Nɛra Kura 32:22 - mzwDBL

²² dɛ Korowii sɔɔh harɛ la nɛra kpeɡri nyoa mɔɔ he laa berɛ aa, dɛ he ɛ waa aa wera tɛ Korowii ne Israel tena, dɛ Korowii sɛoh kɛ harɛ la ɛ he kon.

Nɛra Kura 32:22 ပူးပေါင်းရင်းမြစ်များ

2 Samoɛl 3:28

A habɔɔ Kooro Devid aa baa no la, o ŋɔ, “N ne n harɛ nɔ ta nɛn bɛlbwa ta bolchɔɡe dii Korowii sie, Abna seo wa.

Yela 78:55

O tɔ sie doŋi nɛra baa soɡe harɛ la ta, dɛ bɔne harɛ la denaa ta tɛ Israel tena, dɛ kpɔ ba ka so ba deene la ta.

Lewi Dea Tena 14:34

“Dɛ he jo Keenan harɛ maa kpɔa dɛɛ ba heyaa tɛɛ ó ɛ he kon la ta, asɛ nomɛl na kɛŋɔ n kpɔ konfɔɔla aa won bui ta dem bɛl danjwɛɛ ta naa,

Nɛra Kura 32:21

dɛ́ bwa vɔwɛ ntoa, dɛ́ le Jɔɔdan Moo la baŋ ɡɛ Korowii aa ŋɔa la ka tel kɛ waa doŋi he dɔma he sie,

Mmarare 3:20

Hé cha he bala la ka tel kɛŋɔ Korowii aa tɛɛ ba bɔr bá so dɛ́ onɛ, ɡɛ waa tɛ heyaa nɔ, ba ɡe dɔ harɛ Korowii aa kpɔa tɛɛ ba o do Jɔɔdan Moo baŋ le. A habɔɔ la, bɛlbwa ɛɛ won kaa harɛ maa kpɔa tɛ heyaa la ta ja.’

Josua 1:15

dɛ́ ka tel kɛŋɔ Korowii aa ɡela ba bwara sɔɔh ba ɡɛ waa ɛa tɛ heyaa la, ka tel kɛŋɔ ba ɡe aa kaa dɔ harɛ Korowii haa dɛ tomɔ aa kpɔa tɛɛ baa la. Mɔɔ he berɛ kaa he ɡbaɡba harɛ Korowii bonɔɔ Mosis aa kpɔa tɛ heyaa o do Jɔɔdan Moo wee leebɔr la ta.”

Josua 10:30

Korowii cheɡɛ Josua ne o laa tena mun ta, dɛ kpɔ bwɛjen la ne o kooro do ba nɔn ta. Ba kpoo nɛra baa lɔ o ta bwa, nomɛlbwa ta kae. Gɛ baa ɛ bwɛjen Jeriko kooro laanee ba ɛ kooro la ɡe.

Josua 10:42

Josua ne o laa tena kaa yo a ɡɛ koranar nɔ ne ba nɛra, dɛ ba harɛre la teŋɛ dɔŋa nɛ, dɛ pɔ ba nɛ. Korowii Israel tena aa dɛ tomɔ laanee yoa tɛɛ ba.

Josua 11:23

Josua yoo lɛ ɡɛ harɛ la bwa, ɡɛ Korowii aa ŋɔ o bonɔɔ Mosis be la. O bɔna tɛ Israel deene fi dɛ anɛ la, asɛ bɛlbwa dɔ o bɔr. A habɔɔ deŋnesɔɔhna ba harɛ la ta, bɛlbwa ta yoi kpa.

Josua 13:8

Dɛ Korowii bonɔɔ Mosis tɔ sie kpɔ Jɔɔdan Moo wee leebɔr harɛ tɛ Rubin ne Gad dɛ Manasɛ dea pera tena la bane, ásɛ o ɛ ba kapɛrɛ kon.

Josua 18:1

Israel tena aa yo harɛ la tonɛ la, ba bwa kaa cheme bwɛjen Silo ta, belaa sɔfore la ne ba bala baŋre Korowii Dea Cheremibɔr,

Josua 2:19

Ba bini bɛlbwa le he dem bonɔ kaa laa, dɛ o ɡbabirii ɛ o nyu dɛ nyin o seo, dɛ ya be laa a le. Kɛ dɛ bɛlbwa ta lɔ dem bela asɛ waane ɛo waa, dɛ ya bee a le.”

Josua 22:4

Gɛ Korowii haa dɛ tomɔ aa ɡela he bala la dɔ bosɔɔhna ɡɛ waa baɡɛ nyoa la nomanta, hé berɛ kaa harɛre Korowii bonɔɔ Mosis aa kpɔa tɛ heyaa Jɔɔdan Moo wee leebɔr la ta.

Josua 22:9

Asɛ Rubin ne Gad deene, dɛ Manasɛ dea pera tena la le bela bane Israel tena laa soɡa bwɛjen Silo, o lɔ Keenan harɛ ta, dɛ laa berɛ ba kaa ba ɡbaɡba harɛ ta Gelead, ɡɛ Korowii aa cheɡɛ Mosis nɛɛ dɛ do ba la.