Tɔn Pɔɔl Aa Chwerɛ Rom Tena 12:10 - mzwDBL

¹⁰ Hé lawɛ dɔŋa kɛ nyabii, dɛɛ tɛ dɔŋa duure ɡwaa ɡɛ haa dɛ lii he te ɡbaɡba.

Tɔn Pɔɔl Aa Chwerɛ Rom Tena 12:10 ပူးပေါင်းရင်းမြစ်များ

Mumpar 13:9

Anomanta, ya peɡri dɔŋa baah. Nyiŋi harɛ nɔ waa chɔa kaa nɔ bwa, ásɛ dɛ kpɔ baŋ bela bwa waa wera he be, ásɛ he do baŋ bɛl, ń ɡe do baŋ bɛl.”

Job Tɔn 1:4

O bibaala la bɛlbwa yon le o tɔpere cheɡ, dɛ́ ɡel ba daa kondikonjena o dem, dɛ́ yerɛ ba nimambihaahna batoro la, bá ka puu ba di kwaa la dɛ́ lɛ ba sie.

Yela 133:1

Na wer ne silɛɛ aa dɔa kohona, kɛ nɛn ne o dɔŋa aa soɡe sodɛɛɡa nyopɛo ne!

Jeremia 38:12

Belaa Ɛbɛd Mɛlɛk ŋɔ n be ŋɔ, “Lawɛ yakwane la ne laala aa kɛɛra la do he luɡbɔɔne ásɛ ŋwɛɛra haa kpɔ vɔwɛ a ta la bɛ hen bola ba do.” N ɛ ɡɛ,

Matiu 20:26

Kɛ ɡɛ laa chɛ kɛŋɔ hé te do. He bini bɛl dɛ nyin kɛ ó ɛ nomoa aa, a chɛ kɛ ó kpɔ o te ɛ kɛ bechala dɛɛ tomɛ heya.

Amanesoma Luk Aa Chwera Tɔn 14:10

Dɛ ba yerɛ a ɡɛ yer nɔ dɔŋ bɔr aa, ka so bechasobɔr, ásɛ dɛ naate waa yerɛ la balaa, ó ba ŋɔ he be ŋɔ, ‘N dam, ir kaa sie nomombɔr bela ka so.’ An dɛ tɛɛ jirima nɛra baa yerɛ he ne ba bwa la siwi ta.

Amanesoma Jɔn Aa Chwera Tɔn 15:17

Waa maa kpɔa dɛɛ tɛ heyaa laanee kɛŋɔ, hɛ́ɛ nyin dɔŋa.”

Amanesoma Jɔn Aa Chwera Tɔn 17:21

N dɛ soŋe kɛ hé ɛ ba bwa beŋkpoŋ. N Mɛɛ, ɡɛ n ne haa ɛ beŋkpoŋ bɛl aa wola won daɡre o te o dɔŋ nɛɛ la, ɡɛɛ mɛɛ soŋe kɛ ya ne ba won ɛ beŋkpoŋ, ásɛ nɛra baa dɔ harɛ nɔ ta ɡbo liire bwa won yarada kɛŋɔ henee tom mɛ.

We-ɛɛla 4:32

Dɛ nɛra baa yarada Yeesu waa la dɛ ɛ asɔre tena la bwa dɔ nyopɛo ba liire bwa ɡe ɛ beŋkpoŋ. Bɛlbwa ta o ɡbaɡba kondɔɔla kpɔe ɛ o ɡbo kwa. Dɛ bɛlbwa dɔ kon aa, o dɔŋ konee.

Tɔn Pɔɔl Aa Chwerɛ Rom Tena 13:7

Anomanta, komɛlbwa aa chɛ kɛ he tɛ nɛn la, tɛo. Dɛ he nyu toɔ yaa, bɔ. Dɛ he kondɔɔh bɛlbwa ɡe toɔ yaa, bɔ. Dɛ duuree a chɛ kɛ he tɛ nɛn aa, tɛo, dɛ jirimaa a chɛ kɛ he tɛ nɛn aa, tɛo.

