Nɛra Kura 8:19 - mzwDBL

¹⁹ Israel tena bwa bini la, Lewi dea tenaa n kpɔ do Arɔn ne o bibaala nɔn ta baa cha ba, dɛ́ che Israel tena naa ta dɛɛ ɛ toma n Dea Cheremibɔr bela. Bá soŋe ba wechɔɡa men Korowii be dɛɛ tɛɛ ba, ásɛ dɛ bɛlbwa la Boɡoroŋ la jwɛɛh kwara naa, weechɔɡa bɛlbwa bɛ on pu.”

Nɛra Kura 8:19 ပူးပေါင်းရင်းမြစ်များ

Kaala 12:50

Asɛ Israel tena la bwa ɛ ɡɛ Korowii aa do Mosis ne Arɔn ŋɔ ba ɛ la.

Nɛra Kura 1:50

Kɛ kpɔ n Tɛnte Dea, ne laala aa lɔ o bini dɛ o komɛlbwa do Lewi dea tena la nɔn ta bá chɔ a nyoa. Banee dɛɛ ba baa che o ne laala aa jaa bwa. Banee dɛ́ nyiŋi o ta dɛ́ baŋre ba tɛnte deene baro.

Nɛra Kura 1:53

Kɛ Léwi dea tena la te baŋre ba tɛnte deene bar n Tɛnte Dea la, ásɛ n bandia bɛ Israel tena la bwa nɛɛ ba. Lewi dea tena laanee chɛ kɛŋɔ báa nyiŋi n Tɛnte Dea la bwa ta.”

Nɛra Kura 16:46

Belaa Mosis ŋɔ Arɔn be ŋɔ, “Kpɔ kon baa dɛ fuh daawiile o bini la dɛ́ do ane o ta, dɛ́ buh nii le saraha kon la ta do o ta. Ɛ warane kpɔ kaa nɛra la baah ta, dɛ́ ka soŋe ba wechɔɡa Korowii be ó kpɔ kɛ ba. Korowii baah di ba nɛ, weechɔɡa la pa mun ba bini.”

Nɛra Kura 8:18

N kpɔ Lewi dea tena nɔ chiɡ Israel tena bibanloɡla naa ta.

Nɛra Kura 8:20

Gɛ Korowii aa do Mosis la, ɡɛɛ o ne Arɔn dɛ Israel tena bwa ɛ Lewi dea tena la.

1 Samoɛl 6:19

Korowii kpoo Bɛt Sɛmɛs baala fifraanuanɛ, nyiŋa baa kaa nyiŋi Korowii Ne Nɛwɛnyina Fɔo Daka la bini la wa. Bela tena la wii ba kohona, Korowii kpoe waa kpo ba la wa.