Nɛra Kura 6:20 - mzwDBL

²⁰ Ásɛ sɔfo la berɛ laa lɛ, dɛ́ ɡɔɔra nyundua, dɛ́ viiɡa men Korowii sie, a ɛ saraha aa do ɡoroŋ dɛ ɛ sɔfo la kwa, ane pee la bambile baa ɡɔɔro nyundua, ne o hwii baa kpɔa ba ɛ saraha la. A ɡɛ waa nɔ habɔɔ la, Nasiri te la dɔ ŋwɛnɛ kɛ ó nyɔ sen.

Nɛra Kura 6:20 ပူးပေါင်းရင်းမြစ်များ

Wejereme 9:7

Kaa ka di kondikwaa dɛ́ nyɔ sen silɛɛ ne, kɛ taraken Korowii sie dɛ lɛ waa haa dɛ ɛ ta.

Aesaya 25:6

Koranar Bwa Kooro ɛɛ yerɛ harɛre nɛra bwaa ŋɔ, bá ba di kondikonjena, dɛ́ nyɔ sendɛɛɡa dɛ́ lɛ ba sie, Saayɔn Bwejen ta Jerusalam.

Aesaya 35:10

Baa valɔɔ ɡo silɛɛ yela ka jo Jerusalam, hɛɡra aa wola nyoa dɔe ne. Ba sie ɛɛ lɛo ba bwara sɔɔh ba, suna dii ne tebinichɔɡ le ba bini kwaraa.

Lewi Dea Tena 10:15

Bá kpɔ o hwii ne o bambile la ja a noorare bɔra baa fuah la ta, dɛ́ ɡɔɔra nyundua dɛ́ viiɡa Korowii sie, anee dɛ́ ɛ he ne he bibaala dibɔra saŋ bɛlbwa ɡɛ Korowii aa bola la.”

Lewi Dea Tena 23:11

Sɔfo la ɡee kpɔɔ ka ɡɔɔra nyundua, dɛ́ viiɡa n sie ɛ saraha tɛ mɛ Ona Tɔpere la habɔɔ, ásɛ n lɛ dɛ́ kpɔ ɛ waa waa dɛ nyin la tɛo.

Lewi Dea Tena 7:30

Naate ɡbaɡba kpɔ kon la noo ne o bambile ba tɛ mɛ. Ó kpɔ ba che saraha kon la sie, dɛ́ ɡɔɔ o bambile la dɛ́ viiɡu nyundua n sie.

Lewi Dea Tena 7:31

Sɔfo la fuh noo la saraha kon la ta, kɛ o bambile la te, Arɔn ne o bibaala konee.

Lewi Dea Tena 7:32

O nadiɡ hwii la ɛ sɔfo la dibɔr waa dɔa deŋnesɔɔhna saraha la ta.

Lewi Dea Tena 7:34

Deŋnesɔɔhna saraha Israel tena aa ɛ bwa la, n le o bambile maa ŋɔa baa ɡɔɔro nyundua dɛ viiɡu n sie, ne o hwii la cheɡ á ɛ Arɔn ne o bibaala dibɔr saŋ bɛlbwa dɛɛ la Israel tena saraha kwaa ta.”

Lewi Dea Tena 9:21

Arɔn berɔ kpɔ ola la bambili ne a nadiɡ hwie la, dɛ ɡɔɔra nyundua dɛ viiɡa Korowii sie ɡɛ Mosis aa do ba la.

Sekaria 10:7

Israel tena ɛɛ doo kɛŋɔ banyoola, ásɛ ba sie lɛ kɛŋɔ nɛra aa nyɔ sen ba sie ɛɛ lɛ la. Ba bii ɛɛ nao ba sie lɛ, ásɛ ba hɛɡre waa Korowii aa ɛa wa.

Sekaria 9:15

Koranar Bwa Kooro ɛɛ tɔ o nɛra ɡbemɡbee. Baa chɔɡ ba dɔma vamtor bwea nee, dɛɛ moo laa ta kɛŋɔ sennyɔdɛɛra ken. Baa kpoo ba dɔmaa, ásɛ ba chal ɛɛ palɛ kɛŋɔ baa kpoo kwaa ɛ saraha, dɛ kpɔ a chale dɛɛ merɛ saraha kwaa loŋkoni ta la ken.

Sekaria 9:17

Na ɡɛ harɛ la aa dɛ ba wer doe dɛ́ dɔ pɛla! Kondikwaa ne sen aa lɔ harɛ la ta la ɛɛ ɡeloo bonɔɔna ne toli kpeɡ, dɛ́ dɔ bokpeɡa.

Nɛra Kura 18:18

Ola la kabora chɛ kɛ a ɛ he kwa, ɡɛ ba yon kpɔ a bambili ne a nadiɡ hwie ɛ saraha dɛ́ ɡɔɔra nyundua dɛ́ viiɡa men Korowii sie a ɛ he kwaa la.

Nɛra Kura 5:25

Ásɛ sɔfo la laa meera mea saraha la lɛ haah la nɔn ta, dɛ́ ɡɔɔra nyundua men Korowii sie, dɛ́ kpɔ kaa kon baa dɛ ɛ saraha o ta la ta,

Nɛra Kura 6:21

A ɡɛ waa nɔɔ chɔ le tɛ Nasiri te waa kpɔ o te tɛ men Korowii mɔɔ dɛ́ won le ɡɛ waa baɡɛ nyoa la ta, dɛ́ berɛ won kpɔ kwaa waa dɛ ba wona bwa ja a ta. A chɛ kɛ ó teŋɛ o nyobaɡa la bwa ta ɡɛ Nasiri tena mmarare aa dɛ baɡle la.”

Matiu 26:29

Kasinteŋ, maa sen nɔ anee nyɔ kpa bwa ka tel ɡɛ saŋ n ne haa berɛ ba nyɔ anfala n Mɛɛ Kora la ta.”

Amanesoma Mak Aa Chwera Tɔn 14:25

Kasinteŋ, maa a ɡɛ sen nɔ anee nyɔ kpa bwa, nemenɛ kɛŋɔ awola maa ba nyɔ anfala Korowii Kora la ta.”

Amanesoma Jɔn Aa Chwera Tɔn 19:30

Yeesu aa nyɔa tonɛ la, o ŋɔ, “A tonɔ,” asɛ dɛ ɡure o nyu dɛ ɡel o doma le, o sewɛ.