Nɛra Kura 6:26 - mzwDBL

²⁶ Ó ɛ heyaa kɛrɛdɛ, dɛ́ tɛ heyaa deŋnesɔɔhna.”

Nɛra Kura 6:26 ပူးပေါင်းရင်းမြစ်များ

Yela 4:6

Nɛra warɔ dɛɛ soŋe ŋɔ, “Umee dɛ́ won ɡel yá dɔ wedɛɛɡa ɔ?” N Naa Korowii, na ya sum.

2 Tesalonika 3:16

Ya Dɔɔ Yeesu Kristo la ɡbaɡba waa dɔ bambisɔn kɛrɛdɛ la, ó tɛ heyaa bambisɔn saŋ bɛlbwa, wobɛlbwa ta, dɛ ja he bwa nɛ.

Yela 29:11

Korowiirii dɛɛ tɛ o nɛra bokpeɡa, dɛɛ swee ba andɛɛɡa, dɛɛ tɛɛ ba deŋnesɔɔhna.

Tɔn Pɔɔl Aa Chwerɛ Rom Tena 15:13

Korowii waa ɡela ya dɔ hwɛɡa Yeesu nɛɛ la, ó tɛ heyaa silɛɛ ne bansɔɔhna he yarada haa dɛ yarada Korowii la ta, ásɛ Korowii Domadɛɛɡe ɡe cha heyaa, ásɛ he won dɛɛ hwɛɡɛ Yeesu nɛɛ kohona.

Amanesoma Jɔn Aa Chwera Tɔn 16:33

A waa mɛɛ baɡle heyaa waa nɔ ásɛ he dɔ deŋnesɔɔhna dɛ́ le pɛɛ n ne haa pɛa la ta la. Hɛɛ na hɔhɔrɔwaa harɛ nɔ ta, kɛ hé lawɛ bambile, dɛkalkɛ n faɡɛ harɛ nɔ ta komɛlbwa nɛ.”

We-ɛɛla 2:28

He baɡ mɛ ŋwɛnɛ maa kpɔ dɛ́ dɔ mkpa saŋ bɛlbwa maa na he siwi la, n bwara ɛɛ sɔɔh mɛɛ.’

Aesaya 26:3

N Naa Korowii, henee dɛɛ tɛ banɔ la ba liire aa cheɡɛ bobeŋkpoŋ bosɔɔhna tenten, dawa baa kpɔ ba te dawɛ he nɛɛ la wa.

Tɔn Pɔɔl Aa Chwerɛ Rom Tena 15:33

Korowii waa dɛ tɛ yaa deŋnesɔɔhna la, ó cha he bwa. Aamen.

Amanesoma Jɔn Aa Chwera Tɔn 20:21

Yeesu berɔ bol ja ŋɔ, “Kórowii tɛ heyaa bambisɔɔhna. Gɛ n Mɛɛ aa tom mɛ la, ɡɛɛ n ɡe ɛɛ tomɛ heya.”

Yela 42:5

Ɛrɛɛ n tea bini chɔɡ ken? Ɛrɛɛ n liire bwa chɔɡ ken nɔɔ? N kpɔ n hwɛɡa bwa do hen Korowii nɛ, dɛ berɛ kwaa dɛɛ kpɛɛre ja. Henee ɛ n Lɛɛ,

Felepae 4:7

Belaa ó ɡe tɛ heyaa o bambisɔn waa ɡwaa bambisɔn te bwa nɛwɛnyini be á cha heya, dɛ́ ɡel he bambile ne liire chɔ bobeŋkpoŋ pɛɛ he ne Yeesu Kristo aa pɛa la wa.

Amanesoma Luk Aa Chwera Tɔn 2:14

“Hé tɛ Korowii waa lɔ nyundua la sɔn, ásɛ dɛ ɡel nɛwɛnyina baa lɔ harɛ ta Korowii siwi aa su ba la ɡe dɔ bosɔɔhna.”

Aesaya 57:19

ásɛ Israel tena wii berɛ kpɛɛra. Banɔ la baa lɔ bojaŋa ne sie bonɔ la, mɛɛ tɛɛ baa deŋnesɔɔhna tentenee, mɛɛ chaah baa. Men Korowiirii bola.

Aesaya 26:12

N Naa Korowii, he dɛ tɛ yaa deŋnesɔɔhna, komɛlbwa yaa dɔa la, henee ɛa tɛ yaa.

Yela 89:15

Nɛra baa ɡo yela dɛɛ kpɛɛre, ne banɔ la baa dɛ valɛ bɔr waa chaah he sie la, ba na som.

Yela 37:37

Hé nyiŋi nɛra ba wa aa toɡra na, ba dɔ deŋnesɔɔhna ba kerekere soɡa bini.

We-ɛɛla 10:36

He jemɛ waa waa ŋɔa bá ka bol Israel tena be dɛ baɡle Yeesu Amanesoma aa dɛ tɛ bosɔɔhna la. Yeesuu komɛlbwa Dɔɔ.

Amanesoma Jɔn Aa Chwera Tɔn 20:26

A yawanyoa la, Yeesu habɔteŋra la berɔ ba cheme dea la bini ja, dɛ Tɔmas ja ba nɛ. Ba kaɡre dea la ɡbeni, kɛ Yeesu baa jo che ba baah, dɛ ŋɔ, “Kórowii tɛ heyaa bambisɔɔhna!”

Amanesoma Jɔn Aa Chwera Tɔn 14:27

Deŋnesɔɔhnaa n kpɔ dɛɛ tɛ heya, n ɡbabir deŋnesɔɔhnaa. Harɛ nɔ ta deŋnesɔɔhna laa, anomanta, he bɛ ɡel he bambile teŋe ásɛ hɛɛ ɔmɛ.

Maeka 5:5

Onee dɛ́ ba tɛɛ ba deŋnesɔɔhna. Dɛ Asiiria tena baa yo ya harɛ, dɛ won jo ya dekpeɡa yaa sɔh a bini ta naa, yaa le nomonome baa wara kohonaa bá ka yoo ba.

Yela 44:3

Ba tokobie ne laa ba yo lɛ harɛ la, kɛɛ ba ɡbaɡba bokpeɡa ne laa, he ɡbabir kpeɡri nee, dɛkalkɛ he baɡ ba nyoa ŋɔ, he ja ba nɛ, dɛɛ nyin ba.

Ɛfesos 6:23

Ń Naa Korowii ne ya Dɔɔ Yeesu Kristo tɛ he ne yabala la bwa deŋnesɔɔhna, ne nɛnnyin ne yarada,

Tɔn Pɔɔl Aa Chwerɛ Rom Tena 5:1

Taraken nɔ, ya yarada aa ɡela Korowii lɛ yaa kɛ nɛndɛɛɡa ya waa su o siwi nɔ, ya Dɔɔ Yeesu Kristo nɛɛ a che asɛ ya ne Korowii pɛ.