Nɛra Kura 4:20 - mzwDBL

²⁰ Kohat naanar ta chɛ kɛŋɔ bá jo, dɛ́ nyiŋi kwaa aa do ɡoroŋ la, á ba ɛ kɛ baa kpɔ sie keŋkeŋnaa nyiŋi dɛ́ ba serewe.”

Nɛra Kura 4:20 ပူးပေါင်းရင်းမြစ်များ

1 Samoɛl 6:19

Korowii kpoo Bɛt Sɛmɛs baala fifraanuanɛ, nyiŋa baa kaa nyiŋi Korowii Ne Nɛwɛnyina Fɔo Daka la bini la wa. Bela tena la wii ba kohona, Korowii kpoe waa kpo ba la wa.

Kaala 19:21

asɛ Korowii ŋɔ o be ŋɔ, “Berɛ tu ka kah nɛra la ŋɔ ba bɛ lii kɛŋɔ baa ɡale jwɛh laanee dɛ́ kpɔ siwi na men Korowii. Ba lii ɡɛ naa, ba kɛrɛdɛ bwa ɛɛ serewoo.

Nɛra Kura 4:19

Waa aa chɛ kɛŋɔ hé ɛ ásɛ ba dɔ ba nyu dɛ bɛ serewe laanee kɛŋɔ, ba bɛ kwaa aa do ɡoroŋ kohona la bɛne. Arɔn ne o bibaalaa chɛ kɛ bá tɔ sie, ásɛ dɛ chaɡle bɛlbwa o toma ne o bone waa che.

Nɛra Kura 4:15

Dɛ he dɛ ba ira kaa bofale, asɛ Arɔn ne o bibaala tɔ laala aa do ɡoroŋ ne kwaa aa do ɡoroŋ baa kpɔa dɛɛ ɛ toma la ta tonaa, mɔɔ Kohat naanar ká kpɔ che kaa. Kɛ ba bɛ a ɡɛ kwaa aa do ɡoroŋ la leɡe, ásɛ dɛ ba sewɛ. Banee dɔ ŋwɛnɛ kɛ bá che n Dea Cheremibɔr laala ne o koŋkwaa bwa.

Lewi Dea Tena 10:2

Anomanta, Korowii ɡelɔ nii le buɡ la ta, o sie bela dɛ ba fuuh ba, ba bwa serewe.

Wepila 11:19

Asɛ Korowii Dea waa lɔ nyundua la pili, ba na Korowii Ne Nɛwɛnyina Fɔo Daka la. Bwaala ɛɛ nyɛɡle pelɔpelɔ ken, dɛɛ kɔɡre, harɛ ɛɛ jiɡri, dombwea ɛɛ lee kohona.

Lewi Dea Tena 16:13

Ó kpɔ daawiile la do nii la ta n sie bela, ásɛ a chuu la bɔle N Ne Nɛwɛnyina Fɔo Daka tɔ la ta, ásɛ o bɛ o tɔ la na dɛ́ ba sewɛ.

Nɛra Kura 4:21

Korowii berɔ ŋɔ Mosis be ja ŋɔ,

Nɛra Kura 1:51

Saŋ bɛlbwa aa chɛ kɛŋɔ bá kpɔ n Tɛnte Dea la kaa bobɛl la, Lewi dea tena laanee chɛ kɛŋɔ bá foromu. Dɛ a chɛ kɛŋɔ bá baŋro ɡe aa, banee dɔ o baŋra. Nomɛlbwa waa wola dea la ta jae bɛne belaa, bá kpoo.

Nɛra Kura 18:3

Ba toma ɛɛ bwa lɔ he nɔn ta. Gel ba nyiŋi kɛrɛdɛ dɛɛ ɛ toma bɛlbwa sese aa lɔ n Tɛnte Cheremibɔr dembaah bela la bwa. Kɛ ɡel ba nyiŋi kɛrɛdɛ dɛ bɛ laala baa kpɔa kwaa Boɡoroŋ la bini, kɛɛ kon baa dɛ ɛ saraha o ta la ba leɡe. A ba ɡɛ naa, he ne ba bwa ɛɛ serewoo.