Tɔn Pɔɔl Aa Chwerɛ Rom Tena 1:28 - mzwDBL

²⁸ Baa wola sɛɛh kɛŋɔ bá jemɛ Korowii waa nomanta, o ta ba waa tɛɛ ba, asɛ ba liire bwa ɛ anchɔɡa, asɛ baa ɛ waa aa wola chɛɛ kɛ baa ɛ.

Tɔn Pɔɔl Aa Chwerɛ Rom Tena 1:28 ပူးပေါင်းရင်းမြစ်များ

Mumpar 6:5

Korowii aa baa na ɡɛ nɛwɛnyina nyubinikpeɡ aa kana kohona harɛ nɔ ta dɛ dɔ liichɔɡa ɡbosoroo tɔpere bɛlbwa la,

2 Samoɛl 22:27

Gɛ he tea aa toa la, ɡɛɛ hɛɛ baɡlo ɡɛ he tea aa toa wa, kɛ nyubinikpeɡ tena te, he dɛ baɡ ba kɛ he dɔ wejema dɛ bol ba waa dɛɛ pa bole.

Yela 69:27

Chwerɛ ba wechɔɡa baa ɛa bwa bil, bɛ ɡel ba ja he lɛɛ haa dɛ lɛ nɛra la ta.

Sɛɡla 1:22

“Nɛra he sie aa wola pile, saŋ besoo hɛɛ nyin kɛ he ɡɛn ka tel ɔ? Haa waa hweli aa?

Sɛɡla 1:29

Hé kii wejema, haa nyin kɛ he ɔmɛ Korowii.

Sɛɡla 1:7

Wejema mumparee Korowii ɔma. Gɛna ɡboo dɛɛ vɛh wejema, ne waa baa dɛ do ba a ta.

Sɛɡla 17:16

Tɔnɔ besoo a dɔ kɛŋɔ ɡɛne kpoŋe suuɡa dɛɛ nyin wejema dɛ o ta a liire dɔe yɔ?

Jeremia 4:22

Korowii ŋɔ, “N nɛra ɡɛnɔ, baa men jemɛ. Ba ɛ bechale baa wola liire dɔe, baa waa mun no. Ba dɔ wejema bá kpɔ ɛ wechɔɡa kɛrɛdɛ, kɛ baa wedɛɛɡa ɛɛ te jemɛ.”

Jeremia 6:30

Baa dɛɛ yerɛ n nɛra sɔnee ŋɔ suuɡapoŋa aa wola tɔnɔ dɔe, dɛkalkɛŋɔ n vɛɛh ba. Men Korowiirii bola.”

Jeremia 9:6

Jeremia, nyosonteŋna binii he so, ba nyosone teŋa nomanta, ba vɛɛh mɛ kɛ menee Korowii baa dɛ tom mɛ. Men Korowiirii bola.”

Ɛsekeɛl 14:5

Gɛɛ mɛɛ ba ɛɛ dɛ́ dɔ Israel tena bwa baa vɛɛh mɛ dɛ kaa tomɛ voɡa la, ásɛ ba berɛ ba n be.’

Ɛsekeɛl 20:25

N ɡelɔ baa ɛ waa aa wola ban cha, dɛ tɛɛ ba mmarare aa wola ɡel ba dɔ mkpa.

Hosia 4:6

N nɛra aa wola men Korowii jemɛ nomanta, ba dɛ serewe. He sɔfore, haa wola n waa ta teŋɛ nomanta, n ɡe vɛh heya. Haa vɛh men Korowii haa dɛ tom mɛ webaɡla ta teŋa nomanta, n ɡe ɛɛ vɛh he biirii.

We-ɛɛla 17:23

dɛkalkɛŋɔ maa dɛ ɡaaɡe he bwɛɛ nɔ ta dɛ na bɔra haa dɛ tomɛ la, n na kon haa dɛ ɛ saraha o ta, dɛ na kɛŋɔ baa chwerɛ bobɛl ŋɔ, ‘Ya dɛ tomɔ, kɛ yaa on jemɛ.’ Kon haa wola on jemɛ dɛ ɡee tomɔ la, o waa mɛɛ bol he be la. O sɔne Korowii.

We-ɛɛla 17:32

Pɔɔl aa bol seo ta ira waa la, dɛ ba dɛ mamɔ, asɛ bane ɡe ŋɔ, “Ya dɛ nyin kɛ he bol he waa la yá no ja.”

