Nɛra Kura 7:84 - mzwDBL

⁸⁴ Kwaa Israel tena nomonome la aa kpɔa ɛ saraha saŋ la baa kpɔ noo yɔɔ saraha kon la ta dɛ kpɔ do Korowii nɔn ta laanee teŋa nɔ, suuɡapoŋa tafolabɔtɔre fi dɛ anɛ, ne suuɡapoŋa loɡa baa do nee a bini dɛ ɛ dɛɛ merɛ fi dɛ anɛ, dɛ suuɡaswɛm loɡa fi dɛ anɛ.

Nɛra Kura 7:84 ပူးပေါင်းရင်းမြစ်များ

Nɛra Kura 7:10

Baa fuɡe noo do kon baa dɛ ɛ saraha o ta o do ɡoroŋ tonɛ la, nomonome la kpɔ ba sarahare ba saraha kon la sie, dɛ kpɔ saraha kwaa la do men Korowii nɔn ta o ɛ n kon.

Wepila 21:14

Bwea baa ma danjwɛɛ la chɔŋɛ a ta la lɔ fi dɛ anɛ, asɛ Pebie la toroma fi dɛ banɛ la ɡe sɔna dawɛ bwea la ta.

Hibru 13:10

Juu tena sɔfore baa dɛ ɛ toma Korowii Tɛnte Dea bini la ta ŋwɛnɛ dɔe kɛŋɔ ba di ya saraha kwaa yaa dɛ di la ane.

Nɛra Kura 7:1

Mosis aa tonɛ Korowii Tɛnte Dea la ne kwaa aa lɔ o bini toma bwa la, o fuɡe noo yɔɔ a ta a do ɡoroŋ dɛ kpɔ do Korowii nɔn ta. O berɔ ɛ ɡɛ kon baa dɛ ɛ saraha o ta ne o koŋkwaa bwa ta, dɛ kpɔa do Korowii nɔn ta a ɛ o kwa.

Kaala 25:29

Berɛ kpɔ suuɡaswɛm tenten kwaa loɡbakorɔre ne dompaane, ne numoli dɛ loɡa baa kpɔ dɛɛ fuɡe sen saraha kwaa la.

Nɛra Kura 7:83

ne nabala anɛ baa fɔɡa, ne pebala anue ne bombala anue dɛ pebali anue a bɛlbwa aa di benanyoa bá kpɔ ɛ deŋnesɔɔhna saraha. Anɔɔ ɛ Enan bibaa Ahira kwaa waa kpɔa ba.

Nɛra Kura 7:85

Suuɡapoŋa tafolabɔtɔre la bɛlbwa tɔɡre lɔ suuɡapoŋa lafa fifraatoro, ne suuɡapoŋa loɡa baa do nee a bini dɛ ɛ dɛɛ merɛ la bɛlbwa tɔɡre lɔ suuɡapoŋa fifraanuanɛ. Dɛ he kpɔ suuɡapoŋa kwaa la bwa tɔɡre pɛ aa, a lɔ suuɡapoŋa kaɡboŋa anɛ lafraanaarɛ, ɡɛ baa maɡa bil men Korowii Dea bela.