Nɛra Kura 4:23 - mzwDBL

²³ Kure ba bini baala baa di bene fifraatoro, dɛ́ ka jaɡɛ fifraanue la bwa baa dɛ ba wona ɛ toma n Dea Cheremibɔr bela.

Nɛra Kura 4:23 ပူးပေါင်းရင်းမြစ်များ

1 Webena 23:24

Dɛ ɡɛ nɛra nɔɔ le Lewi dea dɛ ɛ ba nomonnyuune, ba kur ba beŋkpoŋa beŋkpoŋa dɛ chwerɛ ba sɔna la. Ba bini tom-ɛɛra baa di bene fifraanɛ kɛɛ dɛ ɡwaa dɛɛ ɛ toma Korowii Dea la.

1 Webena 23:27

A cheɡɛ waa Kooro Devid aa bola ta, ba kure Lewi dea tena la le banɔ la baa di bene fifraanɛ kɛɛ dɛ ɡwaa la.

1 Webena 23:3

O kure Lewi dea tena baa dɔ bene fifraatoro ne a habɔɔ la, ba ɛ baala kaɡboŋa fifraatoro dɛ banuatoro.

Nɛra Kura 4:22

“Kure Gɛsɔn dea tena ɡe, dɛ́ jemɛ ba nyoa.

Nɛra Kura 4:24

Gɛsɔn dea tena toma baa dɛɛ ɛa ne bone baa dɛɛ che laanee nɔ.

Nɛra Kura 4:3

Kure baala baa di bene fifraatoro ka tel bene fifraanue, baa dɛ ba wona ɛ n Dea Cheremibɔr la toma.

Nɛra Kura 8:25

kɛ dɛ o baa di bene fifraanue naa, ó ɡel toma baa dɛ ɛa tɔpere bɛlbwa la ɛɛ, dɛ bɛ an ɛ kpa.

1 Kɔrent 9:7

Dɛ he ɛ sooja dɛɛ kaa laa laa, toma la ta laa hɛɛ di aa? He parɛ koo aa, haa koo la kondikwaa di aa? Nateɡre besoo wola o nae elnee nyɔɔ?

2 Kɔrent 6:7

ne kasinteŋ bola ta, ne Korowii kpeɡri waa kpɔa cha yaa ta, dɛɛ baɡle kɛ Korowii bonɔɔnaa yan. Waa aa dɛ su Korowii siwi laanee ya dɔmkwa. A nee yaa yo diɡ ne ɡal ne, a nee yaa tɔ ya te ɡbemɡbe.

Galaasia 5:17

dɛkalkɛŋɔ waa he nɛwɛnyini mar wechɔɡa aa suu la aa dɛ nyin la, Korowii Domadɛɛɡe la aa an nyin. Nɛwɛnyini mar wenyina ne Korowii Domadɛɛɡe wenyina aa jo. Anomanta, waa haa dɛ nyin ɛɛ la, haa wona ba dɛ ɛ.

Galaasia 5:24

Nɛra baa ɛ Yeesu Kristo nɛra la, ba kpaa ba nɛwɛnyini mar wechɔɡa aa suu nɔ wenyina ne ba liichɔɡa bwa pɛl Yeesu daɡaɡre la ta dɛ kpoa.

1 Timoti 1:18

N bie Timoti, n dɔ waane dɛ́ bol he be, ásɛ he lawɛ a bini he Korowii toma ta. Gɛ ba fa aa cheɡɛ Korowii Domadɛɛɡe kpeɡri ta dɛ bol o toma waa tɛɛ kpeɡri hɛ́ɛ ɛ nɔ waa la, ɡɛ waa la tenten taa mɛɛ doe la. Anomanta, ɡel ɡɛ waa la doe ɡbemba ásɛ he won yo kɛrɛdɛ,

2 Timoti 4:7

N yo yodɛɛɡe la dɛ tonɛ, dɛ chwa chwae la ɡe tonɛ. Amanesoma maa dɛ yaradaa la ta ɡe, n ta habɔɔ leɛ.