Tɔn Pɔɔl Aa Chwerɛ Rom Tena 11:33 - mzwDBL

³³ Ei! Korowii liire ne o wejema kan te! Umee dɛ́ won jemɛ Korowii waa mun ɔ? Umee dɛ́ won jemɛ o waa bini bwa nɔ?

Tɔn Pɔɔl Aa Chwerɛ Rom Tena 11:33 ပူးပေါင်းရင်းမြစ်များ

Ɛsta 2:22

Mɔdekae no waa la, dɛ ka taa baɡle kooro haah Ɛsta. Asɛ o ɡe kpɔ ka taa kooro be kɛŋɔ, ɡɛɛ Mɔdekae no dɛ ba bol o be.

Job Tɔn 10:13

Kɛ n nao kɛŋɔ anɔ bwa lɔ he bini, asɛ n jemɛ kɛŋɔ ɡɛɛ lɔ he nyu bini.

Job Tɔn 15:8

He no waa Korowii aa vɔrɔwa aa? He ɡboo nɛn haa dɔ wejemaa?

Job Tɔn 23:14

Waa waa do mɛ a ta la, anee wɛɛ ba ɡela a ɛ, o ta dɔ a dɔŋa warɛ o be cheɡ mɛ.

Job Tɔn 26:14

Waa waa ɛa la bini tamaa la, a bini wetama anee ya no. Umee dɛ́ won jemɛ kpela, ɡɛ Korowii kan ne o kpeɡri aa doa ɔ?”

Job Tɔn 33:13

Ɛrɛɛ he bol he waa dɛɛ baɡle Korowii waa wola hen chaŋe nɔɔ?

Job Tɔn 37:19

Baɡle yaa waa yaa bol Korowii be dɛ́ chaŋo, ya liire damɔ nomanta, ya ta wobɛlbwa dɔe.

Job Tɔn 37:23

Korowii Waa ɛ Kpeɡri Bwa Dɔɔ kan, yaa won bɛno, o waa toɡrɔ dɛ do wer, waa nɛn fiiɡi.

Job Tɔn 5:9

Wejena haa wola won no a munii Korowii ɛɛ ɛ, nyokpowaa haa wola won kuraa wɛɛ ɛ.

Job Tɔn 9:10

O dɛ ɛ wejena nomɛlbwa aa wola won jemɛ a mun, dɛɛ ɛ nyokpowe-ɛɛla aa wola nyoa dɔe.

Yela 139:6

Gɛ haa jemɛ n waa la kpo n nyoa kohona, maa wone dɛɛ no a mun.

Yela 145:3

N Naa Korowii, he kan dɛ chɛ kpɛɛra. He kan haa doa ɡwaa nɛwɛnyina liire ta.

Yela 36:6

He wa aa toɡra la jaŋne kaa nyundua kɛ bwejena tenten ken, he bole pae bini do luŋri kɛŋɔ mpo vil, dɛɛ nyiŋi nɛwɛnyina ne ola bwa nɛ.

Yela 40:5

N Naa Korowii yaa dɛ tomɛ, nyokpowe-ɛɛla haa ɛa la warɔ ɡa. Yaa won baɡle wejena haa vɔrɔwa bil tɛ yaa la, a warɔ kohona, yaa wola won kura.

Yela 77:19

He valɛ mpo nehɛma ta dɛ ɡale o vile, kɛ ba ta he nabuɡe nae.

Yela 92:5

N Naa Korowii, he waa haa dɛ ɛ kan, he wejema ta jaɡa dɔe.

Yela 97:2

Baama ne biro baro cheme, waa aa toɡra ne kasinteŋ nee wɛɛ di kora.

Sɛɡla 25:2

Ya kpɔ duure dɛɛ tɛ Korowii sɔeh waa kpɔ waane sɔh yaa, ɡɛɛ koranar ɡe dɔ duure pila baa pili waa dɛɛ nyiŋi a bini.

Sɛɡla 25:3

Gɛ haa wola won jemɛ nyundua jaŋne, ne harɛ bini luŋri la, ɡɛɛ haa wola won jemɛ kooro liire.

Wejereme 3:11

O ɡelɔ komɛlbwa do wer o saŋ ta. O ɡelɔ ya jemɛ ya liire bini waa aa lole saŋ la, ne anɔ la aa chiɡ kerekere saŋ bɛlbwa dɛɛ la, kɛ yaa won no waa bwa Korowii aa ɛa le mumpar kaa a jaɡa mun.

Wejereme 7:24

Gɛ bɛlbwa wejema aa doa bwa, o bini luŋri kɛrɛdɛ, o ta jaɡa dɔe, dɛ do kpeɡri kɛŋɔ yá won jemɛ a mun.

