Nɛra Kura 8:12 - mzwDBL

¹² Lewi dea tena la aa kpɔ nɔɔra darawe nae la nyuune ta tonɛ la, bá kpɔ beŋkpoŋ ɛ wechɔɡa kpɔe dɛ kɛ saraha tɛ mɛ, asɛ dɛ kpɔ nɛɛte la ɡe ɛ saraha baa dɛ fuah dɛ́ kpɔ soŋe Lewi dea tena wechɔɡa n be tɛɛ ba.

Nɛra Kura 8:12 ပူးပေါင်းရင်းမြစ်များ

Kaala 29:10

Lawɛ nabale la ba n Dea Cheremibɔr la doonyoa bela, ásɛ Arɔn ne o bibaala kpɔ nɔɔra dawɛ o nyu ta.

Hibru 9:22

Mmara la ta la, chal nee baa fee doŋa waa ne kwaa kɛrɛdɛ ta. Dɛ chal ta fuɡaa, Korowii aa wechɔɡa kpɔe dɛɛ kɛ.

Lewi Dea Tena 8:14

Mosis lawɛ nabal baa kpɔ ɛ wechɔɡa kpɔe dɛ kɛ saraha la ba, asɛ Arɔn ne o bibaala kpɔ ba nɔɔra dawɛ o nyu ta.

Lewi Dea Tena 1:4

Náate kpɔ nɔn dawɛ saraha kon baa fuuh la nyu ta, ásɛ kon la che o naa ta lɛ o wechɔɡa waa dɛ soŋ mɛ tɛo.

Nɛra Kura 8:8

Gel ba kpɔ nabale ba, dɛ́ kpɔ men aa kpera kɛrɛdɛ noo koo a ta ɛ mea saraha ja o ta. Berɛ lɛ nabale la bɛl ja, dɛ́ kpɔ ɛ wechɔɡa kpɔe dɛ kɛ saraha.

Nɛra Kura 6:16

Sɔfo la kpɔa ba men Korowii sie ba ɛ wechɔɡa kpɔe dɛ kɛ saraha ne saraha baa dɛ fuah tɛ mɛ.

Nɛra Kura 6:14

ásɛ o kpɔ saraha kwaa ba tɛ mɛ. Anee pebal waa di benanyoa waa wola kirihiah bɛlbwa dii ba ɛ saraha baa dɛ fuah, ne pelor waa di benanyoa waa wola kirihiah bɛlbwa dii ba ɛ wechɔɡa kpɔe dɛ kɛ saraha, dɛ pebal waa wola kirihiah bɛlbwa dii ba ɛ deŋnesɔɔhna saraha.

Lewi Dea Tena 16:21

Ó kpɔ nɔɔra dawɛ booh la nyu ta, ásɛ dɛ bol Israel tena chɔɡre, ba wechɔɡa ne ba deŋnekpeɡ bwa baa ɛa dɛ ta o nyu ta, dɛ́ kpɔ do nomɛl nɔn ta, ásɛ o teɡɔ kaa pua hɛŋle ɡbo harɛ ta.

Lewi Dea Tena 16:11

Arɔn chɛ kɛ ó lawɛ nabale la waa kpɔ ba ɛ o ɡbabir wechɔɡa kpɔe dɛ kɛ saraha, dɛ́ soŋe o ne o dem tena wechɔɡa name, dɛ́ teŋe o baŋa, dɛ́ kpɔ ɛ wechɔɡa kpɔe dɛ kɛ saraha la.

Lewi Dea Tena 16:6

Árɔn tɔ sie kpɔ nabale la ba ó ɛ wechɔɡa kpɔe dɛ kɛ saraha, dɛ́ kpɔ soŋe o ne o dem tena wechɔɡa, ásɛ n kpɔ kɛ ba.

Lewi Dea Tena 14:22

dɛ́ berɛ kpɔ borɔnomare anɛ kɛɛ kulukukure anɛ a bini bɛlbwa waa dɛ ba wona dɔ ba, dɛ́ kpɔ beŋkpoŋ ba ɛ wechɔɡa kpɔe dɛ kɛ saraha, ásɛ bɛl la ɡe che tɛ saraha kon baa fuah.

Lewi Dea Tena 9:7

O berɔ ŋɔ Arɔn be ŋɔ, “Kpɔ he wechɔɡa kpɔe dɛ kɛ saraha kwa, ne saraha kwaa haa fuah la ba saraha kon la ta ba soŋe he ne nɛra la bwa wechɔɡa. Kpɔ nɛra la saraha kwaa la ɡe ba soŋe ba wechɔɡa tɛɛ ba ɡɛ Korowii aa ŋɔa la.”

Lewi Dea Tena 8:34

Anɔ yaa ɛa fini nɔ, Korowiirii do yaa ŋɔ ya kpɔ soŋe he wechɔɡa.

Lewi Dea Tena 8:18

Mosis berɔ kpɔ pebal baa kpɔ ɛ saraha dɛ fuuh la ba, asɛ Arɔn ne o bibaala kpɔ ba nɔɔra dawɛ o nyu ta.

Lewi Dea Tena 5:7

Dɛ waa pee laanee dɔ aa, ó nyin kulukuku bii anɛ kɛɛ borɔnoma bii anɛ, dɛ́ kpɔ ba ɛ saraha bɔ o wechɔɡa la kem. Beŋkpoŋ che tɛ wechɔɡa kpɔe dɛ kɛ saraha, ásɛ beŋkpoŋ ɡe che tɛ saraha baa fuah dɛɛ tɛ mɛ la.

Lewi Dea Tena 4:35

Ó laa o noo la bwa kpɔ, ɡɛ baa dɛ ɛ deŋnesɔɔhna saraha kon noo la, ásɛ sɔfo la kpɔ ja kwaa baa kpɔa ba ɛ saraha dɛ́ fuah tɛ mɛ la ta. Gɛɛ sɔfo la ɛɛ ba ɛɛ, dɛ́ soŋe naate wechɔɡa waa ɛa n be ásɛ n kpɔ kɛo.”

Lewi Dea Tena 4:20

ásɛ dɛ ɛ nao nɔ ɡɛ tenten waa ɛ wechɔɡa kpɔe dɛ kɛ saraha nao la. Gɛ ŋwɛnɛ nɔ taa sɔfo la ɛɛ ba kpɔe, dɛ́ soŋe ba wechɔɡa n be ásɛ n kpɔ kɛ ba.

Lewi Dea Tena 4:4

Ó lawɛ nabal la ba n sie n Dea Cheremibɔr la doonyoa bɔr bela, ásɛ dɛ kpɔ nɔn dawɛ o nyu ta, dɛ́ teŋe o baŋa n sie.

Lewi Dea Tena 4:15

Nomonome baa chɔ ba nyoo la kpɔ nɔɔra dawɛ nao la nyu ta n sie, ásɛ mɔɔ dɛ teŋe o baŋa bela.

Nɛra Kura 8:13

Gel Lewi dea tena la che Arɔn ne o bibaala sie, ásɛ he kpɔ ba tɛ mɛ kɛŋɔ saraha kwaa baa ɡɔɔra nyundua dɛ viiɡa n sie ken.

Lewi Dea Tena 8:15

Asɛ Mosis teŋe o baŋa dɛ kpɔ nonii ɛ o chal la ane merɛ kwaa aa paaɡe saraha kon la loŋkoni ta, dɛ leo cheɡ o do ɡoroŋ. Asɛ dɛ berɛ fuɡe chal la kar do saraha kon la mun ta. O ɛ ɡɛ dɛ laa doŋa kpɔ saraha kon la ta o do ɡoroŋ.