Obadia 1:14 - mzwDBL

¹⁴ A ta chɛɛ kɛŋɔ he ka che ŋwɛnɛ chɛchɛre ta lawɛ banɔ la baa dɔ bɔr chwa le dɛɛ kaa la. A ta chɛ kɛ he kpɔ ba ka do ba dɔma nɔn ta ba sibeɡra tɔpere wee.

Obadia 1:14 ပူးပေါင်းရင်းမြစ်များ

Mumpar 35:3

Ya dɛ ba bonɔ ira dɛ́ kaa Bɛtel ka so. Mɛɛ ɛ kon baa dɛ ɛ saraha o taa dɛɛ tɛ Korowii waa cha mɛ ɡɛ saŋ waa puu mɛ dɛ ja n nɛɛ bobɛlbwa maa laŋa la.”

Yela 31:8

He ta ɡelɛ n dɔma dɔɔ mɛ, he kpɔ n naa cheɡ bodɛɛɡe.

Aesaya 16:3

Ba ŋɔ Juda harɛ nɛra be ŋɔ, “Hé ja yaa, hé baɡle yaa ɡɛ yaa ɛ. Hé ɡel ya so he lɔɡa, hé chunchuli tɔ ya nɛ. Hé kpɔ yaa sɔh, he bɛ yaa le tɛ nɛra baa dɛ yo yaa nɔ.

Aesaya 16:4

Hé ɡel ya Moab tena baa doŋi yaa ya ba marɛ nɔ dɔ sobɔr he harɛ ta. Hé tɔ yaa ɡbemɡbe, he bɛ ɡel ya dɔma dɔ yaa.” Wahala ɛɛ tonɔɔ, nɛŋkpoa ba a jaɡa, ásɛ nɛra baa dɛ vuuɡi harɛ la bwa ɡe le o ta.

Aesaya 37:3

Waa waa kpɔa tɛ ŋɔ ba ka ŋɔ Aesaya be laanee kɛŋɔ, “Wahala ne deŋnetɛra ne sihiih tɔperee fini. Ya do kɛŋɔ haah loltea aa lɔɔ o ɡwɛɡre waa wola won lolɛ la ken.

Jeremia 30:7

Tɔpechɔɡe bɛl dɛ ba, baa won kpɔ tɔpere bɛlbwa maɡɔ. Wɛɛ ɛ suna dii tɔperee tɛ Jekɔb naanar, kɛ ane a bwa, baa le a nyoaa.”

Emɔs 1:6

Korowii berɔ ŋɔ, “Gasa tena teŋɔ dɛɛ ɛ wechɔɡa, a chɛ kɛ ń tɛr ba deŋne. Ba lawɛ harɛbir nɛra laa ta, dɛ ka yoɡ ba yoma tɛ Edom tena.

Emɔs 1:9

Korowii berɔ ŋɔ, “Taaya tena teŋɔ dɛɛ ɛ wechɔɡa, a chɛ kɛ ń tɛr ba deŋne. Ba lawɛ harɛbir nɛra laa ta kaa bojaŋ Edom harɛ ta, ba ta beŋkpoŋri fɔo ba ne baa fɔwa la ta teŋɛ.

Obadia 1:12

A fe ta chɛɛ kɛ he sie lɛ he lolanar baa lɔ Juda harɛ wenaale wa. A ta chɛɛ kɛ he hɛɡre ba chɔɡa wa, kɛɛ dɛ mam ba ba sibeɡra tɔpere wee.

Matiu 22:9

Name te hé le kaa fɔɡbaahna, dɛ́ ka yerɛ nɛra haa na ba la bwa ba hanfale kondikwaa la mun.’