Tɔn Pɔɔl Aa Chwerɛ Rom Tena 11:6 - mzwDBL

⁶ Ba we-ɛɛla ta laa a che o lee ba. Ba sumii o na dɛ lee ba ba ɛ o nɛra. Dɛ ba we-ɛɛla taa a fe che o lee ba ba ɛ o nɛra aa, dɛ suna baa ŋɔa Korowii dɛ sune nɛwɛnyini nɛɛ dɛɛ cha ba la ta mun dɔe.

Tɔn Pɔɔl Aa Chwerɛ Rom Tena 11:6 ပူးပေါင်းရင်းမြစ်များ

2 Timoti 1:9

Onee lɛ yaa, dɛ le yaa ŋɔ yá ba ɛ o nɛra dɛ́ do ɡoroŋ tɛo. Ya tondɛɛɡa ɛɛ waa laa o le yaa, kɛ o liire waa dɔa tɛ yaa, ne ɡɛ waa na ya sum dɛ cha yaa waa o le yaa. Yeesu Kristo nɛɛ o che dɛ na ya sum, dɛ cha yaa dɛ le yaa mɔɔ dɛ ta komɛlbwa.

Galaasia 2:21

Maa sɛh ɡel Korowii nɛra nɛɛ suna la ɛ pɛɛ. Dɛ Mosis Mmara ta teŋa taa a che nɛn ɛ nɛndɛɛɡe o waa su Korowii siwi aa, amɔ te dɛ pɛɛpɛɛ Yeesu Kristo sewɛ la.”

Taetos 3:5

o lɛ yaa ta. Ya te wedɛɛɡa ɛɛ waa laa o lɛ yaa ta. Sunaa o sune ya nɛɛ dɛ lɛ yaa ta, dɛ sɔ yaa nee ya won do kɛ baa bera kwaa lolɛ yaa. O Domadɛɛɡe waa kpɔa tɛ yaa o kwaa yaa la nɛɛ ya che dɛ dɔ mkpafale la.

Galaasia 5:4

He banɔ la haa dɛ nyin he che Mosis Mmara ta teŋa ta ásɛ dɛ ɛ nɛndɛɛɡa he waa su Korowii siwi la, he pere he te le Yeesu Kristo be. He ta nɛra Korowii aa sune ba nɛɛ la nɛɛ jae.

1 Kɔrent 15:10

Kɛ Korowii sune n nɛ, dɛ cha mɛ. Chae waa cha mɛ laanee ɡela n do ɡɛ maa doa nɔ la. O suna waa sune n nɛɛ la ta pɛɛ ɛɛ. N iro, asɛ dɛɛ ɛ o toma la kohona hale dɛ ɡwaa n bala toroma la kwara. N ɡbaɡba kpeɡri ne laa mɛɛ ɛ toma nɔ. Korowiirii sune n nɛɛ dɛ cha mɛ, asɛ mɛɛ ɛa ɡɛ la.

Amanesoma Luk Aa Chwera Tɔn 6:13

Tɔ aa pera la, o yerɛ o habɔteŋra la, asɛ dɛ kpɔ ba bini fi dɛ banɛ dɛ ŋɔ o toromaa ban.