Nɛra Kura 9:15 - mzwDBL

¹⁵ Awola tɔpere baa tonɛ Korowii Tɛnte Dea waa ɛ o Dea Cheremibɔr dɛ cheɡ o koŋkwaa bwa la, bam baa tɔ o bwa. Dɛ o baa tɔ le jɔmɔra ka tel tɔɔ aa pera chɔɔbɔr aa, dɛ o do kɛŋɔ nii ken.

Nɛra Kura 9:15 ပူးပေါင်းရင်းမြစ်များ

Kaala 13:21

Korowii kpɔ bam bɛl waa do jaŋne kaa nyundua ba tɔ ba sie webaŋa wɛɛ chaɡ ba ŋwɛnɛ, asɛ jwaana ɡe o kpɔ nii waa tɛra kaa nyundua tɔ ba sie wɛɛ chaah ba won vala. Gɛɛ a ɛ ba won webaŋa ne jwaana bwa vala.

Kaala 40:34

Belaa bam la ba tɔ Korowii Dea Cheremibɔr la bwa, asɛ Korowii jirima su o Tɛnte Dea la bini.

Yela 78:14

O cheɡɛ bam waa do jaŋne kaa nyundua ta, dɛ tɔ ba sie webaŋa, asɛ jwaana bwa ɡe, o kpɔ nii waa tɛra kaa nyundua tɔ ba sie wɛɛ chaah ba ba won vala.

Nehemia 9:19

Kɛ he ta ban ɡelɛ pua hɛŋle ɡbo harɛ ta bela, dɛkalkɛ tedoma haa dɔa tɛ nɛra kan kohona. He ta bam kɛɛ nii waa tɔ ba sie dɛɛ baɡ ba ŋwɛnɛ webaŋa ne jwaana laa kpɔ.

1 Kɔrent 10:1

Yabala, n dɛ nyin kɛ ń lii heya, ya naawa bwa nɛɛ Korowii bam la faa tɔ. Moo la aa teŋa la, ba bwaa kpɔ o baah kaa.

Aesaya 4:5

Korowii ɛɛ ɡeloo ninchuu ɛ kɛŋɔ baama, dɛ́ ba tɔ Saayɔn Bwejen ne nɛra baa lɔ o ta nɛ webaŋa, dɛ́ berɛ ɡel nii ɡe tɔ ba nɛɛ dɛɛ chaah ba jwaana á ɛ kɛŋɔ chunchule, dɛ́ tɔ bwɛɛ la jirima bwa ta,

Yela 105:39

Korowii ɡelɔ bam bɛl waa do jaŋne kaa nyundua tɔ Israel tena sie, dɛɛ baɡ ba ŋwɛnɛ, asɛ nii waa tɛra kaa nyundua ɡe tɔ ba sie jwaana, dɛɛ chaah ba ba vala bini.

Nehemia 9:12

He cheɡɛ bam waa do jaŋne kaa nyundua tɔ ba sie webaŋa, jwaana ɡe, he kpɔ nii waa tɛra kaa nyundua tɔ ba sie wɛɛ chaah ba won vala.

Nɛra Kura 14:14

A ba ɡɛ naa, baa boloo baɡle nɛra baa soɡe harɛ nɔ ta bá ɡe jemɛ a wa. Ba noɔ wubwa dɛ jemɛ kɛŋɔ he cheɡɛ ba habɔɔ he ne ba bol wa, he bam tɔ ba nɛɛ baa valɛ. He tɔ ba sie webaŋa bam waa do jaŋne kaa nyundua bini, asɛ dɛ bɔr joɔ ɡe aa, o yon berɛ nii tɔ ba sie.

Kaala 40:38

Israel tena vala bwa bini la, Korowii bam la dɛ do Korowii Tɛnte Dea la nyundua baa nao, asɛ jwaana ɡe o do kɛŋɔ nii.

Kaala 40:2

“Baŋre n Tɛnte Dea waa ɛ n Dea Cheremibɔr la, korobiloɡle tɔpere waa tɔ sie la ta.

Kaala 14:24

Aa baa ka tama bɔr chaah la, Korowii cheɡɛ bam waa do jaŋne kaa nyundua la ne nii waa tɛra kaa nyundua la ta dɛ nyiŋi Ijipt laa tena dɛ chɔɡ ba liire.

Kaala 13:22

Bam la teŋɔ dɛɛ tɔ ba sie webaŋa, asɛ nii la ɡe teŋɛ dɛɛ chaah ba bɔr jwaana.

Nɛra Kura 10:34

Tɔɔ perɔ ba ir dɛɛ kaa bofale aa, bam la dɛ tɔ ba nɛɛ baa ɡaaɡe.

Nɛra Kura 17:7

Ate, Mosis pa ka teɡli Korowii Tɛnte Dea, O Ne Nɛwɛnyina Fɔo Daka la sie.

Mmarare 1:33

Onee tɔ he sie he vala bini, dɛ kpɔ nii dɛɛ tɔ he sie jwaana, dɛ kpɔ bam ɡe dɛɛ tɔ he sie webaŋa, dɛ nyin bela haa dɛɛ chɔ, dɛ baɡle heyaa ŋwɛnɛ haa kpɔ o ta.

Kaala 40:35

Bam la aa tɔ bela Korowii jirima aa su o bwa nomanta, Mosis ta wone jo bela.