Obadia 1:19 - mzwDBL

¹⁹ Nɛra baa soɡa bɛne Nɛɡɛv pua hɛŋle ɡbo harɛ ta ɛɛ ba so Edom harɛ bwejaŋa doree, ásɛ banɔ la baa le deŋɡarere lɔɡre ba lɛ Filisti tena harɛ so. Israel tena ɛɛ ba so Efrem ne Samaria harɛre taa, ásɛ Bɛnjamen dea bii ɡe ba lɛ Gelead harɛ so.

Obadia 1:19 ပူးပေါင်းရင်းမြစ်များ

Emɔs 9:12

Israel tena ɛɛ ka yo nɛra baa ka Edom harɛ taa, dɛ́ pɔ ba nɛ, ásɛ harɛre ta nɛra ba fa aa ɛ n nɛra la jemɛ kɛ menee ɡela a ba ɡɛ. Men Korowiirii bola.”

Jeremia 32:44

Nɛra ɛɛ yawaa, ásɛ ba ɛ a tɔne dɛ́ ɛɡre nɔɔra dɛ́ lɛa do, ásɛ nɛra di a danseɛ. A ɡɛ waa nɔ, Bɛnjamen dea harɛ ne bwɛɛre aa bar Jerusalam ne Juda harɛ ta dɛ deŋɡarere harɛ bwɛɛre, ne Juda bwejena lɔɡre bwɛɛre bwa, dɛ́ kpoŋe kaa Nɛɡɛv waa ɛ pua hɛŋle ɡbo harɛ taa aa ba chiɡa. Mɛɛ laɡ baa ba ba harɛ ta. Men Korowiirii bola.’ ”

Ɛsekeɛl 36:28

Harɛ maa kpɔa tɛ he naawa laanee n berɛ dɛɛ ba kpɔe tɛ heyaa hé so o ta, ásɛ he ɛ n nɛra, ń ɡe ɛ Korowii haa dɛ tom mɛ.

Maeka 7:14

Ya Naa Korowii, nyiŋi he nɛra nɛɛ kɛŋɔ peteɡre aa dɛ nyiŋi peera, nɛra haa lee ba tɛ he te la. Ya do kɛ peera aa pere a te, dɛ ka do kpɔɡbaah dɛɛ di. Gel he nɛra ka do harɛpare ondɛɛɡe kɛŋɔ Basan ne Gelead ta, dɛɛ di kɛ saŋ la.

Emɔs 1:13

Korowii ŋɔ, “Amɔn tena teŋɔ dɛɛ ɛ wechɔɡa, a chɛ kɛ ń tɛr ba deŋne. Ba yo laa dɛɛ nyin ba harɛ do kan, anomanta, ba kpoo Gelead tekpoŋra, dɛ ya ba teene.

Emɔs 1:8

Mɛɛ ir koranar baa lɔ bwɛjena Asdɔd ne Askɛlɔn kora taa. Mɛɛ tɛr bwɛjen Ekron tena deŋnee, ásɛ Filisti tena baa kaa la bwa serewe. Men Nemenɛ Korowiirii bola.”

Ɛsekeɛl 25:16

Anomanta, n ŋɔ mɛɛ ka yo Filisti tenaa dɛ́ kpoo ba bwa le harɛ la ta. N dɛ ba nɛra baa kaa dɛ so mpo nyoa la bwa chɔɡa.

Jeremia 49:1

Gɛ Korowii aa bol Amɔn tena waa laanee nɔ. “Baala toole Israel harɛ ta kpa, dɛ́ kpɔ harɛ la ɛ ba kapɛrɛ kon kɛɛ? Ɛrɛɛ nɛra baa dɛ tomɛ voɡ Molɛk berɛ ba lɛ Gad dea harɛ dɛ so o ta nɔɔ?

Yela 69:35

Korowii ɛɛ lɛ Jerusalam tenaa, dɛ́ berɛ kwaa ma Juda harɛ bwɛjena, ásɛ o nɛra berɛ ka kpɔ harɛ la, dɛ́ so o ta.

Ɛsra 4:17

Ate, koojen la chaŋe ŋɔ, “Tɔn nɔ dɛ ba Rehum waa ɛ nomoa dɛɛ nyiŋi harɛ la bampera, ne Simsai waa ɛ karake dɛ chwerɛ waa dɛɛ bil, dɛ nɛra baa ja ba nɛ, dɛ so bwɛjen Samaria ne Yufretis Moo wee cholibɔr baŋ pera bobɛlbwa kɛŋɔ, n dɛ na ba.

Ɛsra 4:2

Anomanta, ba ba Sɛrobabɛl ne deene nomonnyuune la be ŋɔ, “Hé ɡel ya ba cha heya Korowii Dea nɔ toma ta, dɛkalkɛŋɔ Korowii beŋkpoŋ nɔɔ ya bwa ɛɛ tomɛ, dɛ ɛ saraha dɛɛ tɛo dɛ le saŋ Asiiria koojen Esaahadon aa ba ya ne bonɔ ba so bwa.”

1 Webena 5:26

Anomanta, Korowii Israel tena aa dɛ tomɔ ɡelɔ Asiiria koojen Pul baa bera dɛɛ yerɔ Tiɡlat Pilesa ka yoo ba, dɛ lawɛ Rubin ne Gad dea, dɛ Manasɛ dea pera tena bwa laa ta kaa harɛfale ta. O kaa bane Hala ne Habɔ ne Hara dɛ Gosan Moo ta. Ba lɔ bela dɛ ba le fini.

2 Koranar 17:24

Asiiria koojen kpɔ nɛra le Babelɔn harɛ bwɛjena ane baa dɛ yera Kuta ne Ava ne Hamat dɛ Sefavaim, dɛ kpɔ ba ka so Samaria bwɛjena ta, Israel tena baa laɡ ba laa ta kaa la buɡ ta. Ba kpɔ bela berɛ ba bwɛjena dɛ so bela.

Josua 15:33

Bwɛjena aa lɔ deŋɡarere lɔɡre wee cholibɔr la ɡee Ɛstaol ne Sora dɛ Aasna,

Josua 15:21

Bwɛjena aa lɔ weekaŋle harɛbɔr dɛ ɛ ba kapɛrɛ kwa, dɛ bɛne Edom jwɛh ta laanee Kabseel ne Ida dɛ Jaɡur,

Josua 13:31

ne Gelead harɛ pera ne bwɛjena Astarɔt dɛ Edrei jao, a bwa ɛ Basan harɛ Kooro Ɔɡ koobwɛjena. Anɔɔ ɛ Makir bibaa Manasɛ naanar bwɛjena baa dɔa.

Josua 13:25

Jasa ne Gelead bwɛjena bwa, ne Amɔn tena harɛ la pera, dɛ́ kpoŋe kaa Arowa waa lɔ bwɛjen Raba wee leebɔr,

Nɛra Kura 1:32

Josef bibaala ɡe bini, Efrem naanaree, baala baa dɔ bene fifraanɛ ne a habɔɔ, dɛ́ won la laa laanee ba chwerɛ ba sɔna beŋkpoŋa beŋkpoŋa, dɛ le ba deene ne ba lolanar tɔne bini.