Obadia 1:11 - mzwDBL

¹¹ Awola Jekɔb naanar dɔma aa lɔa ka tɔ Jerusalam tena nɛɛ la, he Edom tena cheɡɔ nyiŋi ba pa ba kondɔɔh bɔne dɔŋa. He ɡe ɛ nɛnchɔɡa kɛ ban.

Obadia 1:11 ပူးပေါင်းရင်းမြစ်များ

2 Koranar 25:11

Laa sitɔɔ Nebusaradan lawɛ nɛra baa ka bwɛjen la ta, ne tom-ɛɛra, dɛ banɔ la baa le Kooro Sedekia habɔɔ, dɛ ka teŋɛ Kooro Nebukadnesa nɛɛ la bwa kaa Babelɔn harɛ ta.

Yela 137:7

N Naa Korowii, lii waa Edom tena aa ɛa awola Babelɔn tena aa pɔ Jerusalam tena nɛɛ la. Ba do lɔŋɔre ŋɔ, “Hé kuuɡu, ó bwa chɔ harɛ.”

Yela 50:18

He na ŋwɛɛ bɛlbwa naa, he kpɔɔ dɛɛ berɛ he dam, he ne nɛra baa dɛ bɔ jwamanee dɛɛ valɛ.

Yela 83:5

Ba nyoa pɛo baa vɔrɔwe he vɔrɔwa. Nɛra baa kpɔ ba te dɛɛ ba ba yoi laanee nɔ,

Yela 83:6

Edom ne Ismael tena, ne Moab dɛ Haɡri tena,

Ɛsekeɛl 35:10

Menee Juda ne Israel harɛre nɛra ɛɛ tomɛ, kɛ he Edom tena ŋɔ hɛɛ ka kpɔ harɛ laanee ɛ he kon.

Joel 3:3

Ba ta bie n nɛra nɛ, dɛ́ jemɛ nɛra baa dɔ bá ɛ ba yoma, ba yoɡ ba bibaala ne bihaahna, dɛ kpɔ ba suuɡa bɔ hanjwamanere ne sen kem.

Emɔs 1:6

Korowii berɔ ŋɔ, “Gasa tena teŋɔ dɛɛ ɛ wechɔɡa, a chɛ kɛ ń tɛr ba deŋne. Ba lawɛ harɛbir nɛra laa ta, dɛ ka yoɡ ba yoma tɛ Edom tena.

Emɔs 1:9

Korowii berɔ ŋɔ, “Taaya tena teŋɔ dɛɛ ɛ wechɔɡa, a chɛ kɛ ń tɛr ba deŋne. Ba lawɛ harɛbir nɛra laa ta kaa bojaŋ Edom harɛ ta, ba ta beŋkpoŋri fɔo ba ne baa fɔwa la ta teŋɛ.

Neehum 3:10

Kɛ ba wono ba yo he nɛra, dɛ laɡ ba kaa harɛfale bɛl ta. Ba lawɛ bechale dɛ kpɔ ba cha harɛ ba bini toɡri chɔ fɔɡbaahna. Ba lawɛ nomonjena dɛ bil daa ba nyuune ta, dɛ kpɔ jɔɡrɔre do sitɔɔla.

Sefania 2:10

Anɔɔ dɛ́ ɛ kembɔr tɛ Moab ne Amɔn tena, mbarafo ne chɛɡra dɛ bammuɡli waa baa kpɔa ɛ Koranar Bwa Kooro nɛra la wa.