ

Kaala 5:17

Anee Ijipt kooro la ŋɔ, “Bɔhwaahra bane le! A waa laa hɛɛ bol ŋɔ, n ɡel hé la ka kpoo kwaa ɛ saraha tɛ Korowii haa dɛ tomɔ nɔ naa?

Sɛɡla 10:26

Gɛ konnyɛɡa aa dɛ nyɛɡ nyena, asɛ ninchuu ɡe ɛɛ we sie la, ɡɛɛ nɛn waa dɛ ɛ bonyɛɡa do tɛ nɛn waa tomɔ. Waa on bansɔɔhna tɛ.

Sɛɡla 13:4

Bɔhwaah bɛlbwa aa o konnyini dɔ, kɛ nɛn waa dɛ nyin toma te, o dɛ dɔ kon waa dɛ nyin.

Sɛɡla 18:9

Bɔhwaah aa toma ɛɛ nyin, o dɔŋee nɛn waa dɛ chɔɡ kwa.

Sɛɡla 22:29

Nɛn waa jemɛ nɔn toma kɛrɛdɛ la, koranar tomaa wɛɛ ɛ, waa nɛnsale toma ɛ.

Sɛɡla 31:15

O felo dɛɛ ir chɔmbibii, dɛɛ tɛ o dem tena kondikwa, dɛ́ berɛ baɡle o toli dem toma bá ɛ.

Wejereme 9:10

Do sie dɛɛ ɛ toma bokpeɡa bwa ne, dɛkalkɛ lalabwɛɛ haa dɛ ba kaala la, toma ɛɛ kɛɛ waane vɔrɔwa, kɛɛ waa mun noe, dɛ wejema toole bela.

Aesaya 56:10

Nomonome baa ɛ sitɔɔla dɛɛ daah n nɛra Israel tena la, ba do kɛŋɔ nyoŋa ken, baa waa mun no. Ba do kɛŋɔ nyootena aa wola won wor dɛ chɔ dɛɛ dee ɡbo, dɛɛ nyin chɔe.

Matiu 24:12

Wechɔɡa ɛɛ perɛ harɛ nɔ ta bobɛlbwaa, ásɛ nɛra bane aa won nyin ba dɔŋa kɛrɛdɛ kpa.

Matiu 25:26

Anee o dɔɔ la ŋɔ, ‘Bonɔnchɔɡe bɔhwaah kohona! He jemɔ kɛ bela maa wola mea duee mɛɛ koma, asɛ bela maa wola kwaa komɛ laanee mɛɛ nyin a cheɡbɔr aa?

We-ɛɛla 18:25

Ba fa baɡle Apolos Yeesu bwara waa ne o ŋwɛnɛre bwa, asɛ o jema, dɛ ɡe ɛɛ baɡla o bokpeɡa bwa ne. Kɛ, dɛ Jɔn o fa aa dɛ sɔ nɛra Korowii nee la waa waa baɡle nɛra Yeesu waa la ɡboo o no.

We-ɛɛla 20:19

N kpɔ n te kɛ n Dɔɔ Yeesu bonɔɔ dɛɛ ɛ o toma nɔ sipwɛra ne. N koh he nyoɡra haa nyoɡre Korowii ŋwɛnɛ waa dɛ yon dɛɛ wi. Juu tena aa dɛ vɔrɔwe n vɔrɔwa la, a noo mɛ taeh.

1 Kɔrent 7:22

Nomɛlbwa waa ɛ yom dɛ ɛ asɔre te la, o dɔ o te Korowii be. Gɛɛ a do, nomɛlbwa waa dɔ o te dɛ ba ɛ asɔre te la, o ɛ Yeesu Kristo yom.

Ɛfesos 4:28

He fa dɛ ŋwɛ kɛɛ? Hé ɡel ɡɛ ɛɛ dɛ́ kpɔ he nɔɔra haa kpɔa dɛɛ ŋwɛ la dɛɛ ɛ tondɛɛɡa dɛ́ dɔ dɛɛ di, dɛ́ won dɔ ane dɛɛ tɛ nyaara ba ɡee di.

Kolosi 4:1

He banɔ la haa dɔ bonɔɔna ne toli la, hɛ́ɛ ɛɛ ba waa aa toɡra dɛ do wer, dɛkalkɛŋɔ he ɡba lɔ nomɛl lɔɡa, o do Korowii doa.

1 Timoti 5:13

Luhaahna nɔ dɔŋa, baa wedɛɛɡa bɛlbwa dɔe dɛɛ ɛ ka ja kɛŋɔ baa dɛ ɡaaɡe dɛɛ valɛ deremi ta pɛɛpɛɛ. A ɡbo laa. Ba kpɔ nyoa dɛɛ do nɛra waa ta, dɛɛ ŋwalɛ nɛra, asɛ dɛɛ bol waa aa wola chɛɛ kɛŋɔ ba bol bwa.

Hibru 12:28

Anomanta, a chɛ kɛ yaa jam Korowii saŋ bɛlbwa kɛŋɔ waa ɡela ya do o Kora waa wola yiiɡi ta nɔ. A chɛ kɛ yaa tomɔ ɡɛ aa too o tea, dɛɛ tɛo duure dɛɛ ɔmɔ,

Jems 5:16

Anomanta, a wer kɛŋɔ he bol he wechɔɡa dɛɛ baɡle he bala he ne baa teŋɛ Yeesu nɛɛ la, ásɛ ba ɡe won soŋe Korowii dɛɛ tɛ heya, ásɛ o tɛ heyaa bokpeɡa, dɛkalkɛŋɔ nɛndɛɛɡe dɛ soŋe Korowii aa, o dɛ no dɛ ɛ dɛɛ tɛo.

1 Pita 1:22

Taraken nɔ haa sɛh kasinteŋ la ta teŋa, asɛ a che a ta he doŋa le he nɛɛ hɛɛ nyin dɔŋa kɛrɛdɛ nɔ, hé den dɛɛ nyin dɔŋa kohona bambile bwa ne,

1 Pita 4:8

Waa aa ɛ wehiah kohonaa kɛ hɛ́ɛ nyin dɔŋa bambile bwa ne, dɛkalkɛŋɔ dɔŋa nyina dɛ tɔ wechɔɡa kɛrɛdɛ ta.

Wepila 2:4

Kɛ he webeŋkpoŋ maa dɔa laanee kɛŋɔ, nyina he fa aa dɛ nyin mɛ loɡla la ta ɡɛ doe kpa.