Nɛra Kura 4:15 - mzwDBL

¹⁵ Dɛ he dɛ ba ira kaa bofale, asɛ Arɔn ne o bibaala tɔ laala aa do ɡoroŋ ne kwaa aa do ɡoroŋ baa kpɔa dɛɛ ɛ toma la ta tonaa, mɔɔ Kohat naanar ká kpɔ che kaa. Kɛ ba bɛ a ɡɛ kwaa aa do ɡoroŋ la leɡe, ásɛ dɛ ba sewɛ. Banee dɔ ŋwɛnɛ kɛ bá che n Dea Cheremibɔr laala ne o koŋkwaa bwa.

Nɛra Kura 4:15 ပူးပေါင်းရင်းမြစ်များ

Nɛra Kura 7:9

Kɛ Mosis ta Kohat dea tena te tɛɛ, dɛkalkɛŋɔ kwaa aa do ɡoroŋ la, anee ba kpɔ do ba nɔn ta, baa dawa vam.

Mmarare 31:9

Ate, Mosis chwerɛ Korowii Mmara la dɛ kpɔ do Lewi dea tena baa ɛ sɔfore la ne Israel nomonome la nɔn ta. Sɔfore laanee dɛɛ nyiŋi Korowii Ne Nɛwɛnyina Fɔo Daka o ne Israel tena fɔo baa fɔwa ba chwerɛ dɛ kpɔ do o bini la ta.

Nɛra Kura 10:21

Kohat dea tena laanee cheɡɛ Korowii Tɛnte Dea la bini laala aa do ɡoroŋ dɛ ɡe teŋɛ. Gɛrsɔn ne Merari dea tena la dɛ baŋre Korowii Tɛnte Dea la mɔɔ Kohat naanar yon tel bela.

1 Webena 15:2

Ate, Kooro Devid ŋɔ, “Nomɛlbwa toole dɛ́ che Daka nɔ ka ja Lewi dea tena nɛ, dɛkalkɛ banee Korowii le ŋɔ baa cheo, dɛɛ tomɔ o sie saŋ bɛlbwa dɛɛ la.”

1 Samoɛl 6:19

Korowii kpoo Bɛt Sɛmɛs baala fifraanuanɛ, nyiŋa baa kaa nyiŋi Korowii Ne Nɛwɛnyina Fɔo Daka la bini la wa. Bela tena la wii ba kohona, Korowii kpoe waa kpo ba la wa.

1 Webena 15:15

Daa Lewi dea tena kpɔ su Daka la keŋkeŋni, dɛ dawa ba vaama ta cheo, ɡɛ Korowii aa cheɡɛ o nyoa wobol ta do Mosis la.

2 Samoɛl 6:13

Baala baa cheɡɛ Daka la aa ta naɡale anumɛl la, Kooro ɡelɔ ba che asɛ o kpo nabal dɛ nao bie waa do noo kohona, dɛ ɛ saraha tɛ Korowii.

Josua 4:10

Sɔfore baa cheɡɛ Korowii Ne Nɛwɛnyina Fɔo Daka la cheɡɛ Jɔɔdan Moo nenabɔɔ la baah ta ka tel kɛŋɔ, waa Korowii aa do Josua ŋɔ ó ŋɔ Israel tena la be ŋɔ ba ɛ la aa tona, ɡɛ tenten Mosis aa bol Josua be la. Dɛ nɛra la ɛɡɛ Jɔɔdan Moo la le kaa warane.

Nɛra Kura 3:38

Mosis ne Arɔn ne o bibaala chɛ kɛ bá baŋre ba tɛnte deene Korowii Tɛnte Dea la sie wee leebɔr. Banee dɛɛ ba báa ɛ Boɡoroŋ bela toma, dɛ́ɛ tɛ Israel tena bwa. Nomɛlbwa waa ɛ Mosis toma ne sɔfo Arɔn toma la chɛ kɛ bá kpoo.

Nɛra Kura 1:51

Saŋ bɛlbwa aa chɛ kɛŋɔ bá kpɔ n Tɛnte Dea la kaa bobɛl la, Lewi dea tena laanee chɛ kɛŋɔ bá foromu. Dɛ a chɛ kɛŋɔ bá baŋro ɡe aa, banee dɔ o baŋra. Nomɛlbwa waa wola dea la ta jae bɛne belaa, bá kpoo.

