Tɔn Pɔɔl Aa Chwerɛ Rom Tena 11:23 - mzwDBL

²³ Dɛ Israel tena berɔ yarada Yeesu waa la te naa, Korowii ɛɛ berɔɔ lɛɛ ba do ba buɡ ta, dɛkalkɛŋɔ aa kpeɡe o be.

Tɔn Pɔɔl Aa Chwerɛ Rom Tena 11:23 ပူးပေါင်းရင်းမြစ်များ

2 Kɔrent 3:16

Kɛ, saŋ bɛlbwa nɛwɛnyini aa charɛ o liire dɛ́ berɛ ba Yeesu be la, yachaahne la ɛɛ leo.

Sekaria 12:10

Mɛɛ ɡeloo sum nae ne Korowii soŋa Doma ba so Kooro Devid naanar, ne Jerusalam tena bane nɛ. Baa dɛɛ nyiŋi naate baa yaɡɔ lampea ne o sewɛ laanee, dɛɛ wiu kɛŋɔ nɛra aa dɛ wi ba bibeŋkpoŋ waa sewa, kɛɛ baa dɛ wi ba bibanloɡle waa sewa la ken.

Matiu 23:39

Kasinteŋ, n dɛ ŋɔ he be, haa men na kpa ka tel ɡɛ saŋ maa ba ja, asɛ he ŋɔ, ‘Woowo! Korowii Biee cheɡɛ o sɔn ta dɛɛ ba la!’ ”

Tɔn Pɔɔl Aa Chwerɛ Rom Tena 11:17

Moo laa pala dɛɛ kaa nyundua la aa? Israel tena do kɛ kobaah ɔleve da. Ba teŋe o kpala ane ta, dɛ kpɔ hen haa wola Israel te ɛɛ dɛ do kɛ kpɔɡ baah ɔleve daa kpale, dɛ ba vɔrɔwe marɛ kobaah kon la bɛl buɡ ta, asɛ hɛɛ nyɔ o nedɛɛɡa dɛ di, dɛ dɛɡ.

Tɔn Pɔɔl Aa Chwerɛ Rom Tena 11:24

Korowii laa ɡela ba teŋe he nɛra haa do kɛ kpɔɡ baah ɔleve daa kpala, dɛ ba vɔrɔwe marɛ kobaah ɔleve daa muŋkpul ta nɔ naa, ba fe aa an ɡɛ ɛ wubwa. Aah dɛ Korowii won he nɛra haa do kɛ kpɔɡ baah ɔleve daa kpala kwara kɛɛ, dɛ vɔrɔwe marɛ kobaah kwaa kwaraa ta a maɡre aa, Israel tena baa do kɛ kobaah ɔleve daa kpala waa kɛa ta la, ɛrɛ waa dɛ o berɔ kpɔ ba vɔrɔwe marɛ ba buɡ ta aa wola maɡre ɔ?

Hibru 3:19

He ta nae kɛŋɔ ba yarada bɛ dɔe waa Korowii aa wola ban ŋwɛnɛ tɛɛ ba dɔ ona waa dɔa tɛɛ ba la aa?