Tɔn Pɔɔl Aa Chwerɛ Rom Tena 1:18

Korowii baah di nɛra ba wechɔɡa aa tɔ o kasinteŋ waa la ŋwɛnɛ asɛ a sɔɔh ba la nɛ. O baah dɛ di ba wechɔɡa la ta kɛrɛdɛ.

Tɔn Pɔɔl Aa Chwerɛ Rom Tena 1:21

Nɛwɛnyini jemɔ kɛŋɔ Korowii lole, kɛ baa on duu ɡɛ aa chɛ kɛ baa duuru. Baa jam kpɔe dɛɛ tɛo. Nɛwɛnyini wechɔɡa ɡelɔ ba wili, ba ta liire dɔe kpa.

Tɔn Pɔɔl Aa Chwerɛ Rom Tena 1:24

Anomanta, Korowii ta ba waa tɛɛ ba, asɛ baa ɛ wedoŋa ba bambile aa lawa, dɛɛ chɔ baala ne haahna aa wola Korowii ŋwɛnɛ ta ɛɛ.

Tɔn Pɔɔl Aa Chwerɛ Rom Tena 1:26

Ba ken ɛɛ nomanta, Korowii ta ba waa tɛɛ ba, asɛ baa ɛ ba pɛla waa aa ɛ sihiih kohona. Ba haahna kwaraa ne baala aa chɔ kpa, ba ne ba dɔŋa haahnaa dɛɛ chɔ baa ne haah.

1 Kɔrent 15:34

Anomanta, hé ir dɛ́ ɡel he sie chɔ harɛ hɛɛ ɛ kɛrɛdɛ, dɛ bɛ wechɔɡa dɛɛ ɛ. He bini bane aa Korowii waa jemɛ kɛrɛdɛ. A ta sihiih ɛɛ tɛ heya aa?

2 Kɔrent 10:5

Nɛwɛnyina wejema baa dɛ maŋkuraa dɛɛ tɔŋle waa la, a ne webaɡla baa dɛ maŋkuraa kohona dɛɛ tɔŋle waa asɛ nɛra jemɛ Korowii kahonɛ la do kɛ dekpeɡa yaa dɛ ba wona paɡre la. Ya berɔ dɔ kpeɡri dɛ won berɛ nomɛlbwa liire, asɛ ba no Yeesu Kristo be.

Ɛfesos 5:4

Hɛ́ɛ nyiŋi kɛrɛdɛ he wobol bini, dɛ bɛ wobochɔɡa ne ɡɛnewobol ne wobosale dɛɛ bol. A ta chɛ kɛ hɛ́ɛ bola. Hé ɡel he wobol ɛ Korowii kpɛɛra wa.

2 Tesalonika 1:8

O balaa, wɛɛ bol nɛra baa wola Korowii jemɛ, baa wola Amanesoma aa dɛ baɡle ya Dɔɔ Yeesu waa noɛ la waa, dɛ́ bɔ ba a kem,

2 Timoti 3:8

Gɛ Janes ne Jambɛs aa vuuɡi Mosis la, ɡɛɛ a ɡɛ baala nɔ ɡe ɛɛ vuuɡi kasinteŋ waa la. Ba liire aa were. Baa vɛh kasinteŋ waa la yaradae nomanta, Korowii vɛɛh ba.

Taetos 1:16

Ba ŋɔ ba jemɛ Korowii, kɛ ba we-ɛɛla dɛ baɡle kɛŋɔ baa Korowii jemɛ. Ba we-ɛɛla doŋo Korowii be kohona, ba deŋne ɡe kpeɡri. Baa won ɛ wedɛɛɡe bɛlbwa bwa.

Faelemɔn 1:8

He nɛnnyin nomanta, n dɛ nyin kɛ n soŋe waane. N fe dɔ ŋwɛnɛ Yeesu Kristo be pera kɛŋɔ ń di kpeɡri he nɛɛ dɛ́ ŋɔ hé ɛ ɡɛ aa wera kɛŋɔ he ɛ, kɛ maa ɡɛɛ ɛ.

2 Pita 3:5

Ba saahnɔ laa ba liire kpɔ ɡɛ Korowii fa aa kpɔ nyoa bol waa a saŋ la asɛ nyundua ne harɛ pa mun la ta. Nee nee Korowii ta harɛ, nee taa harɛ le.