Nɛra Kura 34:2 - mzwDBL

² ó bol Israel tena la be ŋɔ, “Dɛ he tel Keenan harɛ baa dɛ ba bɔna ó ɛ he kon la ta naa, bá do jwɛhre nɔ.

Nɛra Kura 34:2 ပူးပေါင်းရင်းမြစ်များ

Mumpar 17:8

Mɛɛ tɛ he ne he naanar Keenan harɛ haa ɛ hɔɔhra dɛ so o ta taraken nɔ bwaa, ásɛ o ɛ he kon saŋ bɛlbwa dɛɛ la, ásɛ n ɛ Korowii haa dɛɛ tom mɛ.”

Yela 105:11

O ŋɔ, “He ne he naanaree mɛɛ ba Keenan harɛ kpɔe tɛ, ó ɛ he kapɛrɛ kon.”

Ɛfesos 1:18

dɛ́ pili he sie, dɛ́ ɡel he won jemɛ hwɛɡa Korowii aa le heyaa he dɔ a do kan kohona la kɛrɛdɛ, dɛ́ jemɛ kɛŋɔ wedɛɛɡa waa baɡɛ o nɛra ba wa aa toɡra nyoa ŋɔ baa dɔɔ la kan taeh,

Ɛfesos 1:14

O Domadɛɛɡe la taa a che ya jemɛ kɛŋɔ yaa dɔ kwaa Korowii aa baɡɛ o nɛra nyoa laanee. Anee baɡla kɛŋɔ Korowii ɛɛ lɛ o nɛra bwaa ta, dɛ́ lɛ sɔn ne jirima tɛ o te.

We-ɛɛla 26:18

Hen dɛ́ ka pili ba sie, ásɛ ba le biro ta dɛ́ ba bochaah ta bela nii aa lole, dɛ́ le Bɔnsam nɔn ta dɛ́ ba Korowii be, ásɛ o kpɔ ba wechɔɡa kɛ ba, ásɛ ba ba ja nɛra baa yarada mɛ n sɔ ba doŋa bwa ta ba ɛ n bii la nɛ.’

We-ɛɛla 17:26

Nɛmbeŋkpoŋii o ta, asɛ a ɡɛ nɛn la lolɛ harɛ bɛlbwa nɛra, asɛ ba ya perɛ harɛ bwa. Waa ta nɛwɛnyini la, o do bɛlbwa tɔpera ne ya dobɔra.

Ɛsekeɛl 47:14

Bɔno kɛrɛdɛ bɛlbwa dɔ o kon, dɛkalkɛ n ir nɔn dɛ ŋwɛɛ kɛŋɔ he naawaa n kpɔ harɛ nɔ tɛ. Harɛ nɔɔ dɛ́ ɛ he kapɛrɛ kon.

Jeremia 3:19

Belaa Korowii ŋɔ, “Israel tena, n dɛ nyin kɛ ń kpɔ heyaa berɛ n bii dɛ́ tɛ heyaa harɛ waa wera, harɛ waa wera kohona harɛre bwa ta. N liiro ŋɔ hɛɛ yer mɛ he mɛɛ dɛ bɛ habɔɔ berɛ kpo mɛ.

Mumpar 10:19

Asɛ a che a ta Keenan tena dɔ ba jwɛh dɛ le bwɛjen Sidon dɛ kpɔ ka le bwɛɛ bɛl sɔne Gerar ne bwɛjen Gasa, dɛ ka tel Sodom ne Gomoora ne Adma ne Seboiim dɛ ka tel Lasa.

Nɛra Kura 34:1

Korowii ŋɔ Mosis be ŋɔ,

Ɛsekeɛl 47:13

Nemenɛ Korowii ŋɔ, “Anɔɔ dɛ́ ɛ harɛ la haa dɛ ba bɔna tɛ Israel deene fi dɛ anɛ la, ne bɔre anɛ Josef dea bii aa dɛ ba dɔe la jwɛhre, ásɛ bɛlbwa dɔ o harɛ ó ɛ o kapɛrɛ kon.

Kaala 23:31

Mɛɛ ɡeloo he jwɛh le Mposwɛm la ta ka le Mɛdetereenea Mpo ta, dɛ́ kpɔ ka le pua hɛŋle ɡbo harɛ ta, dɛ́ kaa Yufretis Moo la ta. Mɛɛ kpɔ nɛra baa soɡe harɛ la ta bela laanee do he nɔn ta, ásɛ he doŋ ba le he sie.

Josua 11:23

Josua yoo lɛ ɡɛ harɛ la bwa, ɡɛ Korowii aa ŋɔ o bonɔɔ Mosis be la. O bɔna tɛ Israel deene fi dɛ anɛ la, asɛ bɛlbwa dɔ o bɔr. A habɔɔ deŋnesɔɔhna ba harɛ la ta, bɛlbwa ta yoi kpa.

Josua 13:1

Josua baa hwɛɛh kɛrɛdɛ. Asɛ Korowii ŋɔ o be ŋɔ, “Taraken he hwɛɛhrɔ kohona, kɛ a ta ka harɛre warɛ kɛŋɔ Israel tena yo dɛ lɛ.

Josua 21:43

Gɛɛ a do Korowii kpɔ harɛ waa baɡɛ Israel tena nyoa ŋɔ, wɛɛ kpɔɔ tɛ ba naawa la tɛɛ ba, asɛ ba ka kpɔ o ɛ ba kapɛrɛ kon dɛ so o ta.