Nɛra Kura 6:5 - mzwDBL

⁵ Le saŋ waa kpɔ o te tɛ men Korowii kɛŋɔ Nasiri te la, o bɛ o nyu ne o tampona fonɛ bwa. A chɛ kɛ ó do ɡoroŋ ka tel kɛŋɔ saŋ waa kpɔ o te tɛ mɛ la aa baa ɡale. A chɛ kɛ ó ɡel o nyu moɡɛ ba dawɛ o vaama ta.

Nɛra Kura 6:5 ပူးပေါင်းရင်းမြစ်များ

Ɛsekeɛl 44:20

Sɔfore bɛ ba nyumpona paa ta, ba bɛ ɡel a moɡɛ kohona ɡe. Bá fona a ba harɛ.

Nɛra Kura 6:4

Le saŋ la waa ɛ Nasiri te la, komɛlbwa baa chaara le ɡrepo daa ta la, o nɔn oo, o bi oo, o pɛɡ oo, ó bɛ di.

We-ɛɛla 18:18

A habɔɔ la, Pɔɔl soɡe Kɔrent asɔre tena la be biɡri, asɛ dɛ kal ba dɛ le bela kaa Keŋkrea. Dɛ o baɡɛ nyoa bɛl, anomanta, o fonɛ o nyu mɔɔ dɛ le Keŋkrea, asɛ o ne Akwela ne Presela kpɔ stiimae dɛɛ kaa Siiria harɛ.

Sitɔɔla 13:5

He tea haa dɛ ba kpoŋa la, bibaalee hɛɛ ba lola. Dɛ́ɛ berɛ o nyu fona bwa, dɛkalkɛ Korowii ɛɛ leo cheɡ ó ɛ Nasiri te dɛ́ le o lola saŋ bwa. Onee dɛɛ ba mun pae dɛ́ lɛ Israel tena le Filisti tena nɔn ta.”

Sitɔɔla 16:17

Anomanta, Samsen bol o tea bini waa bwa chaɡlo ŋɔ, “Ba ta fon kpɔe fonɛ n nyu bwa. Nasiri tee men. Korowii lee mɛ cheɡ tɛ o te, dɛ le n lola saŋ bwa. Ba fonɛ n nyu aa, n bokpeɡa maa dɔa nɔ bwa dɛ ba tona n ɡwɛɡre kɛ baa bɛlbwa ken.”

Sitɔɔla 16:19

Haah la ɡbɛɡbɛ Samsen o chɔ dom dawɛ o nakpale ta. Asɛ o yerɛ baa bɛl o ba fonɛ o nyumpona baa pɛra anuanɛ la. Belaa o pa mun ɡwɛɡre, o bokpeɡa la bwa tonɛ.

1 Samoɛl 1:11

Belaa Hana baɡɛ Korowii nyoa ŋɔ, “Nemenɛ Korowii, na n sum, bɛ n waa soh. No he tolo wa, dɛ́ tɛ mɛ bibaa, ásɛ n leo cheɡ tɛɛ o soɡa bini bwa, baa o nyumpon beŋkpoŋ kwaraa fonɛ bwa.”