Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Tɔn Pɔɔl Aa Chwerɛ Rom Tena 1:14 - mzwDBL

14 A chɛ kɛ ń bol Yeesu Amanesoma la nɛra bwa be, nɛra baa kaa sie ne banɔ la baa ka mun, nɛra ba sie aa pila ne banɔ la ba sie aa wola pile bwa be.

အခန်းကိုကြည့်ပါ။ ကော်ပီ




Tɔn Pɔɔl Aa Chwerɛ Rom Tena 1:14
31 ပူးပေါင်းရင်းမြစ်များ  

“Nɛra he sie aa wola pile, saŋ besoo hɛɛ nyin kɛ he ɡɛn ka tel ɔ? Haa waa hweli aa?


He sie ta pilaa, hé hweli sipila wa. He ɡɛnaa, hé hweli wejemwa.


Ŋwɛnɛjen ɛɛ chɔ belaa baa yerɔ “Ŋwɛnɛɡoroŋ Waa Dɛ Kaa Korowii be.” Wechɔɡ-ɛɛra aa o taa kpɔ, ó chɔ tɛ nɛra baa teŋɛ Korowii waa la ta, hale ɡɛna kwara aa o taa kpɔ.


Belaa Yeesu kpɛɛ Korowii ŋɔ, “N Mɛɛ, nyundua ne harɛ bwa Dɔɔ! N dɛ jaame kɛ haa kpɔ he waa nɔ sɔh sipila tena ne wejerema, dɛ kpɔ baɡle nɛra baa wola wobɛlbwa jemɛ nɔ.


Gɛ saŋ dɛ Korowii Domadɛɛɡe la ir Yeesu nɛɛ dɛ ɡel o sie lɛ, asɛ o ŋɔ, “N Mɛɛ, nyundua ne harɛ bwa Dɔɔ! N dɛ jaame kɛŋɔ haa kpɔ waa nɔ sɔh sipila tena ne wejerema, dɛ kpɔ baɡle nɛra baa wola wobɛlbwa jemɛ nɔ. Jam, n Mɛɛ. Gɛɛ wera he be.”


Anee o ŋɔ n be ŋɔ, ‘Kaa! Mɛɛ ɡeloo he kaa bojaŋ, dɛ́ la nɛra baa wola Juu tena ɛɛ be.’ ”


Bela tena nyiŋi yaa kɛrɛdɛ. Yaa dena jo bela dɛ bwaala dɛ nɛ asɛ waa do le kohona, asɛ ba mar nii tɛ yaa ya ŋwee.


Bela tena la aa na harɛkon la Pɔɔl nɔn ta saɡa la, dɛ ba dɛ bol dɔŋa be ŋɔ, “Baa nɔ maɡaa kpo nɛn! Na waa le seo nyoa mpo ta asɛ o wechɔɡa taa ti o luɡe ɡɛ!”


Anee Yeesu ŋɔ o be ŋɔ “Kaa! Menee leo dɛɛ nyin n tomɔ, ásɛ nɛra baa wola Juu tena ɛɛ ne ba koranar ne Israel tena bwa ba che o nɛɛ dɛ́ jem mɛ.


Yabala, wesɔɔhla anee mɛɛ nyin kɛ he jemɛ, ásɛ dɛ jemɛ kɛŋɔ wobɛlbwa laa he den jemɛ. Anee kɛŋɔ Israel tena nɔ bane deŋnekpeɡ baa dɛ ɛ nɔ, ken laa aa ba kae. Nɛra baa wola Israel tena ɛɛ Korowii ɛɛ nyin kɛ o lɛɛ ba la, ba tel ɡɛ del waa dɛ nyin la aa, Israel tena ɛɛ ɡel ba deŋnekpeɡ nɔɔ.


Hé ne he dɔŋa so sodɛɛɡa. He bɛ jenu dɛɛ ɛ, he bɛ he te pere dɛɛ le nyaara ne nɛŋɡwɛɡra bini. He bɛ he te wejerema kohona dɛɛ lii.


