Nɛra Kura 7:1 - mzwDBL

¹ Mosis aa tonɛ Korowii Tɛnte Dea la ne kwaa aa lɔ o bini toma bwa la, o fuɡe noo yɔɔ a ta a do ɡoroŋ dɛ kpɔ do Korowii nɔn ta. O berɔ ɛ ɡɛ kon baa dɛ ɛ saraha o ta ne o koŋkwaa bwa ta, dɛ kpɔa do Korowii nɔn ta a ɛ o kwa.

Nɛra Kura 7:1 ပူးပေါင်းရင်းမြစ်များ

Mumpar 2:3

Anomanta, o le tɔpenuanɛ la cheɡ tɛ o te, o do ɡoroŋ dɛ sweero andɛɛɡa, dɛkalkɛŋɔ o taa o ɡel toma ɛɛ kwaa waa taa la bwa ta.

1 Koranar 8:64

Awola tenten la, Kooro Solomɔn le dembaah waa lɔ Korowii Dea sie la cheɡ o do ɡoroŋ tɛ Korowii. Belaa o kpo kwaa dɛ fuah, dɛ ɛ mea sarahare, dɛ fuh ola la noorare ɛ deŋnesɔɔhna sarahare, dɛkalkɛŋɔ saraha kon baa kpɔ ayaawa ɛo la aa kanɛ kɛ a ɡɛ kwaa la bwa won jo o ta.

Kaala 13:2

“Le bibanloɡle bɛlbwa cheɡ tɛ mɛ ó ɛ n kon. Israel te bibanloɡle bɛlbwa ne kondɛɛre bɛlbwa ɡe biloɡle ombal bwa ɛ n kwa.”

Kaala 29:36

Teŋe nabal baŋa ɛ wechɔɡa kpɔe dɛ kɛ saraha tɔpere bɛlbwa tɔpera anuanɛ, dɛ́ kpɔ soŋe he wechɔɡa. Ɛ ɡɛ dɛ laa doŋa bɛlbwa kpɔ saraha kon la ta, ásɛ dɛ ɛ ɔleve noo la ane do o ta o do ɡoroŋ.

Kaala 40:11

Berɛ ɛ noo la ane merɛ loɡbajen la ne kon waa chɔŋɛ o ta la ta, dɛ lea cheɡ á do ɡoroŋ tɛ mɛ.

Nɛra Kura 17:2

“Yerɛ Israel tena dɛ lɛ daŋɡbale fi dɛ anɛ le ba deene nomonnyuune la be. Dea bɛlbwa kon beŋkpoŋ, ásɛ dɛ chwerɛ dea bɛlbwa nomoa sɔn dawɛ o daŋɡbala ta.

Nɛra Kura 7:10

Baa fuɡe noo do kon baa dɛ ɛ saraha o ta o do ɡoroŋ tonɛ la, nomonome la kpɔ ba sarahare ba saraha kon la sie, dɛ kpɔ saraha kwaa la do men Korowii nɔn ta o ɛ n kon.

Nɛra Kura 7:84

Kwaa Israel tena nomonome la aa kpɔa ɛ saraha saŋ la baa kpɔ noo yɔɔ saraha kon la ta dɛ kpɔ do Korowii nɔn ta laanee teŋa nɔ, suuɡapoŋa tafolabɔtɔre fi dɛ anɛ, ne suuɡapoŋa loɡa baa do nee a bini dɛ ɛ dɛɛ merɛ fi dɛ anɛ, dɛ suuɡaswɛm loɡa fi dɛ anɛ.

Nɛra Kura 7:88

Kondɛɛra baa kpɔa ka ɛ deŋnesɔɔhna saraha la ɡe lɔ nae fifraanɛ dɛ anaarɛ, ne pebala fifraanumɛl ne bombala fifraanumɛl, dɛ pebali fifraanumɛl a bɛlbwa aa di benanyoa. A ɡɛ kwaa nɔɔ ba kpɔ tɛ, dɛ kpɔ saraha kon baa fuɡe noo yɔɔro la do men Korowii nɔn ta.

Matiu 23:19

He nyoɡrɔ kwara! Kwaa baa kpoa tɛ Korowii la, ne kon baa kpo kwaa la dɛ ɡel kwaa la do ɔma la, a bini umee do ɔma ɡwaa o dɔŋ ɔ?