Tɔn Pɔɔl Aa Chwerɛ Rom Tena 11:17 - mzwDBL

¹⁷ Moo laa pala dɛɛ kaa nyundua la aa? Israel tena do kɛ kobaah ɔleve da. Ba teŋe o kpala ane ta, dɛ kpɔ hen haa wola Israel te ɛɛ dɛ do kɛ kpɔɡ baah ɔleve daa kpale, dɛ ba vɔrɔwe marɛ kobaah kon la bɛl buɡ ta, asɛ hɛɛ nyɔ o nedɛɛɡa dɛ di, dɛ dɛɡ.

Tɔn Pɔɔl Aa Chwerɛ Rom Tena 11:17 ပူးပေါင်းရင်းမြစ်များ

Yela 52:8

Kɛ n te, n do kɛŋɔ ɔleve da, dɛ che Korowii Dea dɛɛ kpeɡ. N dɛ hwɛɡɛ Korowii nyina aa wola jaɡa dɔe saŋ bɛlbwa la ta.

Aesaya 27:11

Dɛ a holaa, a kuuɡo dɛɛ lee, ásɛ haahna yon ba paa kaa mar. Israel tena aa waa mun no. Anomanta, Korowii tea aa ba nɛɛ domɛ. Onee ta ba, kɛ waa ba sum na.

Aesaya 6:13

Dɛ nɛn beŋkpoŋ kwaraa ka harɛ la ta kwaraa naa, mɛɛ chɔɡ o ɡbaa. Wɛɛ ɛo kɛŋɔ ba yon teŋe daa a ka o muŋkpul che dɛɛ moɡɛ la.” Daa la muŋkpul la cheɡɔ tɛ n nɛra baa ba ka harɛ la ta la.

Jeremia 11:16

N fa ŋɔ ba do kɛŋɔ ɔleve daa waa kpeɡa kohona dɛ dɔ papooni, asɛ nɔndɛɛɡa su o bwa, dɛ do wer. Mɛɛ ɡeloo peukpeɡ ta kerabeŋkpoŋ, ásɛ nii le o papooni ta, dɛ́ kuuɡi o kpala.

Jona 1:16

Asɛ ɔmee lawɛ nɛra la bwa kohona Korowii wa, ba kpo kwaa ɛ saraha tɛo, dɛ baɡɔ nyoa ŋɔ baa tomɔɔ.

Sekaria 4:3

Ɔleve daa anɛ cheɡɛ kandea daa la jwɛh, bɛl cheɡɛ loɡ la diɡ-bɔr, asɛ bɛl ɡe che ɡalbɔr.”

Matiu 21:43

Anomanta, n dɛ ŋɔ he be ŋɔ, Korowii ɛɛ lɛ o kora laanee le he be, dɛ́ kpɔ ka tɛ banɔ la baa dɛ ba wona nyiŋi o ta kɛrɛdɛ la.

Amanesoma Jɔn Aa Chwera Tɔn 15:1

Yeesu berɔ sɛɡ ba ŋɔ, “Menee ɡrepo daa tenten waa dɛ nɔnɛ, asɛ n Mɛɛ ɡee paa la.

Amanesoma Jɔn Aa Chwera Tɔn 15:2

N kpale bɛlbwa waa wola nɔnɛ la, o teŋo dɛɛ ta, kɛ n kpale waa won nɔna la te, o dɛ kuu o nyoo ó won nɔnɛ kɛrɛdɛ.

Amanesoma Jɔn Aa Chwera Tɔn 15:6

Dɛ he bɛlbwa ta o te kpɔe pɛl mɛ naa, wɛɛ ɛo kɛŋɔ daa kpale baa teŋo ta asɛ o hol la. Kpala aa do ken la, pae ba paa dɛɛ do nii ta, aa fuh.

We-ɛɛla 2:39

dɛkalkɛŋɔ he ne he naanar ne bojaŋ tena Korowii aa dɛ yer ba ŋɔ bá ba o be la bwa waa o baɡɛ nyoa la la.”

Tɔn Pɔɔl Aa Chwerɛ Rom Tena 11:24

Korowii laa ɡela ba teŋe he nɛra haa do kɛ kpɔɡ baah ɔleve daa kpala, dɛ ba vɔrɔwe marɛ kobaah ɔleve daa muŋkpul ta nɔ naa, ba fe aa an ɡɛ ɛ wubwa. Aah dɛ Korowii won he nɛra haa do kɛ kpɔɡ baah ɔleve daa kpala kwara kɛɛ, dɛ vɔrɔwe marɛ kobaah kwaa kwaraa ta a maɡre aa, Israel tena baa do kɛ kobaah ɔleve daa kpala waa kɛa ta la, ɛrɛ waa dɛ o berɔ kpɔ ba vɔrɔwe marɛ ba buɡ ta aa wola maɡre ɔ?

Galaasia 2:15

Ya te nɔ, Juu tena ɛ ya nyare ne ya mɛɛnanar ba lolɛ yaa, asɛ ya ɡe ɛ Juu tena. Nɛra baa wola Juu tena ɛɛ asɛ Juu tena ɛɛ yer ba ‘wechɔɡ-ɛɛra’ la laa yaa.

Ɛfesos 3:6

dɛ ɡel ba jemɛ kɛŋɔ pɛɛ banɔ la baa wola Juu tena ɛɛ la ne Yeesu aa pɛa la ne Amanesoma la baa noa la nomanta, ba ja Juu tena nɛɛ dɛ ɛ Korowii kwa, dɛ bwa ja Yeesu Kristo nɛ, dɛ bwa pɛ dɛɛ di Korowii nyobaɡa la ɡe tɔnɔ.

Mmarare 8:8

Mea ne daa aa dɔ nɔna baa dɛ dia kɛŋɔ ɡrepore, ne fiɡ daa ne daa bɛl nɔna baa dɛ yera pɔmeɡranet ne ɔleve no, dɛ tohno ɡboo harɛ la bwa.

Kolosi 2:13

He wechɔɡa ne he dobene Korowii fa aa wola teŋe ta la ɡelɔ he fa do kɛŋɔ he serewɔ. Kɛ he ne Yeesu Kristo aa pɛa la, Korowii kpɔ he bwa wechɔɡa kɛ heya, dɛ tɛ he bwa mkpafale.

Wepila 11:4

Gɛ nɛra banɛ nɔɔ ɔleve daa anɛ ne kandea daa anɛ a cheɡɛ harɛ bwa Dɔɔ la sie la che tɛ la.