Faelemɔn 1:10 - mzwDBL

¹⁰ He nɛndɔɔle Onisemɔs waa ɛ n bie Yeesu Kristo be pera la naa taa n che dɛɛ soŋe waa nɔ. Gɛ saŋ baa do mɛ dea la taa n bol Yeesu waa baɡlo o kpɔ o te tɛo.

Faelemɔn 1:10 ပူးပေါင်းရင်းမြစ်များ

2 Samoɛl 18:5

Kooro berɔ ŋɔ Joab ne Abisae dɛ Itai be ŋɔ, “Hé koh n waa dɛ́ nyiŋi Absalɔm kɛrɛdɛ.” Asɛ laa tena la bwa no kooro waa waa kpɔa tɛ nomonome la.

Amanesoma Mak Aa Chwera Tɔn 9:17

Baa bɛl le nɛra la bini dɛ ŋɔ, “Nomoa, kwaa dɛ ir n bie nɛɛ dɛ ɡel waa won waa bol, asɛ n kpɔɔ ba he be.

Tɔn Pɔɔl Aa Chwerɛ Rom Tena 12:1

Anomanta, yabala, n dɛ soŋe heya. Hé nyiŋi Korowii suna waa sune ya nɛɛ la dɛ́ kpɔ he te tɛo. Gɛ baa kpɔ kondɛɛɡa aa chɛ Korowii dɛɛ su o siwi dɛ kpo dɛ ɛ saraha tɛo dɛɛ tomɔ la, hé ɡe kpɔ he te kɛŋɔ ɡɛ saraha la, dɛ́ laa doŋa bɛlbwa kpɔ he nɛɛ dɛɛ tomɔ he bokpeɡa ne. Gɛɛ a chɛ kɛ hɛɛ tomɛ Korowii.

1 Kɔrent 4:14

N ta ɡɛ waa nɔ chwerɛ ba tɛ heyaa dɛ́ ɡel sihiih kpo heya, kɛ jae mɛɛ ja heya, haa ɛ n bidɛɛɡa maa dɛ nyin heyaa la nomanta.

1 Kɔrent 4:15

Dɛ he dɔ nɛra ba warɛ pirim, dɛ won cha heyaa Yeesu Kristo ŋwɛnɛ ta naa, n ɡboo ta he mɛɛ. Menee tɔ sie bol Amanesoma la he be. A taa n che ɛ he mɛɛ Yeesu Kristo waa ta.

Galaasia 4:19

N bii maa lolɛ heyaa Yeesu Kristo waa ta, he ta he da charɛ dɛ do kɛ Yeesu Kristo aa, he ɡelɔ n tea berɛ dɛɛ wee mɛ kɛ lol tea aa dɛ we haah la.

Kolosi 4:9

O ne ya dɔŋ Onisemɔs o wa aa dɔ kasinteŋ yaa nyinu la bwaa mɛɛ tomɛ, ásɛ ba ba bol waa aa dɛ chiɡ bonɔ bwa he be. Onisemɔs te ɛ he bwɛɛ te.

1 Timoti 1:2

N bie Timotii n chwerɛ tɔn nɔ dɛɛ tɛ. Menee bol Korowii Waa he no dɛ yarada, dɛ berɛ n bie a ta la. Ń Naa Korowii ne ya Dɔɔ Yeesu Kristo chae dɛ́ na he sum, dɛ́ tɛɛ bosɔɔhna.

Taetos 1:4

N bie Taetos, henee n chwerɛ tɔn nɔ dɛɛ tɛ. Waa ya bwa aa dɛ yarada la taa a che he ɛ n bie tenten. Ń Naa Korowii ne ya Lɛɛ Yeesu Kristo chae dɛ́ tɛɛ bosɔɔhna.

Faelemɔn 1:11

Wubwa la dɛ o ta tɔnɔ dɔe tɛɛ, kɛ taraken te o dɔ tɔnɔ tɛ ya bwa.

Faelemɔn 1:13

N fe dɛ nyin kɛ o do n be bonɔ, dɛ́ che he naa ta dɛɛ cha mɛ n dea doe nɔ baa koh Amanesoma la waa dɛ do mɛ nɔ ta.

3 Jɔn 1:4

Saŋ bɛlbwa maa no n bii waa kɛŋɔ ba dɛ teŋɛ kasinteŋ la ta la, n baah dɛ sɔɔh mɛ ɡwaa komɛlbwa.