Tɔn Pɔɔl Aa Chwerɛ Rom Tena 10:21 - mzwDBL

²¹ Kenii o baɡle ɡɛ Korowii aa bol Israel tena ɡe wa, “Saŋ bɛlbwaa n paɡri n nɔɔra kɛŋɔ ń lɛ n nɛra kɛ baa men yarada. Ba deŋne kpeɡri, baa waa ɡe no.”

Tɔn Pɔɔl Aa Chwerɛ Rom Tena 10:21 ပူးပေါင်းရင်းမြစ်များ

Nehemia 9:26

Kɛ ba ɛɛ deŋnekpeɡ dɛ le he habɔɔ. Ba laa ba liire kpɔ he Mmara ta teŋa ta. Ba kpoo he keamere baa kah ba ŋɔ, bá charɛ ba liire ba he be la. Ba bol wedoŋa dɛ taah he sɔn la.

Sɛɡla 1:24

N teŋɔ dɛɛ yerɛ heya, kɛ he vɛoh, n ta nɔn ŋɔ he ba, kɛ he mwaa n ne.

Jeremia 25:4

Keraŋwɛnɛ bwaa Korowii tomɛ o bonɔɔna baa ɛ o keamere he Juda ne Jerusalam tena be, kɛ he ta deŋne cheɡɛ, a ba ɛ kɛŋɔ hɛɛ noo.

Jeremia 35:15

N teŋɔ tomɛ n bonɔɔna baa ɛ n keamere bwa he be. Ba bol he be ŋɔ bɛlbwa charɛ o liire le wechɔɡa ta dɛ́ ɡel he we-ɛɛla do wer. Dɛ he bɛ voɡare ane nɛɛ teŋɛ dɛɛ toma. Ásɛ he won so harɛ maa kpɔa tɛ he ne he naawa la ta. Kɛ ane a bwa, he ta deŋne cheɡɛ dɛ no n be.

Jeremia 35:17

Anomanta, men Korowii Maa Ɛ Koranar Bwa Kooro, men Korowii Israel tena aa dɛ tom mɛ ɛɛ kpɔ wekpeɡa maa ŋɔa mɛɛ kpɔɔ ba ta Juda ne nomɛlbwa waa lɔ Jerusalam nɛɛ laanee ba. Dɛkalkɛ n bol waa he be, he ta noɛ, dɛ yerɛ heya he ta men chaŋɛ.”

Amanesoma Luk Aa Chwera Tɔn 24:47

ásɛ ba che o sɔn ta dɛ́ bol Amanesoma la dɛ́ ŋɔ nɛ́ra charɛ ba liire dɛ́ le wechɔɡa ta, ásɛ Korowii kpɔ ba wechɔɡa kɛ ba, dɛ pa mun le Jerusalam dɛ baɡle ɡɛ waa nɔ harɛ bobɛlbwa.

Mmarare 31:27

Mosis ŋɔ sɔfore la be ŋɔ, “N jemɛ he lwɛmkpeɡ ne he habɔɔ bera dɛ́ kpo Korowii wa. Hale n ne haa lole n ta sewɛ mɔɔ nɔ, he fa berɛ habɔɔ kpo Korowii. Hɛ́ɛ ɛo ɡwaa ɡɛ n seo habɔɔ.

Mmarare 9:13

Dɛ berɛ ŋɔ, ‘N na nɛra nɔ kɛŋɔ ba ɛ lwɛmkpeɡ tena kohona!

1 Tesalonika 2:16

dɛkalkɛŋɔ ba dɛ tɔ yaa ŋwɛnɛ ya bɛ Korowii Waa la bol chaɡle nɛra baa wola Juu tena ɛɛ la, ásɛ Korowii bɛ ban lɛ. Anomanta, ba wechɔɡa dɛ warɛ tɔpere bɛlbwa, ásɛ Korowii bwaawee ir ba nɛ.

1 Pita 2:8

Ba berɔ chwerɛ o waa ŋɔ, “Bwe waa dɛ ba ɡela nɛra lɔ naa dɛ choɡli laanee la.” Ba vɛh Korowii waa la ta teŋa, an ɡela baa lɔ na. Korowiirii cheɡa ɡɛ.