Kaala 19:12

Kpɔ kon pe harɛ ó ɛ jwɛh bar bwe la, dɛ́ ŋɔ nɛra la be ŋɔ bɛ́lbwa nyiŋi kɛrɛdɛ dɛ bɛ jwɛh la ba ɡale, á ba ɛ kɛŋɔ baa teeh bwe laanee. Nomɛlbwa waa leɡe bwe la kwaraa la, kpoe chɛ kɛŋɔ bá kpoo.

Kaala 27:7

Kpɔ daa la su nɔnloɡa aa lɔ saraha kon la baŋne anɛ la ta bá kpɔ dɛɛ cheo.

Lewi Dea Tena 16:13

Ó kpɔ daawiile la do nii la ta n sie bela, ásɛ a chuu la bɔle N Ne Nɛwɛnyina Fɔo Daka tɔ la ta, ásɛ o bɛ o tɔ la na dɛ́ ba sewɛ.

Nɛra Kura 1:50

Kɛ kpɔ n Tɛnte Dea, ne laala aa lɔ o bini dɛ o komɛlbwa do Lewi dea tena la nɔn ta bá chɔ a nyoa. Banee dɛɛ ba baa che o ne laala aa jaa bwa. Banee dɛ́ nyiŋi o ta dɛ́ baŋre ba tɛnte deene baro.

Nɛra Kura 4:14

Ásɛ dɛ pa koŋkwaa bwa baa kpɔa dɛɛ ɛ toma saraha kon la ta. Anee kwaa baa kpɔa dɛɛ buh nii, ne bune baa kpɔ toh ola, ne soofire, ne loɡa baa do chal kɛɛ nee a bini dɛ ɛ dɛɛ merɛ, dɛ́ kpɔa chɔŋɛ o ta, ásɛ dɛ kpɔ mpo nae tɔne la bɔle a ta. Ásɛ dɛ kpɔ daa baa kpɔa dɛɛ cheo la suuɡi nɔnloɡa aa lɔ o loŋkoni ta la.

Nɛra Kura 4:19

Waa aa chɛ kɛŋɔ hé ɛ ásɛ ba dɔ ba nyu dɛ bɛ serewe laanee kɛŋɔ, ba bɛ kwaa aa do ɡoroŋ kohona la bɛne. Arɔn ne o bibaalaa chɛ kɛ bá tɔ sie, ásɛ dɛ chaɡle bɛlbwa o toma ne o bone waa che.

Nɛra Kura 4:20

Kohat naanar ta chɛ kɛŋɔ bá jo, dɛ́ nyiŋi kwaa aa do ɡoroŋ la, á ba ɛ kɛ baa kpɔ sie keŋkeŋnaa nyiŋi dɛ́ ba serewe.”

Nɛra Kura 18:3

Ba toma ɛɛ bwa lɔ he nɔn ta. Gel ba nyiŋi kɛrɛdɛ dɛɛ ɛ toma bɛlbwa sese aa lɔ n Tɛnte Cheremibɔr dembaah bela la bwa. Kɛ ɡel ba nyiŋi kɛrɛdɛ dɛ bɛ laala baa kpɔa kwaa Boɡoroŋ la bini, kɛɛ kon baa dɛ ɛ saraha o ta la ba leɡe. A ba ɡɛ naa, he ne ba bwa ɛɛ serewoo.

2 Samoɛl 15:24

Dɛ sɔfo Sadɔk lɔ bela, asɛ Lewi dea tena bwa baa ja o nɛɛ la che Korowii Ne Nɛwɛnyina Fɔo Daka la. Ba kpɔɔ cheɡ harɛ, asɛ sɔfo Abiata kpoo kwaa ɛ saraha ka tel kɛŋɔ Kooro Devid ne o nɛra la bwa aa le bwɛjen la ta.

1 Webena 23:26

ɡɛ nomanta, Lewi dea tena la ta chɛ kɛŋɔ bá che Korowii Tɛnte Dea la kɛɛ komɛlbwa baa kpɔa dɛɛ tomɛ Korowii la kpa.”

Kaala 19:21

asɛ Korowii ŋɔ o be ŋɔ, “Berɛ tu ka kah nɛra la ŋɔ ba bɛ lii kɛŋɔ baa ɡale jwɛh laanee dɛ́ kpɔ siwi na men Korowii. Ba lii ɡɛ naa, ba kɛrɛdɛ bwa ɛɛ serewoo.

1 Koranar 8:3

Israel nomonome la bwa aa baa cheme la, sɔfore la kaa kpɔ Korowii Ne Nɛwɛnyina Fɔo Daka la,