Nɛra Kura 9:14 - mzwDBL

¹⁴ Dɛ hɔɔh bɛl soɡe he bini dɛɛ nyin kɛ o ɡe di tɔpejen la aa, hé tɛo ŋwɛnɛ. Kɛ hé ɡel o teŋɛ a ŋwɛnɛre ne a we-ɛɛla la bwa ta. A chɛ kɛ wesiwi beŋkpoŋ chɔ tɛ hɔɔhra ne Israel tena bwa.”

Nɛra Kura 9:14 ပူးပေါင်းရင်းမြစ်များ

Lewi Dea Tena 24:22

Mmara beŋkpoŋii chɛ kɛ ó chɔ le tɛ deela ne hɔɔhra bwa. Menee Korowii haa dɛ tom mɛ la.’ ”

Mmarare 31:12

Gel harɛ la ta baala, ne haahna, ne bechale dɛ hɔɔhra baa lɔ he bwɛɛre la ta bwa cheme dɛ́ no, dɛ́ hweli Korowii duura, dɛɛ teŋɛ o webaɡla ta kɛrɛdɛ.

Mmarare 29:11

ne haahna, ne bechale dɛ hɔɔhra he ne baa soɡa ba che daa ne nee dɛɛ tɛ heyaa bwa,

Lewi Dea Tena 25:15

Dɛ he dɛ yoɡ harɛ kɛɛ dɛ yawɛ dɛɛ le he dɔŋ be naa, nyiŋi bene haa dɔa dɛ́ kpɔ parɛ harɛ la mɔɔ dɛ́ di o yoɡ. Gɛ del haa parɛ la taa chɛ kɛ hé nyiŋi dɛ́ yawɛ.

Lewi Dea Tena 22:25

He bɛ ɡɛ kondɛɛre nɔ bɛlbwa lɛ le nɛŋhɔɔh be ba ɛ saraha tɛ men Korowii haa dɛ tom mɛ. Waa were dɛɛ su men Korowii siwi kɛ ń lɛo, o bobɛl aa di kirihiah la nomanta.”

Lewi Dea Tena 19:10

Hɛ́ɛ berɛ he daa kooni nɔna aa ka mun lee kɛɛ a taa ka daa ta la ta dalwe dɛ́ tɔɔra. Hé ɡela tɛ nɛŋhɔɔhra ne nyaara he ne baa soɡa la. Menee Korowii haa dɛ tom mɛ la.

Kaala 12:43

Belaa Korowii ŋɔ Mosis ne Arɔn be ŋɔ, “Ŋwɛnɛre haa kpɔ a ta di Galekaa kondikwa laanee nɔ. A ta chɛ kɛŋɔ hɔɔh dia.

Kaala 12:47

Israel tena bwaa chɛ kɛ bá di a ɡɛ tɔpere nɔ.

Nɛra Kura 15:15

Wesiwi beŋkpoŋii chɛ kɛ á chɔ le tɛ Israel tena ne hɔɔhra bwa. Gɛ waa nɔ chɔ le saŋ te bɛlbwa, dɛ tɛ he naanar baa ka ba bwa. He ne hɔɔhra la bwa ɛ nɛmbeŋkpoŋ men Korowii sie.

Nɛra Kura 15:16

A ɡɛ Mmara nɔ chɔ le tɛ he ne hɔɔhra baa soɡe he bini la bwa.”

Ɛsra 6:21

Anomanta, Israel tena baa le bojaŋ harɛ ta dɛ ba la, ne nɛra baa pere ba te le waa nɛra baa wola Korowii tomɛ aa dɛ ɛa nɛɛ, dɛ so harɛ la ta bwa pɛo, dɛ ba tomɛ Korowii Israel tena aa dɛ tomɔ, dɛ di Galekaa Tɔpejen kondikwaa la.