Nɛra Kura 5:18 - mzwDBL

¹⁸ Sɔfo la aa kpɔ haah la ka che men Korowii sie la, ó laa kon kpɔ o nyu ta, ásɛ dɛ kpɔ meera mea saraha la do o nɔn ta. Anee dɛ baɡle kɛ haah la di bolchɔɡe kɛɛ o ta bolchɔɡe dii. Sɔfo la ɛɛ kpɔ nee aa do kpeli o ɛa do kon ta dɛ do teera a ta aa ba nyotaahna ne laanee kpoŋe.

Nɛra Kura 5:18 ပူးပေါင်းရင်းမြစ်များ

Sɛɡla 5:4

kɛ a habɔɔ la, waa waa doe a ta la kpeli kɛŋɔ ol kpela. O nyoa wobol dɛ do nɛn bol kɛŋɔ naŋɡɔse ken.

Wejereme 7:26

N na waane aa dɛ we dɛ ɡwaa seo, haah bɛl do kɛŋɔ bel baa dɛ harɔ. O bambile do kɛ nafuɡe, asɛ o nɔɔra do kɛŋɔ jɔɡrɔre, o kpɔ dɛɛ harɛ nɛra. Wejereme bɛlbwa o wa aa dɛ su Korowii siwi la, ɛɛ won chwa le o nafuɡere la ta, kɛ ɡɛne te, wɛɛ lawɔɔ.

Aesaya 38:17

N weweele ɛɛ ber mɛ deŋnesɔɔhnaa. He cheɡɛ he nyina ta, dɛ lɛɛ mɛ le wekpeɡa a fe aa dɛ ba n nɛɛ bala ta, dɛ kpɔ n wechɔɡa bwa kɛ mɛ.

Jeremia 2:19

Hé ɡbabir nyubinikpeɡii dɛ́ ɡel he dɔ deŋnetɛra. Vɛɛh haa vɛɛh mɛ la ɡe ɡel he di bolchɔɡe. He ɡbabir nyiŋi dɛ́ na ɡɛ haa ɛ wechɔɡa he tea bini chɔɡ, ɡɛ saŋ haa vɛh men Korowii haa dɛ tom mɛ, haa wola men ɔmɛ la wa. Men Korowii, Koranar Bwa Kooroo bola.

Lewi Dea Tena 13:45

Nɛn waa dɔ ɡɛ weebuula nɔ la chɛ kɛŋɔ wɛ́ɛ do laalajɛɡle, dɛ bɛ o nyumpona lee dɛ́ kpɔ kon tɔ o nyoa ásɛ dɛɛ dooɡe lɔŋɔre ŋɔ, ‘N kah doŋa! N kah doŋa!’

Nɛra Kura 5:15

a chɛ kɛ báa la kpɔ o haah la la sɔfo be, dɛ́ che haah la naa ta, dɛ́ nyin men aa kpera kuruwa beŋkpoŋ, dɛ bɛ noo kɛɛ daawiile a sɔɔh aa soma baa dɛ fuah a ta do, dɛkalkɛŋɔ a ɛ mea saraha dɛ tɛ meera. A ɛ saraha aa dɛ baɡle kɛ nɛn di bolchɔɡe kɛɛ o ta bolchɔɡe dii.

Nɛra Kura 5:17

ásɛ dɛ ɛ vii bini nee aa do ɡoroŋ la, dɛ́ ɛ n Tɛnte Dea bela harɛ teera, dɛ́ kpɔ do nee la ta, ásɛ a do kpeli.

Nɛra Kura 5:19

Ásɛ sɔfo la ɡel haah la ŋwɛɛ ntam dɛ́ ŋɔ o be ŋɔ, ‘Dɛ he ta he jaa habɔɔ leɛ dɛ ka chɔ banfale dɛ kah doŋa aa, nyotaahna aa lɔ nee aa do kpeli nɔ ta bɛ won ɛɛ wobɛlbwa.

Nɛra Kura 5:22

Kórowii ɡel nee nɔ aa dɛ ba nyotaahna ne nɔ jo he bwara, dɛ́ ɡel he hwie serewe, dɛ́ do jeɡre, he tea su.’ Aa do ɡɛ nɔ, a chɛ kɛ haah la ŋɔ, ‘N sɛh ɡɛ. Kórowii ɡel á ɛ ɡɛ!’

1 Kɔrent 11:15

Kɛ dɛ haah nyu moɡɔ dɛ kpeɡ aa, a dɛ tɛo jirima wɛɛ do wer, dɛkalkɛŋɔ Korowiirii tɛɛ ba nyumpona ŋɔ á tɔ ba nyuune ta.

1 Kɔrent 11:6

Dɛ waa sɛh dɛ́ kpɔ kon bɔle o nyu ta naa, amɔ te bá fonɛ o nyu ta. A ta maɡrɛ kɛ ba fonɛ o nyu ta ɡe aa, amɔ te ó kpɔ kon dɛɛ bɔle o nyu ta.

Mmarare 29:18

Hé nyiŋi kɛrɛdɛ kɛŋɔ he nɛra haa cheɡɛ bonɔ fini nɔ, baa kɛɛ haah kɛɛ lolanar, kɛɛ dea bɛl tena aa Korowii yaa dɛ tomɔ nɔ tomaa ɡel dɛ́ ka tomɛ harɛ bɛl voɡa. Ásɛ a ba ɛ kɛŋɔ daa lur aa pama le dɛ nɔnɛ nɔnchɔɡa dɛ he diu waa he sewɛ la.

Hibru 13:4

A chɛ kɛ nomɛlbwa kpɔ duure dɛɛ tɛ hahmor, dɛ bɛ nɛmpɛɛne lawɛ dɛɛ chɔ dɛ ka ja ba haahna kɛɛ ba jaranar nɛ. Korowii ɛɛ tɛr nɛra baa dɛ ɛ wedoŋa baa ne haah chɔe be pera dɛɛ nyin ba dɔŋa haahna kɛɛ ba dɔŋa jaranar la deŋnee.

1 Samoɛl 15:32

Samoɛl ŋɔ, “Hé ka kpɔ Amalɛk tena Kooro Aɡaɡ ba tɛ mɛ.” Anee Aɡaɡ lɔ bambile dɛ ba o be, dɛɛ lii ŋɔ, “N jemɔ taraken kɛ baa men kpo kpa.”