Faelemɔn 1:14 - mzwDBL

¹⁴ Kɛ maa nyin n ɛ wobɛlbwa dɛ́ le he habɔɔ dɛ n ta he be ŋɔe, ásɛ a ba ɛ kɛŋɔ n dɛ di kpeɡri he nɛ. N dɛ nyin kɛŋɔ wedɛɛɡe haa ɛ la le he ɡbabir bambile bini.

Faelemɔn 1:14 ပူးပေါင်းရင်းမြစ်များ

1 Webena 29:17

N jemɔ kɛŋɔ bambile binii hɛɛ nyiŋi, he sie ɛɛ lɛ nɛra ba wa aa toɡra ta. Anɔ bwa, n ta n bambile dɛ kpɔ tɛɛ. N berɔ na silɛɛ he nɛra baa lɔ bonɔ ɡe aa dɔa, dɛ le ba bambile ta, dɛ kpɔ kwaa ba tɛɛ.

Yela 110:3

Awola haa yo he dɔma la, he nɛra ɛɛ sɛoh dɛ́ ba teŋɛ he nɛ. He bonɔɔna ɛɛ leo ba he be kɛŋɔ chɔɔlen mɛn ken, he bwe waa do ɡoroŋ la ta.

1 Kɔrent 9:17

Dɛ n tetoora nee mɛɛ ɛa aa, a fe maɡrɔ kɛ n fe ɛɛ lɛ a kembɔr. Kɛ Korowiirii kpɔ o Amanesoma la do n nɔn ta ŋɔ ń bol nɛra be. Anomanta, n ɡbaɡba tetoora laa mɛɛ ɛa.

1 Kɔrent 9:7

Dɛ he ɛ sooja dɛɛ kaa laa laa, toma la ta laa hɛɛ di aa? He parɛ koo aa, haa koo la kondikwaa di aa? Nateɡre besoo wola o nae elnee nyɔɔ?

2 Kɔrent 1:24

Kpeɡri laa yaa baɡle heyaa he Korowii yaradae ta. Yaa ɡɛ lii kwaraa. Ya jemɔ kɛ he cheɡɔ kiŋkiŋ he yarada ta. Ya dɛ nyin kɛ ya cha heyaa ásɛ he sie lɛ.

2 Kɔrent 8:12

Dɛ he bambile lawɔ kɛ hɛɛ tɛ suuɡaa yaa, ɡɛ bwa haa dɔa dɛ tɛ la, aa su Korowii siwii. Waa ŋɔ hé tɛ ɡwaa ɡɛ haa dɔa.

2 Kɔrent 9:5

A waa n na kɛŋɔ a chɛ kɛ n soŋe yabala nɔ ásɛ ba tɔ sie n nɛɛ dɛ́ ba he be, dɛ́ ba lɛ koŋkɛɛla la haa ŋɔa hɛɛ tɛo la bwa cheɡ, ásɛ ya ne bala la, dɛ a bwa chemo, ásɛ a baɡle kɛ nyinaa hɛɛ nyin dɛ tɛ, lao laa.

2 Kɔrent 9:7

Anomanta, bɛ́lbwa tɛ ɡɛ aa maɡra o bambile ta. Bɛlbwa nao kɛŋɔ o tɛo aa we o nɛɛ yaa, ó ɡel tɛɛ. Bɛl dɛ lii kɛ doe ba doo ŋɔ o tɛ aa, ó ɡel, dɛkalkɛŋɔ nomɛlbwa waa dɛ tɛ kwaa bambile bwa ne la, Korowii sie dɛ lɛ o nɛ.