Nɛra Kura 9:13 - mzwDBL

¹³ Dɛ nomɛlbwa ta doŋa kaeh, o ta bobɛlbwa ɡe kaalɛ dɛ saah vɛh tɔpejen la dii yaa, baa naatee kure ja n nɛra nɛɛ kpa, dɛkalkɛŋɔ o ta o saraha kwaa kpɔe ba tɛ men Korowii a saŋ ta. Naate nyin waa dawɛ o nɛ, dɛ chɛ deŋnetɛra.

Nɛra Kura 9:13 ပူးပေါင်းရင်းမြစ်များ

Mumpar 17:14

Bɛlbwa waa wola o pen teŋe la ta n nɛra nɛɛ jae kpa, dɛkalkɛŋɔ o ta n fɔo la ta teŋɛ.”

Kaala 12:15

Hé di paanoo iisi aa wola toole a ta tɔpera anuanɛ. Tɔpere waa tɔ sie la, hé laa iisi bɛlbwa kpɔ he deene bini. Nomɛlbwa waa di paanoo iisi aa do o ta a ɡɛ tɔpera nɔ ta la, dɛ o ta n nɛra baa ɛ Israel tena la bini jae kpa.

Kaala 12:19

He bɛ ɡel ba na iisi he deremi tɔpera anuanɛ la ta. Nomɛlbwa wáa di kondikwa iisi do a ta la, bá doŋu le Israel tena bini. Dɛ nɛŋhɔɔh kɛɛ bwɛɛlembiee yoo, bá doŋu.

Kaala 12:47

Israel tena bwaa chɛ kɛ bá di a ɡɛ tɔpere nɔ.

Kaala 30:33

Nomɛlbwa waa ɛ konsɔɔhsoma nɔ siwi, kɛɛ dɛ fuɡe ane do nomɛlbwa waa wola sɔfo ɛɛ nyu ta la, a chɛ kɛŋɔ bá le o ne o nɛra bini.”

Kaala 30:38

Nomɛlbwa waa koah kɛŋɔ a sɔɔh som o be dɛ ɛ a chaa dɛɛ fuah la chɛ kɛŋɔ, bá le o ne o nɛra bini.”

Ɛsekeɛl 23:49

Mɛɛ tɛr he bwa deŋnee he jwamane ne voɡa haa toma la waa, ásɛ he jemɛ kɛŋɔ menee Nemenɛ Korowii.”

Lewi Dea Tena 17:10

Israel te, kɛɛ hɔɔh bɛlbwa waa soɡe he bini dɛɛ di ol chal la, n sie ɛɛ beɡre naate nɛɛ dɛ́ pero le o nɛra bini.

Lewi Dea Tena 17:4

dɛ o ta kpɔe ba n Dea Cheremibɔr la doonyoa, dɛ ba kpo ɛ saraha n sie tɛ mɛ naa, dɛ o fuɡe chal ta dɛ di bolchɔɡe. Maa naate laanee kure ja n nɛra nɛɛ kpa.

Lewi Dea Tena 20:20

Baa bɛlbwa waa lawɛ o naara kɛɛ o mɛnjen kɛɛ mɛnwee haah chɔ la, dɛ o lawɛ o lole la sie teɡɛ harɛ. Haah la ne baa la bwa chɛ deŋnetɛra, ba bɛlbwa ɡe aa bie ba dɔ ka tel ba serewe bena.

Lewi Dea Tena 22:9

Sɔfore bwa chɛ kɛŋɔ bá teŋɛ dɛɛ ɛ anɔ la maa do ba a ta, dɛ bɛ sie laa kpɔ a ta, dɛ́ di bolchɔɡe dɛ́ ba sewɛ. Menee Korowii, menee lee ba cheɡ dɛ ɡel ba do ɡoroŋ.

Lewi Dea Tena 24:15

Berɛ ŋɔ Israel tena be kɛŋɔ, ‘Nomɛlbwa waa taah men Korowii waa dɛ tom mɛ la chɛ kɛ ó dɔ deŋnetɛra.

Nɛra Kura 19:13

Nomɛlbwa waa leɡe nɛn waa sewa dɛ vɛh o doŋa sɔe dɛ ta la kpɔ doŋa kah n Tɛnte Dea la. A ta chɛ kɛ bá kuro ja Israel tena bini. Baa wola nee aa laa nɛn doŋa dɛɛ kpɔ o nɛɛ Tɛnte la ɛɛ merɛ naate nɛɛ nomanta, o kah doŋa. O doŋa ta lɔ o nɛ.

Nɛra Kura 19:20

Dɛ nomɛl kah doŋa dɛ vɛh a sɔe dɛ ta aa, a chɛ kɛŋɔ bá sɔɔ lola, dɛkalkɛŋɔ o kpɔ doŋa kah n Tɛnte Dea la. Ba ta doŋa laa kpɔ o nɛ, o ta kah doŋa.

Nɛra Kura 5:31

Baa la te aa bolchɔɡee di a ɡɛ waa nɔ ta, dɛ haah la di bolchɔɡe aa, o ɡboo dɛ́ dɔ deŋnetɛra o wechɔɡa la wa.”

Nɛra Kura 9:7

dɛ ka ŋɔ, “Ya ta wone di tɔpere la doŋa yaa kaah dɛ le nomɛl aa sewa ya leɡo la wa. Kɛ bɔkwaa dɛɛ tɔ yaa ŋwɛnɛ, ya ne yabala Israel tena la bwa aa wola won pɛ kpɔ ya saraha kwaa saŋ nɔ ta ba tɛ Korowii ɔ?”

Hibru 12:25

Anomanta, hé nyiŋi kɛrɛdɛ ásɛ dɛ bɛ deŋne taŋ Korowii waa waa dɛ bol la ta. A saŋ la tena fa aa vɛh nɛn ba ne waa lɔ harɛ bonɔ waa waa bola dɛ kpɔ ja ba la, dɛ ba ta wone lɛ ba te naa, ya nɛra yaa vɛh naate waa lɔ nyundua waa waa kpɔa dɛɛ ja yaa la, ɛrɛɛ yá ɛ dɛ won lɛ ya te nɔ?

Hibru 2:3

A do ɡɛ naa, ya lɛɛ waa nɔ aa ɡwaa nyundua toroma waa la kohona nɔ, dɛ ya vɛah aa, ɛrɛɛ yaa ba ɛɛ dɛ́ leɔ? Ya Dɔɔ Yeesu ɡbaɡba fa tɔ sie bol ya lɛɛ waa nɔ, asɛ nɛra baa noa ɡe di danseɛ ya be kɛ a ɛ kasinteŋ.

Hibru 6:6

Anɔ bwa habɔɔ la, ba ɡel Korowii waa ba fa aa dɛ yarada la! A kpeɡri kɛ ba charɛ ba liire dɛ́ le ba wechɔɡa ta dɛ berɛ ba yaradao, dɛkalkɛŋɔ ba kaa ɛ kɛŋɔ baa kwaara kpaa Korowii Bie la dɛɛ pɛl o daɡaɡre ta, dɛ ɡel sihiih kpoo nɛra baah ta. Ba ɛo dawɛ ba nyu ta.

Hibru 9:28

Gɛɛ ba kpɔ Yeesu Kristo ɡe ɛ saraha kerabeŋkpoŋ, ásɛ o che nɛndamanta wechɔɡa. Wɛɛ berɔɔ ba nɛɛtena ja. Wechɔɡa waa laa wɛɛ ba bala name te. Nɛra baa dɛ kpao siswɛm ne laanee wɛɛ ba ba lɛ.