Obadia 1:7 - mzwDBL

⁷ Nɛra he ne baa fɔwɛ fɔo ɛɛ le he ne he harɛ taa. Baa neɡre heyaa, dɛ́ pɔ he nɛ. Daamanar he ne baa pɛ nɔn di kwaa ɛɛ harɛ heyaa belii haa wola jemɛ.”

Obadia 1:7 ပူးပေါင်းရင်းမြစ်များ

Yela 41:10

N Naa Korowii, na n sum, laɡ mɛ ir, ásɛ n bɔ n dɔma kem, waa baa ɛɛ mɛ la wa.

Yela 41:9

Hale n dansom maa dɛ hwɛɡɛ o nɛ, nɛn n ne waa pɛ nɔn dɛɛ di kwaa la, ɛ n dɔm.

Aesaya 27:11

Dɛ a holaa, a kuuɡo dɛɛ lee, ásɛ haahna yon ba paa kaa mar. Israel tena aa waa mun no. Anomanta, Korowii tea aa ba nɛɛ domɛ. Onee ta ba, kɛ waa ba sum na.

Jeremia 20:10

N dɛ no nɛra bwa aa dɛ ŋwalɛ ŋɔ, “Ɔmee kohona bar yaa cheme! Hé ɡel ya kpɔ o waa ka bil nomonome sie.” N daamanar ɡba dɛ nyin n harɛ lɔe, dɛɛ ŋɔ, “Nomɛl ken ɛɛ won neɡro, ásɛ ya won lawɔ, dɛ́ bɔ ya kem.”

Jeremia 30:14

He daamanar bwa soh he wa, bɛlbwa toole dɛɛ nyiŋi heyaa kɛrɛdɛ kpa. N baa yo heya kɛ he dɔm, dɛ tɛr he deŋne kohona, dɛkalkɛ he wechɔɡa ne he nyubinikpeɡ kan kɛrɛdɛ.

Jeremia 38:22

haahna la bwa baa kaa dɛ do Juda kooro dem bela la, baa laɡ baa le bela ka tɛ Babelɔn kooro nomonome. A ɡɛ haahna la ɛɛ bol he bee ŋɔ, ‘Kooro daamanar tenten neɡro, ba waa tɔɔɡe o waa ta. Taraken o nakpale aa morɛ kpechɛɡre ta nɔ, o daamanar chwao ɡelo.’ ”

Jeremia 4:30

Jerusalam, he harɛ bwa chɔɡɔ, he do kɛ hanjwamane dɛ do tol-laala, dɛ kpɔ suuɡaswɛm baŋa kwaa ne deŋna kwaa do. Bɔkwaa dɔ kwaa kpɔe ɛ he siebɔr dɛ́ di toli ɔ? He kpɔ kondɛɛɡa dɛɛ kwaa he te pɛɛpɛɛ, he sɛnanar bwa vɛɛh hale dɛɛ nyini dɛ́ kpo.

Jeremia 49:7

Gɛ Koranar Bwa Kooro aa dɛ bol Edom tena wa laanee nɔ. “Wejerema toole Teman waa lɔ Edom harɛ ta kpa aa? Nɛra toole dɛ́ won ja nɛra kpa kɛɛ? Ba wejema bwa ɛ pɛɛpɛɛ aa?

Wiile 1:19

N yerɛ harɛre nɛra n ne ba nyoa aa pɛa, kɛ ba vɛh n chae. Nomonome ne sɔfore serewɔ chɔ bwɛjen la fɔɡbaahna, kondikwaa baa ka soŋe di dɛ́ won so la wa.

Hosia 13:13

Ba nyu som kɛ baa dɔ bɔr dɛ́ so, kɛ dɛ ɡɛn dɛ vɛh waa la. Ba do kɛ bechala baa dɛ ba o lola waa wola bala nyin.

Hosia 7:11

Israel tena ta liire dɔe, ba do kɛŋɔ kweah waa ira, dɛ la dɛɛ ba waa wola sobɔr dɔe. Ba tɔ sie yerɛ Ijipt tena ŋɔ bá cha ba, dɛ berɛ chwa la Asiiria tena be.

Amanesoma Jɔn Aa Chwera Tɔn 13:18

He bwa waa laa mɛɛ bol, dɛkalkɛŋɔ n jemɛ banɔ la maa lee ba. Anɔ ɡelɔ waa baa chwera Korowii Tɔn bini la ɛ kasinteŋ kɛŋɔ, ‘N dansom n ne waa pɛ nɔn di kondikwaa la, onee ɛɛ mɛ dɔm.’