Tɔn Pɔɔl Aa Chwerɛ Rom Tena 11:16 - mzwDBL

¹⁶ Dɛ kon pera wer dɛ chɛ Korowii aa, dɛ o kar la bwa ɡe wer. Dɛ daa lune wer dɛ chɛ Korowii aa, dɛ o ne o kpala bwaa.

Tɔn Pɔɔl Aa Chwerɛ Rom Tena 11:16 ပူးပေါင်းရင်းမြစ်များ

Jems 1:18

O ɡbaɡba tetooraa ya dɔ o waa aa ɛ kasinteŋ la dɛɛ no, dɛ che a ta ɛ o bii, ásɛ dɛ su o siwi kwaa waa taa la bwa bini.

Ɛsekeɛl 44:30

He koo kondikonloɡla aa wera, ne komɛlbwa haa kpɔa baa tɛ mɛ la ɛɛ ɛ sɔfore la kwaa. He kpɔ menloɡla ba tɛɛ ba, ásɛ n swee andɛɛɡa tɛ heyaa he deremi.

Sɛɡla 3:9

Kpɔ he kondɔɔh, ne he koo kondikonloɡla tɛ Korowii, dɛ́ kpɔ duuru.

Jeremia 2:21

He fa do kɛŋɔ ɡrepo da o dwee aa wera n kpɔ du. Ɛrɛɛ he berɛ habɔɔ kpo mɛ, dɛ berɛ dachɔɡa aa wola tɔnɔ bɛlbwa dɔe dɛ tɛ mɛ nɔɔ?

Tɔn Pɔɔl Aa Chwerɛ Rom Tena 11:17

Moo laa pala dɛɛ kaa nyundua la aa? Israel tena do kɛ kobaah ɔleve da. Ba teŋe o kpala ane ta, dɛ kpɔ hen haa wola Israel te ɛɛ dɛ do kɛ kpɔɡ baah ɔleve daa kpale, dɛ ba vɔrɔwe marɛ kobaah kon la bɛl buɡ ta, asɛ hɛɛ nyɔ o nedɛɛɡa dɛ di, dɛ dɛɡ.

Lewi Dea Tena 23:10

“Dɛ he baa tel harɛ maa dɛ ba kpɔe tɛ heyaa la ta, asɛ hɛɛ komɛ he koo kondikwa aa, hé kpɔ mea vɔwa del aa ɛ loɡla kwaa la ka tɛ sɔfo.

Mmarare 26:10

Anomanta, n kpɔ harɛ Korowii aa tɛ mɛ koo konloɡla ba.’ Ásɛ dɛ kpɔ wɛɡrɛ la ne kwaa la cheɡ Korowii haa dɛ tomɔ nɔ sie dɛ́ ɡuŋi o sie.

Mmarare 18:4

Banee bera chɛ kɛŋɔ hé kpɔ he mea aa tɔ sie ne he senfala, ne ɔleve noo dɛ peera pona he yon tɔ sie fona bena bɛlbwa la tɛ,

Kaala 23:16

Hé di Koo Kondikwaa Koma Tɔpejen la he koo kondikonloɡla ne. Hé di Koo Kondikwaa Nyoa Boara Tɔpejen la, benanyoa la aa ba kaa o jaɡa he yon boa he kooni kondikwaa bwa nyoa ba cheɡ dem la ta.

Mumpar 17:7

Mɛɛ ɡeloo n fɔo la do n ne hen ne he naanar baah saŋ bɛlbwa dɛɛ la, ásɛ n ɛ he ne he naanar baa ka ba la bwa Korowii haa dɛɛ tom mɛ.

Wepila 14:4

Gɛ nɛra nɔ do kɛŋɔ baala baa wola haah jemɛ, dɛkalkɛŋɔ ba lawɛ ba te dɛ do kaih. Ba dɛ teŋɛ Pebie la nɛɛ bobɛlbwa waa dɛ la. Banee nɛnloɡla Korowii aa lɛɛ ba nɛra waa dɛ ba ba lɛɛ la bwa bini, dɛ́ kpɔ ba tɛ o te ne Pebie la.

1 Kɔrent 7:14

Baa waa wola asɔre te ɛɛ la, o mo haah waa ɛ asɔre te aa, pɛɛ o ne haah la aa pɛa la nomanta, Korowii kpɔ baa la dɛɛ ɛ o nɛn. Gɛɛ a do, haah ɡe ta asɔre te ɛɛ dɛ yalɛ baa waa ɛ asɔre te aa, pɛɛ o ne waa pɛa la nomanta, Korowii kpɔ haah la ɡe dɛɛ ɛ o nɛn. Dɛ ɡɛ laa aa, ba bii fe ta Korowii bii ɛɛ, kɛ taraken ba ɛ o kwa.

Kaala 23:19

Hé kpɔ he koo kondikonloɡla ba men Korowii haa dɛ tom mɛ la Dea. He bɛ bombie daa o nya elnee ne.

Kaala 22:29

Hé kpɔ he mea ne sen kɛɛ ɔleve noo ba ɛ saraha tɛ mɛ saŋ aa chɛa ta. Hé lawɛ he bibanloɡla ba tɛ mɛ.

Tɔn Pɔɔl Aa Chwerɛ Rom Tena 8:23

Maa dɛ ŋɔ nɔ, Korowii kontaala ɡbo bwara laa dɛɛ nyɛɡ. Ya nɛra yaa dɔ Korowii Domadɛɛɡe kɛŋɔ kwaa Korowii aa ba tɛ yaa la bini konloɡle la, ya ɡba bwara dɛ nyɛɡ. Ya dɛ nyiŋi Korowii ŋwɛnɛ kɛŋɔ wɛɛ ba ɛ yaa o biirii, dɛ́ lɛ ya bwadabii le wechɔɡa ne seo nɔn ta.