Wejereme 8:17

asɛ n na waa Korowii aa ɛa bwa. Nomɛlbwa aa won jemɛ waa aa lɔ harɛ nɔ ta ka tonɛ bwa. Hale anɔ bwa habɔɔ, nɛwɛnyini ta wone jemɛ a mun. Wejereme waa ŋɔa o jemɔ kwaraa la, waa won jemɛ bwa.

Aesaya 28:29

Gɛ liire nɔ bwa, Koranar Bwa Kooro bee a le. Baɡla waa baɡle nɛra waa dɔ nyokpoa, o wejema ta jaɡa dɔe.

Aesaya 40:28

Haa jemaa? He ta noɛ yaa? Korowii lole saŋ bɛlbwa. Onee ta harɛ nɔ bwa. Waa koh bwa, waa ɡwɛɡre ɡe. Nomɛlbwa aa won jemɛ o wejema waa dɔa mun bwa.

Daneɛl 4:35

Nɛra baa lɔ harɛ nɔ ta waa ta komɛlbwa ɛɛ o be. Gɛ waa dɛ nyin laanee wɛɛ ɛ kwaa aa lɔ nyundua ne harɛ nɛra nɛ. Nomɛlbwa aa won tɔŋlo kɛɛ dɛ́ bɔɔro waa waa ɛa.

Tɔn Pɔɔl Aa Chwerɛ Rom Tena 2:4

Waa nɔ bwaa Korowii ta tea dɛɛ ɛ heya, dɛɛ tɛ heyaa sisɔna dɛɛ lawɛ bambile nɔ bwa, ásɛ he charɛ he liire dɛ́ le he wechɔɡa ta. Kɛ haa o wedɛɛɡa nɔ bu, dɛɛ nyiŋa pɛɛ.

Tɔn Pɔɔl Aa Chwerɛ Rom Tena 9:23

ásɛ nɛra waa sune ba nɛɛ dɛ cheɡ ba kɛŋɔ bá ba na som la won jemɛ ɡɛ o som la aa doa dɛ dɔ jirima kohona.

1 Kɔrent 2:10

Kɛ Korowii cheɡɛ o Domadɛɛɡe la ta dɛɛ baɡle yaa a waa ásɛ ya won no a mun. O Domadɛɛɡe la dɛ na wobɛlbwa bini kɛrɛdɛ, hale dɛ jemɛ Korowii wesɔɔhla ɡba.

Ɛfesos 1:7

O Binyini laanee lɛ ya seo sewɛ. O chalee yawɛ yaa tɛ Korowii, asɛ o kpɔ ya wechɔɡa dɛɛ kɛ yaa. Anee dɛɛ baɡle suna waa sune ya nɛɛ kohona dɛɛ cha yaa la.

Ɛfesos 2:7

O ɛ ɡɛ dɛ kpɔ baɡle nɛra baa wola toole dɛ taa ba bala ásɛ ba na ɡɛ waa ɡara sune ya nɛɛ kohona dɛ cha yaa kɛrɛdɛ, ɡɛ waa cheɡɛ Yeesu Kristo nɛɛ dɛ ta tea ɛ yaa waa nɔ bwa la. O nɛn nɛɛ suna kan kɛrɛdɛ. A ta dɔŋ dɔe.

Ɛfesos 3:10

O ɛ ɡɛ ásɛ nyundua toroma, ne kwaa aa dɔ kpeɡri bwa dɛ do Korowii be nyundua bwa pese asɔre tena waa dɛ́ jemɛ ɡɛ bwa Korowii wejema aa kana ne ɡɛ waa dɛ ɛ o toma.

Ɛfesos 3:16

N dɛ soŋo kɛ, chae waa dɛ cha yaa kohona a dɔ jirima nɔ nomanta, ó ɡel o Domadɛɛɡe tɛ heyaa kpeɡri, ásɛ he won lawɛ o waa bini kiŋkiŋ he bambile bwa ne,

Ɛfesos 3:18

ásɛ he ne Korowii nɛra ba wa aa toɡra la bwa won jemɛ ɡɛ Yeesu Kristo nyina aa kana dɛ do luŋri, aa wola jaɡa dɔe bwa.

Ɛfesos 3:8

N ɛ bechala o nɛra bwa bini n fe aa wola chɛɛ, kɛ menee o le ŋɔ ń bol o Amanesoma la baɡle nɛra baa wola Juu tena ɛɛ, ásɛ ba ɡe jemɛ wedɛɛɡa aa wola jaɡa dɔe dɛ le Yeesu Kristo waa bini.

Kolosi 1:27

bá na dɛ́ jemɛ ɡɛ waa dɛ nyin kɛ ó ɛ nɛra baa wola Juu tena ɛɛ la baah. O waa waa pili a bini la ɛ wedɛɛɡa aa ɛ wejena dɛɛ kpo nyoa. Anee kɛ Yeesu Kristo Doma soɡe he nɛ, he dɔ hwɛɡa o be kɛ tɔpebɛl hɛɛ dɔ jirima o bee.