Galaasia 5:13

Yabala, Korowiirii le heyaa tɛ o te, dɛ lɛ heyaa asɛ Mmara la bɛ heyaa vɔrɔwe kpa. Kɛ haa dɔ he te nɔ, he bɛ ɡel a do he som kohona, asɛ hɛɛ ɛ wechɔɡa la bwa he bwadabii aa dɛ nyin kɛŋɔ hɛɛ ɛ. Hé kpɔ dɔŋa nyina dɛɛ tomɛ dɔŋa.

Galaasia 5:22

Korowii Domadɛɛɡe la te, kwaa waa dɛ tɛ laanee dɔŋa nyina, ne silɛɛ, ne nyopɛo, ne bambile dɔe, ne tesom, ne wedɛɛɡa ɛɛ, dɛ kasinteŋ dɔe,

Galaasia 5:6

Yeesu Kristo ŋwɛnɛ ta teŋa nɔ ta te, ba teŋe nɛn pen oo, ba ta o pen teŋoo, a laa ɛ wehiah. Waa aa hiah laanee kɛŋɔ nɛn aa dɛ yarada Yeesu Kristo, asɛ ɡɛ yarada nɔ won ɡel wɛɛ nyin o dɔŋa.

Felepae 2:3

He bɛlbwa bɛ o ɡbo sɔn nyina kɛɛ jenu waa koh dɛɛ ɛ wa, kɛ hé pwɛr he te dɛ́ɛ tɛ dɔŋa, dɛ́ kpɔ ba ɡwaa he ɡbaɡba.

Kolosi 1:4

dɛkalkɛŋɔ ya noɔ kɛŋɔ he dɛ yarada Yeesu Kristo kɛrɛdɛ dɛ kpɔ he te tɛo, dɛɛ nyin Korowii nɛra ba wa aa toɡra bwa ɡe.

1 Tesalonika 4:9

Too. Ane ɡee la. A ta hiaih kɛ ya berɛ baɡle heyaa dɔŋa nyina waa kpa, dɛkalkɛŋɔ Korowii baɡle heyaa ŋɔ hé nyin dɔŋa.

2 Tesalonika 1:3

Yabala, ya koh he waa dɛ yon dɛɛ jam Korowii. He chɛ ɡɛ, dɛkalkɛŋɔ he yarada haa dɛ yarada Korowii la dɛ kaa sie saŋ bɛlbwa. Nyina haa dɛ nyin dɔŋa la ɡe ɡba dɛ do kan ja.

Hibru 13:1

He nya biirii dɔŋa Yeesu Kristo waa nɔ ta, anomanta, hɛ́ɛ nyin dɔŋa saŋ bɛlbwa.

1 Pita 1:22

Taraken nɔ haa sɛh kasinteŋ la ta teŋa, asɛ a che a ta he doŋa le he nɛɛ hɛɛ nyin dɔŋa kɛrɛdɛ nɔ, hé den dɛɛ nyin dɔŋa kohona bambile bwa ne,

1 Pita 2:17

Hɛ́ɛ tɛ nomɛlbwa duure, dɛɛ nyin he bala baa dɛ yarada Yeesu Kristo la. Hɛ́ɛ ɔmɛ Korowii, dɛ́ kpɔ duure dɛɛ tɛ he harɛ bwa nyu te.

1 Pita 5:5

He bonɔɔna ɡe la, hɛ́ɛ tɛ he nomonome duure. Hé bwa pwɛr he te dɛɛ tɛ dɔŋa, dɛɛ cha dɔŋa, dɛkalkɛŋɔ Korowii Tɔn bolɔ ŋɔ, “Korowii ne mbarafo tena aa jo, kɛ o dɛ sune nɛra baa dɛ pwɛr ba te nɛɛ dɛɛ cha ba.”

2 Pita 1:7

Hɛ́ɛ nyin dɔŋa dɛɛ ja he Korowii ɔma ta, dɛɛ nyin nɛn dɛɛ ja he dɔŋa nyina ta.

1 Jɔn 4:11

Yabala, dɛ kenii Korowii ɛɛ nyin yaa te naa, amɔ a chɛ kɛŋɔ yá nyin dɔŋa.

1 Jɔn 4:20

Dɛ nomɛl hah o dɔŋ dɛ ŋɔ o dɛ nyin Korowii aa, dɛ o teŋe nyosone. Dɛ nomɛl aa o dɔŋ o ne waa pɛa wɛɛ nao la nyin aa, ɛrɛɛ ó ɛ dɛ won nyin Korowii waa wola on na nɔ?