Nɛra Kura 6:23 - mzwDBL

²³ ó bol Arɔn ne o bibaala be kɛŋɔ kenii chɛ kɛ bá swee andɛɛɡa tɛ Israel tena,

Nɛra Kura 6:23 ပူးပေါင်းရင်းမြစ်များ

Mumpar 24:60

Asɛ ba swee andɛɛɡa tɛ Rebɛka ŋɔ, “Ya nimambie, Korowii ɡel he ya kohona, he mun ya kohona aa wola nyoa dɔ, ásɛ he naanar yo lɛ ba dɔma bwɛɛre dɛɛ di a kpeɡri.”

Mumpar 47:10

Asɛ Jekɔb swee andɛɛɡa tɛ kooro ja dɛ kpɔ kalo.

Mumpar 47:7

Belaa Josef ka kpɔ o mɛɛ Jekɔb ba baɡle kooro la, asɛ Jekɔb swee andɛɛɡa tɛ kooro,

Mumpar 48:20

Anomanta, o swee andɛɛɡa tɛɛ ba awola tɔpere la dɛ ŋɔ, “Israel tena dɛ ba andɛɛɡa sweeraa, baa ŋɔɔ, ‘Korowii ɡel he do kɛŋɔ Efrem ne Manasɛ.’ ” A waa o kpɔ Efrem sɔn tɔ Manasɛ sie la.

1 Koranar 8:55

dɛ kpɔ takpeɡ swee andɛɛɡa tɛ Israel tena baa chema la bwa dɛ ŋɔ,

1 Webena 23:13

Amram ɡe bibaalaa, Arɔn ne Mosis. Ba le Arɔn cheɡ, asɛ o ne o naanar ɛɛ nyiŋi kwaa baa lea cheɡ tɛ Korowii a do ɡoroŋ kohona ta. Asɛ ba kpɔ saraha kwaa dɛɛ la Korowii sie, dɛɛ ɛ toma o sie dɛ che o sɔn ta swee andɛɛɡa tɛ nɛra saŋ bɛlbwa dɛɛ la.

2 Webena 30:27

Sɔfore ne Lewi dea tena la iro, dɛ swee andɛɛɡa tɛ nɛra la, asɛ Korowii no ba wesoŋa le nyundua dɛ ɛ tɛɛ ba.

Kaala 39:43

Mosis kaa na toma la, dɛ ba ɛa kɛrɛdɛ ɡɛ tenten Korowii aa do ba la, asɛ o soŋe andɛɛɡa Korowii be tɛɛ ba.

Nɛra Kura 6:22

Korowii berɔ ŋɔ Mosis be ŋɔ,

Tɔn Pɔɔl Aa Chwerɛ Rom Tena 1:7

He Rom tena Korowii aa dɛ nyin heyaa dɛ le heyaa ŋɔ hé ba ɛ o nɛra he wa aa toɡra la, he bwaa mɛɛ chwerɛ tɔn nɔ. Ń Naa Korowii ne ya Dɔɔ Yeesu Kristo bwa na he sum, dɛ́ cha heya, dɛ́ tɛ heyaa bosɔɔhna.

1 Kɔrent 1:3

N Naa Korowii ne ya Dɔɔ Yeesu Kristoo dɛ́ cha heya, dɛ́ tɛ heyaa bosɔɔhna.

2 Kɔrent 13:14

Yá Dɔɔ Yeesu Kristo na he sum dɛɛ cha heya, Kórowii baɡle o nyina he nɛ, ásɛ Kórowii Domadɛɛɡe la ne he bwa pɛ.

Mmarare 10:8

Gɛ saŋee Korowii le Lewi dea tena ŋɔ baa nyiŋi O Ne Nɛwɛnyina Fɔo Daka la ta, dɛ́ berɛ ɛ sɔfore dɛ́ che o sɔn ta dɛɛ swee andɛɛɡa dɛɛ tɛ nɛra. A ta chɔ ɡɛ ba le fini.

Mmarare 21:5

Lewi dea tena baa ɛ sɔfore la tɔ sie, dɛkalkɛŋɔ Korowii haa dɛ tomɔ nɔɔ lee ba ŋɔ baa ɛ o toma dɛ́ soŋe andɛɛɡa dɛɛ tɛ nɛra o sɔn ta. Ba nyoa wobol taa bá che dɛ́ bol wobɛlbwa aa lɔ nɛra baah ta, ne dɔŋa lɔɔra waa bɛlbwa ta.

Mmarare 33:1

Gɛ Mosis waa ɛ Korowii nɛn aa swee andɛɛɡa tɛ Israel tena mɔɔ dɛ sewɛ laanee nɔ.

Hibru 7:1

A ɡɛ Mɛlkesɛdɛk nɔ, dɛ Salɛm kooroo on, asɛ o ɛ Nemenɛ Korowii Sɔfo. A saŋ la Abraham aa le laa waa kaa yo dɛ pɔ koranar banaarɛ bane nɛɛ dɛɛ ba la, Mɛlkesɛdɛk chemo dɛ swee andɛɛɡa tɛo.

Hibru 7:7

Ya bwa jemɔ kɛŋɔ nomoaa sweera dɛɛ tɛ bechala.

Josua 8:33

Dɛ Israel tena bwa, hɔɔhra ne deela, koranar ne nomonome, dɛ ba bini nɛra baa bol waa dɛɛ pa bole bwa kaa che Korowii Ne Nɛwɛnyina Fɔo Daka la baŋne anɛ ta, ba sie chaɡɛ Lewi dea sɔfore baa cheɡɛ daka la. Nɛra la bini bane cheɡɔ ba habɔɔ chaɡɛ Geresim Bwejen la, asɛ ba pera ɡe che ba habɔɔ chaɡɛ Ebal Bwejen la. Ba cheɡɔ ɡɛ Korowii bonɔɔ Mosis aa do ba la, asɛ Korowii ɡel sɔfore la swee andɛɛɡa tɛɛ ba.

1 Pita 1:2

Korowii waa ɛ ya Mɛɛ cheɡɛ jema waa jemɛ heyaa wubwa la ta, dɛ le heyaa kɛŋɔ o nɛra dɛ tɛ o te. O Domadɛɛɡe laanee ɡela he do ɡoroŋ, dɛ ɡel hɛɛ teŋɛ Yeesu Kristo waa ta, asɛ o chal yaɡle he doŋa he nɛ. Kórowii cha heyaa dɛ tɛ heyaa bosɔɔhna kohona.

2 Jɔn 1:3

Ń Naa Korowii ne o Bie Yeesu Kristo sune ya bwa sekwara nɛ, dɛ́ cha yaa, dɛ́ tɛ yaa bosɔɔhna yá won jemɛ kasinteŋ la, dɛ́ dɔ nɛnnyin.