He bɛ kem di wobɛlbwa ta a chɔ le kpa heyaa ka ja dɔŋa nyina ta. A ɡboo ɛ kem aa chɛ kɛ he di. Nomɛlbwa waa wona dɛɛ nyin o dɔŋ la, o tonɛ Korowii Mmara la bwa.


Nɛra bwa dɛ bol he teŋa haa dɛ teŋɛ Yeesu waa la ta waa bobɛlbwa, anomanta, n sie lɛ he nɛɛ kɛrɛdɛ. Kɛ n dɛ nyin kɛŋɔ he ɛ wejerema wedɛɛɡa ɛɛ bɔr, asɛ dɛ ɛ nɛra haa wola wobɛlbwa jemɛ wechɔɡa ɛɛ be pera.


Anomanta, yabala, waa dawɛ ya nɛ, ya di kem, kɛ ya nɛwɛnyini mar nɔ wechɔɡa aa suu nɔ kem laa ya di á ɛ kɛŋɔ yaa teŋɛ o nɛɛ,


Anomanta, nɛn dɛ bol waa maa a mun no aa, dɛ n berɛ deŋnebire te naate be. Dɛ o ɡe aa n kon no aa, o ɡe berɛ deŋnebire te n be.


Dɛ ɡɛ laa aa, he dɛ jam Korowii he lileo ne naa, ɛrɛɛ naate waa wola yarada dɛ ɛ nɛmpɛɛ la ɛɛ ba ɛɛ dɛ́ no a mun dɛ́ sɛh he nyoa ŋɔ “Aamen” dɛ́ teŋɛ waa haa jaamo a waa la ta nɔ? Waa won no waa haa dɛ bol la mun.


Yaa dɛ bol waa nɔ, yaa nɛwɛnyini wejema ta cheɡɛ dɛɛ bola. Korowii Domadɛɛɡe laanee dɛɛ baɡle yaa waa yaa bol. Anɔ la waa bol la, anee ya ɡe kpɔ dɛɛ baɡle o wa.


He bɛ he te dɛɛ neɡre. Dɛ he bini bɛl lole dɛɛ lii kɛŋɔ o dɔ harɛ nɔ ta wejema aa, ó ɛ o te ɡɛne ásɛ dɛ dɔ Korowii wejema tenten.


Yanee bamewa ya kpɔ ya te maɡɛ nɛra baa dɛ lii ba te nɛnjena ɔ? Yaa ya nyu kpɔe dɛɛ bɔ ba. Ba yon nyiŋi ba bala we-ɛɛla dɛ kpɔ maɡɛ ba kwaa dɛ ŋɔ ba kwaa toɡrɔ. Ba ɡɛnɔ te!


Haa jemɛ waa kohona nomanta, he dɛ lawɛ bambile, dɛ kpɔ silɛɛ dɛɛ no ɡɛna be.


Anomanta, nɛra Korowii aa ɡela ba do ɡɛ dofale nɔ la, ba ta dɔe kɛ ba peɡri dɔŋa bini kpa kɛŋɔ onɔ ɛ Juu te kɛɛ onɔ nɔ ta Juu te ɛɛ nɔ. Nɛra bini peɡra toole kpa, kɛŋɔ onɔ teŋe o pen, kɛɛ onɔ nɔ ta o pen teŋe nɔ. Hɔɔh kɛɛ daamun te kɛɛ yom kɛɛ nɛn waa dɔ o te toole kpa, ba bwa ɛ beŋkpoŋ. Yeesu Kristo ɡbo waa hiah o nɛra.


Anomanta, n koh nɛra Korowii aa lee ba la waa dɛ lawɛ bambile wobɛlbwa ta, ásɛ Yeesu Kristo lɛ ba ɡe, dɛ berɛ tɛɛ ba jirima aa wola jaɡa dɔe bwa.


Ya ɡbabir fa ɡɛnɔ. Ya fa ɛ deŋnekpeɡ tena. Ba fa neɡre yaa, pɛlchɔɡa bwa soo siwi ne bodia kpɔ yaa berɛ yoma. Meesɔɔh ne bɔweela bwa nee ya faa so. Nɛra fa hah yaa, ya ɡe hah dɔŋa.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